Sayt test rejimida ishlamoqda

Саидов Санжар Шавкатовичнинг 
фан доктори (DSc) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган тармоғи номи): «Фуқаролик жамиятини ривожлантириш асосида Марказий Осиёда интеграция жараёнларини кучайтиришнинг сиёсий механизмлари», 23.00.02 – Сиёсий институтлар, жараёнлар ва технологиялар (сиёсий фанлар).
Диссертация мавзуси рўйхатга олинган рақам: В2022.1.DSc/Ss53.
Илмий маслаҳатчи: Жўраев Нарзулла Қосимович, сиёсий фанлар доктори, профессор.
Диссертация бажарилган муассаса номи: Ўзбекистон давлат жаҳон тиллари университети.
ИК фаолият кўрсатаётган муассаса номи, ИК рақами: Ўзбекистон давлат жаҳон тиллари университети, DSc.03/29.04.2022.Ss.27.02.
Расмий оппонентлар: Жўраев Қодир Асадович, сиёсий фанлар доктори, профессор; Муминов Алишер Гаффарович, сиёсий фанлар доктори, профессор; Каримов Фарход Эркинович, сиёсий фанлар доктори.
Етакчи ташкилот: Ўзбекистон халқаро ислом академияси.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Марказий Осиё минтақасида интеграция жараёнларининг сиёсий мезонларини фуқаролик жамияти ва демократик қадриятлар муштараклиги орқали очиб беришдан иборат.
III. Тадқиқотнинг илмий янгилиги:
фуқаролик жамияти ғоясининг миллий даражадан глобал тизимга трансформацияси давлатлараро сиёсий мулоқот ва минтақавий интеграцияни кучайтириш, ҳамкорликка тўсиқ бўлувчи турли бюрократик омилларни бартараф этиш, жамоатчилик фикрининг плюрализацияси ва ҳокимият легитимлигини оширувчи ижтимоий механизм сифатида хизмат қилиши исботланган;
Марказий Осиёда юзага келаётган геосиёсий ихтилофлар ва ноанъанавий таҳдидлар (ахборот хуружлари, экологик ва пандемик ҳолатлар)ни бартараф этишда тарихий-маданий ҳамда диний-ментал хусусиятларнинг муштараклигини белгиловчи “цивилизацион бирлик” (“Civilization Unity”) тамойилига асосланган замонавий мотивацион лойиҳаларни татбиқ этиш зарурати аниқланган;
Марказий Осиё мамлакатларида давлат ҳокимиятининг жамиятда сиёсий фаолликни мувофиқлаштирувчи патерналистик характеридан инсон капиталининг тараққиётига асосланган («инсон-жамият-давлат» платформасидаги) ислоҳотларнинг умуммиллий характер касб этиб бориши ижтимоий адолат, ижтимоий тенглик ва ижтимоий ишонч каби элементларни қамраб олган «ижтимоий давлат» феноменининг шаклланишида муҳим индикатор бўлиб хизмат қилиши асосланган;  
Ўзбекистоннинг Марказий Осиё давлат раҳбарлари «Маслаҳат учрашуви»ни тузиш каби сиёсий ташаббуси мамлакатнинг минтақада интеграцион лойиҳалар генератори ва «масъулиятли етакчилик» мақомини мустаҳкамловчи омил сифатида хизмат қилиши  исботланган;
Ўзбекистоннинг минтақада сиёсий барқарорлик, иқтисодий тараққиёт, хавфсизликни таъминлаш борасидаги  «бир-бирини тўлдирувчи нуқталарни топиш» тамойилига стратегик ёндашуви ўзига хос превентив, ташаббускор ва ҳамкорлар учун очиқлик каби хусусиятларни қамраб олган «Марказий Осиё руҳи» феноменининг шаклланишига хизмат қилиши асосланган.
