Абдукадирова Икбол Камалджановнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Болаларнинг туғма ва орттирилган нейросенсор карликда асаб-психик ривожланишини баҳолаш», 14.00.13 – Неврология (тиббиёт фанлари).
Диссертация мавзуси рўйхатга олинган рақам: B2021.1 PhD/Tib1698.
Илмий раҳбар: Шамансуров Шаанвар Шамуратович, тиббиёт фанлари доктори, профессор.
Диссертация бажарилган муассаса номи: Тиббиёт ходимларининг касбий малакасини ривожлантириш маркази.
ИК фаолият кўрсатаётган муассаса (муассасалар) номи, ИК рақами: Тиббиёт ходимларининг касбий малакасини ривожлантириш маркази, DSc.04/30.12.2019.Tib.31.01
Расмий оппонентлар: Рахимбаева Гулнора Саттаровна, тиббиёт фанлари доктори, профессор; Садикова Гулчехра Кабуловна, тиббиёт фанлари доктори, профессор.
Етакчи ташкилот номи: Самарқанд давлат тиббиёт университети.
Диссертациянинг йўналиши: амалий аҳамиятга молик.
II. Тадқиқотнинг мақсади туғма ва орттирилган нейросенсор эшитиш заифлиги бўлган болаларда психо-неврологик ривожланишини хисобга олган холда клиник ва нейрофиологик хусусиятлари бўйича таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
туғма ва орттирилган нейросенсор эшитиш заифлиги мавжуд болаларда эрта эшитиш, гнозис ва олий пўстлоқ функциялари бузилишининг ривожланиш хавф омиллари (қариндошлик никоҳи, гипербилирубинемия) аниқланган;
илк бор нейросенсор эшитиш заифлиги мавжуд болаларда психо-неврологик ривожланиш бузилишининг эшитиш пасайиши даражаси билан бош мия биоэлектрик фаоллиги орасида марказий асаб тизимининг постгипоксик ва токсик шикастланиши сабабли тўғри мутаносиблик аниқланган;
нейросенсор эшитиш заифлиги мавжуд болаларда ривожланиш когнитив бузилиши эшитиш билан чақирилган потенциаллар билан сенсор тизимнинг марказий ва периферик бўлимлари орасида сенсор тизимининг органик шикастланиш сабабли тўғри мутаносиблик аниқланган;
туғма ва орттирилган нейросенсор эшитиш заифлиги мавжуд болаларда қисқа латент эшитиш потенциаллари таркибий қисмларининг бузилишлари этиологик омилларга боғлиқ эмаслиги исботланган.
IV. Тадқиқот натижаларининг жорий қилиниши:
Туғма ва орттирилган нейросенсор эшитиш заифлиги бўлган болаларда асаб-ақлий ривожланишини ўрганишда қиёсий ёндашувлар бўйича олинган натижалар асосида:
нейросенсор эшитиш заифлиги бўлган болаларда диагностика ва профилактика усулларини оптималлаштириш бўйича олиб борилган тадқиқотнинг илмий натижалари асосида ишлаб чиқилган «Туғма ва орттирилган нейросенсор эшитиш заифлиги бўлган болаларда нейроофтальмологик касалликларни клиник ва фукционал баҳолаш» номли услубий тавсияномаси тасдиқланган (Соғлиқни сақлаш вазирлигининг 2022 йил 16 сентябрдаги 8н-з/468-сон маълумотномаси). Мазкур услубий тавсиянома эшитиш қобилияти бузилган болаларда нейроофтальмологик бузилишларнинг ҳавфли омилларини аниқлашга йўналтирилган ва болаларда эшитиш ва кўриш қобилияти бузилишини эрта аниқлаш имконини берган;
туғма ва орттирилган нейросенсор эшитиш заифлиги бўлган болаларда нейроофтальмологик касалликларни клиник ва фукционал бахолаш  бўйича олинган илмий натижалар соғлиқни сақлаш амалиётига, жумладан Тошкент тиббиёт академияси 2- клиникаси, Республика ихтисослаштирилган кўз микрохирургияси маркази Самарқанд филиали амалиётига жорий қилинган (Соғлиқни сақлаш вазирлигининг 2022 йил 20 декабрдаги 08-40308-сон маълумотномаси). Тадқиқот натижалари эшитиш қобилияти бузилган болаларда нейроофтальмологик бузилишларни эрта ташхислаш самарадорлигини ошириш имконини берган.