Маматкулов Зоҳид Жонқобиловичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Геоинновацион технологиялар асосида қишлоқ хўжалиги экинларини мақбул жойлаштириш услубини такомиллаштириш (Сурхондарё вилояти мисолида)”, 11.00.07–“Геоинформатика” (техника фанлари).
Диссертация мавзуси рўйхатга олинган рақам: В.2022.4.PhD/T226 
Илмий раҳбарнинг Ф.И.Ш., илмий даражаси ва унвони: 
техника фанлари доктори, профессор Сафаров Эшқобил Юлдашевич.
Диссертация бажарилган муассаса номи: “Тошкент ирригация ва қишлоқ хўжалигини механизациялаш муҳандислари институти” Миллий тадқиқот университети.
ИК фаолият кўрсатаётган муассаса (муассасалар) номи, ИК рақами: “Тошкент ирригация ва қишлоқ хўжалигини механизациялаш муҳандислари институти” Миллий тадқиқот университети ҳузуридаги DSc.03/30.12.2019.Т.10.02 рақамли Илмий Кенгаш қошидаги бир марталик Илмий Кенгаш.
Расмий оппонентлар: иқтисодиёт фанлари доктори, профессор Авезбаев Саъдулла Авезбаевич, техника фанлари доктори (DSc), доцент Шокиров Шуҳрат Собирович.
Етакчи ташкилот - Ислом Каримов номидаги Тошкент давлат техника университети. 
Диссертация йўналиши: назарий ва амалий аҳамиятга молик.
II. Тадқиқотнинг мақсади геоахборот тизими ва масофадан зондлаш материаллари асосида қишлоқ хўжалиги экинларини тизимли жойлаштиришни такомиллаштириш ва уни автоматлаштириш бўйича илмий асосланган таклиф ва тавсиялар ишлаб чиқишдан иборат.
III. Тадқиқотнинг илмий янгилиги қуйидагилардан иборат:
масофадан зондлаш материаллари асосида экин ер майдонларининг контур чегараларини дастурий таъминотда аниқлаш усули такомиллаштирилган;
даврий масофадан зондлаш маълумотлари асосида eCognition Developer дастурий таъминотининг алгоритм қоидалари асосида экин турлари аниқланган ва геомаълумотлар базаси ишлаб чиқилган;
агроэкологик ва ижтимоий омилларнинг геофазовий таҳлили асосида экинларни мақбул жойлаштириш механизми такомиллаштирилган;
замонавий дастурлаш платформалари (HTML, Java Script, Leaftel, Laravel, CSS) асосида экинларни автоматлашган усулда мақбул жойлаштирувчи “Smart Crop” очиқ веб-хизмат тизими ишлаб чиқилган.
IV. Тадқиқот натижаларининг жорий қилиниши. Сурхондарё вилоятининг геоинновацион технологиялар асосида қишлоқ хўжалиги экинларини мақбул жойлаштириш тизимини такомиллаштириш бўйича олинган натижалар асосида:
даврий масофадан зондлаш маълумотлари асосида экин ер майдонларининг контур чегаралари ва экин турларини eCognition Developer дастурий таъминотининг алгоритм қоидаларини инобатга олган ҳолда аниқлаш ҳамда ArcGIS Pro дастурий таъминотида уларнинг геомаълумотлар базасини шакллантириш усуллари Сурхондарё вилояти қишлоқ хўжалиги бошқармаси ҳамда Жарқўрғон тумани бўлимида жорий этилган (Қишлоқ хўжалиги вазирлигининг 2022 йил 06 октябрдаги 05/32-04/7221-сон маълумотномаси). Илмий тадқиқот натижалари бўйича илмий ишланмалар контурлар қайдномасини янгилаб бориш ва экин ерларини масофадан тезкор таҳлили қилиш имконини берган;
агроэкологик ва ижтимоий омилларнинг геофазовий таҳлили асосида экинларни мақбул жойлаштириш механизми ва замонавий веб дастурлаш платформалари (HTML, Java Script, Leaflet, CSS) асосида экинларни автоматлашган усулда мақбул жойлаштирувчи “Smart Crop” очиқ веб-хизмат тизими “Ўздаверлойиҳа” давлат-илмий лойиҳалаш институти ва унинг “Сурвилерлойиҳа” бўлинмасида жорий этилган (Қишлоқ хўжалиги вазирлигининг 2022 йил 06 октябрдаги 05/32-04/7221-сон маълумотномаси). Илмий тадқиқот натижалари асосида ишлаб чиқилган таклиф ва тавсиялар қишлоқ хўжалиги экинларини мақбул жойлаштириш бўйича тезкор таҳлилий маълумотлар олишга эришилган.