Абдулхакова Наргиза Шухратовнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Илдиз каналларининг эндодонтик санацияси учун антисептик ишловини клиник-патогенетик асослаш», 14.00.21-Стоматология (тиббиёт фанлари).
Диссертация мавзуси рўйхатга олинган рақам: В2020.2. PhD /Тиб1222.
Илмий раҳбар: Бекжанова Ольга Есеновна, тиббиёт фанлари доктори, профессор; 
Диссертация бажарилган муассаса номи: Тошкент давлат стоматология институти.
ИК фаолият кўрсатаётган муассаса (муассасалар) номи, ИК рақами: Тошкент давлат стоматология институти DSc04/30.12.2019.Тib.59.01.
Расмий оппонентлар: Орехова Людмила Юрьевна, тиббиёт фанлари доктори, профессор (Россия Федерацияси); Гулямов Суръат Саидвалиевич, тиббиёт фанлари доктори, профессор.
Етакчи ташкилот: И.М.Сеченов номли Биринчи Москва давлат тиббиёт университети (Россия Федерацияси).
Диссертация йўналиши: амалий аҳамиятга молик.
II. Тадқиқотнинг мақсади комплекс даволашга Декасан препаратини қўшиш билан апикал периодонтит терапияси самарадорлигини оширишдан иборат.
III. Тадқиқотнинг илмий янгилиги:
илк бор in vitro тажрибада антисептик восита ва ультратовуш комплексининг одам илдиз канали оралиғида, юза ва чуқур дентинда Enterococcus Faecalis биопленкаси титрини сезиларли пасайтириши ва илдиз каналлари тизимининг агрессив муҳитида патоген микроорганизмларни нейтралланиши аниқланган;
илдиз каналлари тизимининг in vivo клиник тадқиқотларида тишларнинг илдиз канали оралиғи ва дентин каналчаларида факультатив-анаэроб бактериялар ассоциацияси кўрсаткичини антисептик ва ультратовушнинг даволаш комплекси самарадорлиги исботланган; 
илк бор нейтрофиллар фагоцитози ва унинг капилляр қондаги якунланиш кўрсаткичлари бўйича экстрарадикуляр биоплёнкани нейтралланиши ва ультратовуш композициясининг таъсири сабабли апикал периодонтитда периапикал соҳа регенерацияси динамикасининг ортиши асосланган;
илк бор апикал периодонтит давосида антисептик ва ультратовуш комплексини қўллаш альвеоляр суяк остеогенезини стимулланиши сабабли суяк тўқимаси резорбция ўчоғининг тикланишини юқори самарадорлиги исботланган. 
IV. Тадқиқот натижаларининг жорий қилиниши.
Тишларнинг илдиз каналлари эндодонтик санацияларида антисептик ишлов беришнинг клиник-патогенетик асослари бўйича олинган илмий натижалар асосида: 
периапикал тўқималарни зарарланиш динамикаси кўрсаткичларининг ишончли клиник самарадорлигини ошириш бўйича олиб борилган тадқиқотнинг илмий натижалар асосида ишлаб чиқилган «Илдиз каналлар санацияси самарадорлигини баҳолаш» услубий тавсиянома тасдиқланган (Соғлиқни сақлаш вазирлигининг 2022 йил 18 февралдаги 8н-р/164-сон маълумотномаси). Мазкур услубий тавсиянома ультратовушдан фойдаланган ҳолда Декасан антисептиги билан даволаш тактикасига янгича ёндашувларни ишлаб чиқиш имконини берган;
анъанавий ишлатиладиган илдиз кананлларини ирригантларини солиштирма in vivo таҳлилида антисептик ва ультратувош комплексининг самарадорлигини  ошириш бўйича олиб борилган тадқиқотнинг илмий натижалар асосида ишлаб чиқилган «Илдиз канал тизими оралиғида биопленкага антибактериал таъсир кўрсатишнинг ўзига хос хусусиятлари» услубий тавсиянома тасдиқланган(Соғлиқни сақлаш вазирлигининг 2022 йил 18 февралдаги 8н-р/163-сон маълумотномаси). Мазкур услубий тавсиянома ультратовуш билан Декасандан фойдаланганда беморлар ҳолатини яхшилаш имконини берган; 
Декасан антисептиги ва ультратовуш комплексини қўллаш бўйича олинган илмий натижалар соғлиқни сақлаш амалиётига, жумладан, Самарқанд шаҳар «Самарқанд шаҳар стоматологик поликлиникаси» давлат унитар ташкилоти, Тошкент шаҳар «4-стоматологик поликлиника» ОАЖ амалиётига жорий этилган (Соғлиқни сақлаш вазирлигининг 2022 йил 11 майдаги 8н-д/225-сон маълумотномаси). Олинган илмий натижаларнинг амалиётга татбиқ этилиши Декасанни ва ультратовушли комплексини илдиз каналидаги юза ва чуқур дентиндаги Enterococcus faecalis биоплёнкасига юқори антимикроб самарасини, суяк тўқимасининг резорбция ўчоғини 3,50 мартага тикланилишини ва “ижобий даво” самарадорлигини 20,34% ортишига имкон яратган.