Давронова Феруза Рахмоновнанинг  
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Ўзбекистон тараққиётининг янги босқичида аёллар сиёсий фаоллигини ошириш механизмлари», 23.00.02 – Сиёсий институтлар, жараёнлар ва технологиялар (сиёсий фанлар).
Диссертация мавзуси рўйхатга олинган рақам: В2020.4.PhD/Ss238.
Илмий раҳбар: Алимардонов Тўлқин Турдиевич, сиёсий фанлар доктори, профессор.
Диссертация бажарилган муассаса номи: Ўзбекистон давлат жаҳон тиллари университети.
ИК фаолият кўрсатаётган муассаса номи, ИК рақами: Ўзбекистон давлат жаҳон тиллари университети, DSc.03/29.04.2022.Ss.27.02.
Расмий оппонентлар: Хусейнова Абира Амоновна, фалсафа фанлари доктори, профессор; Омонов Бахтиёр Ахтамович, сиёсий фанлар доктори, профессор. 
Етакчи ташкилот: Ўзбекистон миллий университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: мамлакат тараққиётининг янги босқичида аёллар сиёсий фаоллигини оширишга хизмат қиладиган давлат бошқарувидаги мавжуд институционаллашув механизмларини такомиллаштиришдан иборат.
III. Тадқиқотнинг илмий янгилиги:
сиёсий фаоллик ва лидерликнинг, хотин-қизлар сиёсий ижтимоийлашувига кўра, жамият ва давлат ҳаётини демократлаштириш, модернизация ва ислоҳ қилишда мотивацион, конструктив ва интегратив индикатор эканлиги давлат бошқарувидаги институционаллашув жараёнлари мисолида исботланган;
гендер тенглиги ва инклюзив сиёсат натижасида аёллар сиёсий фаоллиги асосий шаклларининг (ННТлар фаолиятида; бевосита сиёсий қарорлар қабул қилишда; электорал фаоллиги) мамлакатда хотин-қизларга оид гендер стратегияси ва миллий дастурни амалга ошириш ҳамда сиёсий жараёнлардаги тўлақонли иштирокини таъминлашда синергетик омил сифатида таъсир этиши динамик ҳамда статистик кўрсаткичлар орқали далилланган;
аёллар сиёсий фаоллигини таъминлашда замонавий таҳдидлар, гендер стереотиплари ва хотин-қизларга нисбатан зўравонлик ва камситиш ҳолатларини бартараф этишга қаратилган «Шарқона гендер тенглик» концепциясини яратиш зарурати исботланган;
Ўзбекистонда барқарор ривожланиш мақсадларига эришиш, гендер демократияси ва маданиятини шакллантириш бўйича халқаро тажрибага асосланган миллий контекстдаги ислоҳотларни босқичма-босқич таълим тизимининг қуйи бўғинларидан бошлаб, тажриба-синов асосида жорий этишда функционал, тизимли ва интеллектуал кросс-платформа дастурларини яратиш бўйича тавсиялар ишлаб чиқилган.
IV. Тадқиқот натижаларининг жорий қилиниши.
Тараққиётнинг янги босқичида аёллар сиёсий фаоллигини оширишга хизмат қиладиган механизмлар борасида ишлаб чиқилган амалий таклиф ва тадқиқот натижалари асосида:
сиёсий фаоллик ва лидерликнинг, хотин-қизлар сиёсий ижтимоийлашувига кўра, жамият ва давлат ҳаётини демократлаштириш, модернизация ва ислоҳ қилишда мотивацион, конструктив ва интегратив индикатор эканлиги давлат бошқарувидаги институционаллашув жараёнлари билан боғлиқлигига оид, шу билан бирга, Ўзбекистонда барқарор ривожланиш мақсадларига эришиш, гендер демократияси ва маданиятини шакллантириш бўйича халқаро тажрибага асосланган миллий контекстдаги ислоҳотларни босқичма-босқич таълим тизимининг қуйи бўғинларидан бошлаб тажриба-синов асосида жорий этишда функционал, тизимли ва интеллектуал кросс-платформа дастурларини яратиш билан боғлиқ хулосалардан Тадбиркорлик ва ишбилармонлик ҳаракати – Ўзбекистон Либерал демократик партияси томонидан фойдаланилган (Тадбиркорлар ва ишбилармонлар ҳаракати – Ўзбекистон Либерал-демократик партияси Сиёсий кенгаш ижроия қўмитасининг 2021 йил 15 ноябрдаги 01-27/884-сон маълумотномаси). Натижада Ўзбекистон либерал демократик партияси «Аёлларнинг сиёсий фаоллиги, жамиятдаги ўрни ва мавқеини ошириш» бўлимининг 2021 йил II ярим йиллик иш режасининг III банди яъни  аёлларнинг сиёсий фаоллиги, жамиятдаги ўрни ва мавқеини оширишга оид мақсад ва вазифаларини шакллантиришга хизмат қилган;
гендер тенглиги ва инклюзив сиёсат натижасида аёллар сиёсий фаоллиги асосий шаклларининг (ННТлар фаолиятида; бевосита сиёсий қарорлар қабул қилишда; электорал фаоллиги) мамлакатда хотин-қизларга оид гендер стратегияси ва миллий дастурни амалга ошириш ҳамда сиёсий жараёнлардаги тўлақонли иштирокини таъминлашда синергетик омил сифатида таъсир этиши билан боғлиқ хулосалардан Ўзбекистон хотин-қизлар «Олима» уюшмаси  фаолияти ва иш режаларида белгиланган вазифаларни амалга оширилишида фойдаланилган (Ўзбекистон хотин-қизлар «Олима» уюшмасининг 2022 йил 16 ноябрдаги 1-А-350-сон маълумотномаси). Ушбу таклиф ва тавсиялар уюшманинг илмий ишланмаларини бойитишга хизмат қилган;
аёллар сиёсий фаоллигини таъминлашда замонавий таҳдид, гендер стереотиплари ва хотин-қизларга нисбатан зўравонлик ва камситиш ҳолатларини бартараф этишга қаратилган «Шарқона гендер тенглик» концепциясини яратиш билан боғлиқ хулосалар, уларни жорий этиш зарурлигига доир таклиф ва тавсиялардан Республика Маънавият ва маърифат маркази фаолиятида қўлланилган (Республика Маънавият ва маърифат марказининг 2022 йил 7 январдаги № 02/22/14-сон маълумотномаси). Натижада илмий-амалий таклифлар Республика Маънавият ва маърифат марказининг 2021-2022 йилларда ўтказилган тарғибот фаолиятида татбиқ этилган.