Юнусов Бегенч Мавланбердиевичнинг
фалсафа докторлик диссертацияси ҳимояси ҳақида ЭЪЛОН

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): Аҳоли пункти ерлари ҳисоби услубини геоахборот технологиялари асосида такомиллаштириш (Жиззах вилояти мисолида), 06.01.10 – “Ер тузиш, кадастр ва ер мониторинги”  (техника фанлари).
Диссертация мавзуси рўйхатга олинган рақам: В.2022.4.PhD/T197
Илмий раҳбарнинг Ф.И.Ш., илмий даражаси ва унвони: 
иқтисод фанлари доктори, профессор Алтиев Абдурашид Султанович.
Диссертация бажарилган муассаса номи: “Тошкент ирригация ва қишлоқ хўжалигини механизациялаш муҳандислари институти” Миллий тадқиқот университети.
ИК фаолият кўрсатаётган муассаса (муассасалар) номи, ИК рақами: “Тошкент ирригация ва қишлоқ хўжалигини механизациялаш муҳандислари институти” Миллий тадқиқот университети ҳузуридаги DSc.03/30.12.2019.Т.10.02 рақамли Илмий Кенгаш,
Расмий оппонентлар: техника фанлари доктори, профессор Сафаров Эшқобил Юлдашевич, техника фанлари доктори, профессор Суюнов Абдусоли Саматович.
Етакчи ташкилот - Қарши муҳандислик-иқтисодиёт институти. 
Диссертация йўналиши: назарий ва амалий аҳамиятга молик.
II. Тадқиқотнинг мақсади аҳоли пункти ерлари ҳисобининг услубини замонавий технологиялар асосида такомиллаштириш ва геомаълумотлар базасининг аниқлик таҳлилини қилишни автоматлаштириш юзасидан таклиф ва тавсиялар ишлаб чиқишдан иборат.
III. Тадқиқотнинг илмий янгилиги қуйидагилардан иборат:
аҳоли пункти ерлари ҳисобининг услуби учувчисиз учиш аппаратлари маълумотлари асосида масштаб аниқлигини инобатга олган ҳолда такомиллаштирилган;
аҳоли пункти ерларидан фойдаланувчиларнинг ер майдонларини таҳлил қилиш услуби ArcGIS дастурий таъминоти асосида такомиллаштирилган;
аҳоли пункти ҳудудида манзиллар реестрини рақамлаштириш услуби геоахборот технологиялари асосида такомиллаштирилган;
аҳоли пункти ерлари ҳисобини геоахборот технологиялари асосида ташкил қилиш услуби ишлаб чиқилган ва модуллаштирилган.
IV. Тадқиқот натижаларининг жорий қилиниши. Аҳоли пункти ерлари ҳисоби услубини геоахборот технологиялари асосида такомиллаштириш бўйича олинган натижалари асосида:
аҳоли пункти ерлари ҳисобининг услуби учувчисиз учиш аппаратлари маълумотлари асосида масштаб аниқлигини инобатга олган ҳолда такомиллаштириш услули Ўзбекистон Республикаси давлат солиқ қўмитаси ҳузуридаги кадастр агентлиги тизимида жорий қилинди (Кадастр агентлигининг 2022 йил 30 майдаги 05-04-489-сон маълумотномаси). Натижада, давлат ер кадастри бўйича маълумотларнинг тизимли юритилишида асосий таклиф бўлиб юқори самарадорликка эришишга хизмат қилган;
аҳоли пункти ерларидан фойдаланувчиларнинг ер майдонларини таҳлил қилиш услуби Ўзбекистон Республикаси давлат солиқ қўмитаси ҳузуридаги кадастр агентлиги тизимида жорий қилинди (Кадастр агентлигининг 2022 йил 30 майдаги 05-04-489-сон маълумотномаси). Натижада, аниқлик даражаси юқори ер ҳисобини юритиш, геомаълумотларни трансформация қилиш ва аҳоли пункти ерларидан фойдаланувчилар маълумотларининг аниқлик даражасини тезкор тахлил қилишда ArcGIS дастури таъминотларидан фойдаланиш имкони яратилган;
ArcGIS дастури асосида аҳоли пунктлари манзиллар реестрини шакллантиришнинг рақамлашган усули Ўзбекистон Республикаси давлат солиқ қўмитаси ҳузуридаги кадастр агентлиги тизимида жорий қилинди (Кадастр агентлигининг 2022 йил 30 майдаги 05-04-489-сон маълумотномаси). Натижада, аҳоли пункти ерларида манзиллар реестрининг базаси яратилиш ва уларнинг ҳисобини   олишда геоахборот технологияларидан фойдаланиш имкони яратилган;
аҳоли пункти ерлари ҳисобини геоахборот тизими асосида ташкил қилиш услуби Ўзбекистон Республикаси давлат солиқ қўмитаси ҳузуридаги кадастр агентлиги тизимида жорий қилинди (Кадастр агентлигининг 2022 йил 30 майдаги 05-04-489-сон маълумотномаси). Натижада, аҳоли пункти ерларини самарали бошқариш ҳамда уларнинг ҳисобини юритиш имконини берадиган геоахборот технологияларидан фойдаланиш имкони яратилган.