Нортожиев Бобошер Шералиевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Лимон ва мандарин (Citrus limon B., Citrus reticulate L.) кўчатларини жадал етиштириш технологиясини такомилаштириш”, 06.01.07 – Мевачилик ва узумчилик (Қишлоқ хўжалиги фанлари).
Диссертация мавзуси рўйхатга олинган рақам: В2022.3.PhD/Qx.968.
Илмий раҳбар: Cултонов Камолитдин Садриддинович, қишлоқ хўжалиги фанлари доктори, профессор.
Диссертация бажарилган муассаса номи: Тошкент давлат аграр университети.
ИК фаолият кўрсатаётган муассаса номи, ИК рақами: Тошкент давлат аграр университети, DSc.05/29.04.2022.Qx. 13.04.
Расмий оппонентлар: Файзиев Жамолиддин Носирович, қишлоқ хўжалиги фанлари доктори; Фахрутдинов Нуриддин Зайниддинович, қишлоқ хўжалиги фанлари номзоди, доцент.
Етакчи ташкилот: Термиз агротехнологиялар ва инновацион ривожланиш институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади лимон кўчатларини етиштириш ва улардан мандарин кўчатларини тайёрлашда пайвандтаг сифатида фойдаланиш технологиясини такомиллаштиришдан иборат.
III. Тадқиқотнинг илмий янгилиги:
илк бор лимон кўчатларини вегетатив усулда саноат даражасида  кўпайтиришда қаламчаларнинг илдиз отишига қаламчалар ўлчамининг боғлиқлиги аниқланган ва қаламчалар диаметри, 7-8, мм узунлиги 12-14 см ўлчамда кесиб олинганда яхши натижа кўрсатиши исботланган;
лимон қаламчаларини илдиз отишига қўлланилган субстратлардан торф ва вермикулит, биостимулятор турларидан  Эпин ва  Энерген юқори натижа кўрсатган;
ҳимояланган иншоотга нисбатан очиқ майдонда етиштирилган пайвандтагларда куртак пайвандустларнинг тутувчанлиги яхши натижа бериши аниқланган ва энг мақбул муддатлари (август ойининг иккинчи-учунчи декадасида) ишлаб чиқилган;
мандарин кўчатларини тайёрлашда пайвандустларнинг тутувчанлигига мандариннинг уруғидан кўпайтирилган пайвандтагларига нисбатан лимоннинг вегетатив усулида кўпайтирилган павандтаглари (Мейер, Тошкент, Юбилейный) юқори натижа кўрсатган ҳамда искана пайванлашнинг мақбул муддатлари (март ойининг биринчи декадаси) аниқланган.
IV. Тадқиқот натижаларининг жорий қилиниши.
Лимон ва мандарин кўчатларини жадал етиштириш технологиясини такомилаштириш бўйича олиб борилган илмий-тадқиқот натижалари асосида;
академик М.Мирзаев номидаги боғдорчилик узумчилик ва виночилик илмий-тадқиқот институтининг ҳимояланган иншоотларида (траншей) 0,06 га майдонда лимон ва мандарин кўчатларини етиштириш жорий этилган (Ўзбекистон Республикаси Қишлоқ хўжалиги вазирлигининг 2023 йил 6 январдаги №07/23-06/9- сонли маълумотномаси). Натижада кўчат етиштиришда торф ва вермикулит субстратларида назоратга нисбатан 3-4 баробар кўп кўчат етиштиришга эришилган;
очиқ майдонларда лимон пайвандтагларидан фойдаланиб мандарин кўчатларини етиштириш ишланмаси Андижон вилояти Асака туман “SAMARAGROZOOVETSERVIS” MChJ нинг 0,05 га ҳимояланган иншоотларида ва 0,5 га очиқ майдонларида жорий этилган (Ўзбекистон Республикаси Қишлоқ хўжалиги вазирлигининг 2023 йил 6 январдаги №07/23-06/9-сонли маълумотномаси). Бунинг натижасида 1 га майдондан ўртача 55 332 дона мандарин кўчатларини етиштиришга эришилган, рентабеллик 105,9 % ни ташкил этган;
очиқ майдонларда лимон пайвандтагларидан фойдаланиб мандарин кўчатларини етиштириш ишланмаси Андижон вииояти Асака туман “GREEN VALLEY SEEDS” хусусий корхона хўжалигида 0,04 га очиқ майдонда жорий этилган (Ўзбекистон Республикаси Қишлоқ хўжалиги вазирлигининг 2023 йил 6 январдаги №07/23-06/9-сонли маълумотномаси). Бунинг натижасида 1 га майдондан ўртача 54332 дона мандарин кўчатларини етиштиришга эришилган рентабеллик 105,7 % ни ташкил этган.