IV. Тадқиқот натижаларининг жорий қилиниши. 
Фуқаролик жамиятини ривожлантириш асосида Марказий Осиёда интеграция жараёнларини кучайтиришнинг сиёсий механизмлари борасида ишлаб чиқилган амалий таклиф ва тадқиқот натижалари асосида:
фуқаролик жамияти ғоясининг миллий даражадан глобал тизимга трансформацияси давлатлараро сиёсий мулоқот ва минтақавий интеграцияни кучайтириш, ҳамкорликка тўсиқ бўлувчи турли бюрократик омилларни бартараф этиш, жамоатчилик фикрининг плюрализацияси ва ҳокимият легитимлигини оширувчи ижтимоий механизм сифатида хизмат қилиши билан боғлиқ хулосалардан Ўзбекистон давлат жаҳон тиллари университетида бажарилган ПЗ-20170928710 рақамли «Ҳаракатлар стратегиясини бажариш даврида мамлакатимизда маънавий хавфсизликни таъминлаш масалалари» мавзусидаги илмий-амалий лойиҳада фойдаланилган (Ўзбекистон Республикаси Олий ва ўрта махсус таълим вазирлиги Олий таълимни ривожлантириш тадқиқотлари ва илғор технологияларни татбиқ этиш марказининг 2022 йил 22 февралдаги 02/01-03/5-47-сонли маълумотномаси). Тадқиқот иши натижалари «Ижтимоий капитал – фуқаролик жамиятининг муҳим мезони», «Ҳаракатлар стратегиясида жамоатчилик назорати: назария ва амалиёт» номли ўқув қўлланмаларни яратишда хизмат қилган;
Марказий Осиёда юзага келаётган геосиёсий ихтилофлар ва ноанъанавий таҳдидлар (ахборот хуружлари, экологик ва пандемик ҳолатлар)ни бартараф этишда тарихий-маданий ҳамда диний-ментал хусусиятларнинг муштараклигини белгиловчи “цивилизацион бирлик” (“Civilization Unity”) тамойилига асосланган замонавий мотивацион лойиҳаларни татбиқ этиш билан боғлиқ хулосалардан Ўзбекистон Республикаси Вазирлар Маҳкамаси ҳузуридаги миллатлараро муносабатлар ва хорижий мамлакатлар билан дўстлик алоқалари қўмитаси томонидан фойдаланилган (Миллатлараро муносабатлар ва хорижий мамлакатлар билан дўстлик алоқалари қўмитасининг 2022 йил 7 мартдаги 14-07-341-сонли маълумотномаси). Натижада диссертация материаллари Қўмитанинг 2022 йилга мўлжалланган иш режасидаги Марказий Осиё мамлакатлари билан дўстлик алоқаларини кучайтиришга қаратилган «йўл харитаси»ни ишлаб чиқишда илмий-назарий манба бўлиб хизмат қилган;
Марказий Осиё мамлакатларида давлат ҳокимиятининг жамиятда сиёсий фаолликни мувофиқлаштирувчи патерналистик характеридан инсон капиталининг тараққиётига асосланган («инсон-жамият-давлат» платформасидаги) ислоҳотларнинг умуммиллий характер касб этиб бориши ижтимоий адолат, ижтимоий тенглик ва ижтимоий ишонч каби элементларни қамраб олган «ижтимоий давлат» феноменининг шаклланишида муҳим индикатор бўлиб хизмат қилиши билан боғлиқ хулосалар бакалавриат барча таълим йўналишлари учун мўлжалланган ҳамда Ўзбекистон Республикаси Олий ва ўрта махсус таълим вазирлигининг 2020 йил 4 майдаги 285-сонли буйруғи асосида нашр этилган «Фуқаролик жамияти» ўқув қўлланмаси ёзилишида фойдаланилган (Ўзбекистон Республикаси Олий ва ўрта махсус таълим вазирлиги Олий таълимни ривожлантириш тадқиқотлари ва илғор технологияларни татбиқ этиш марказининг 2022 йил 22 февралдаги 02/01-03/5-48-сонли маълумотномаси). Тадқиқот натижалари мазкур ўқув қўлланманинг «Мамлакат ижтимоий-сиёсий ҳаётида фуқаролик жамияти институтларининг ўрни» (I боб 1.1§), «Ўзбекистонда кучли фуқаролик жамияти шаклланишининг асосий мезонлари» (II боб 2.2§) каби боб ва фаслларини такомиллаштиришга хизмат қилган;
Ўзбекистоннинг Марказий Осиё давлат раҳбарлари «Маслаҳат учрашуви»ни тузиш каби сиёсий ташаббуси мамлакатнинг минтақада интеграцион лойиҳалар генератори ва «масъулиятли етакчилик» мақомини мустаҳкамловчи омил сифатида хизмат қилиши билан боғлиқ хулосалари «Юксалиш» умуммиллий ҳаракати томонидан фойдаланилган («Юксалиш» умуммиллий ҳаракатининг 2022 йил 24 августдаги 931/22-сонли маълумотномаси). Диссертация материаллари «Марказий Осиёда толерантлик ва тинчликни таъминлаш мақсадларида трансчегаравий ва секторлараро мулоқот» лойиҳасини ишлаб чиқишда илмий манба бўлиб хизмат қилган;
Ўзбекистоннинг минтақада сиёсий барқарорлик, иқтисодий тараққиёт, хавфсизликни таъминлаш борасидаги  «бир-бирини тўлдирувчи нуқталарни топиш» тамойилига стратегик ёндашуви ўзига хос превентив, ташаббускор ва ҳамкорлар учун очиқлик каби хусусиятларни қамраб олган «Марказий Осиё руҳи» феноменининг шаклланишига хизмат қилиши борасидаги хулосалари Ўзбекистон Республикаси Олий Мажлиси Қонунчилик палатаси томонидан фойдаланилган (Ўзбекистон Республикаси Олий Мажлиси Қонунчилик палатасининг 2022 йил 25 февралдаги 05/1-02-45-сонли маълумотномаси). Диссертация материаллари Ўзбекистон Республикаси Олий Мажлиси Қонунчилик палатаси томонидан «Марказий Осиё мамлакатлари парламентлараро дўстлик гуруҳи концепцияси» лойиҳасини ишлаб чиқишда илмий манба бўлиб хизмат қилган.

Yangiliklarga obuna bo‘lish