Мардонов Дилмурод Рахмоновичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Кўп факторли рейтинг асосида касбга йўналтириш қарорларини қабул қилиш усул ва алгоритмлари», 05.01.02 – Тизимли таҳлил, бошқарув ва ахборотни қайта ишлаш (техника фанлари).
Диссертация мавзуси рўйхатга олинган рақам: В2022.1.PhD/Т2636.
Илмий раҳбарнинг Ф.И.Ш., илмий даражаси ва унвони: Ахатов Акмал Рустамович, техника фанлари доктори, профессор.
Диссертация бажарилган муассаса номи: Шароф Рашидов номидаги Самарқанд давлат университети.
ИК фаолият кўрсатаётган муассаса номи, ИК рақами: “ТИҚХММИ” Миллий тадқиқот университети, DSc 03/26.05.2022.T.10.05.
Расмий оппонентлар: Бабомурадов Озод Жураевич, техника фанлари доктори, катта илмий ходим; Кабильджанов Александр Сабитович техника фанлари номзоди, катта илмий ходим.
Етакчи ташкилот номи: Бердақ номидаги Қорақалпоқ давлат университети         Диссертация йўналиши: назарий ва амалий аҳамиятга молик.
II. Тадқиқотнинг мақсади кўп факторли рейтинг маълумотлари асосида касбга йўналтириш тизимининг модел, алгоритмлари ва дастурий воситасини ишлаб чиқишдан иборат.
III. Тадқиқотнинг илмий янгилиги қуйидагилардан иборат:
рейтингни умумлашган ҳисоблаш усули ва баҳолаш моделлари асосида кўп факторли рейтингни ҳисоблаш алгоритми ишлаб чиқилган.
Петри ва нейрон тармоқлари асосида кўп факторли рейтингни ҳисоблашни оптималлаштириш алгоритмлари ишлаб чиқилган; 
рейтинг маълумотларини эҳтимолли ҳисоблаш моделлари асосида касбга йўналтиришнинг алгоритмлари ишлаб чиқилган;  
Крис-Нейлор, Шортлифф-Бюкенена, Демпстер-Шафер эҳтимолли моделлари асосида касбга йўналтириш тизимининг қарор қабул қилишга кўмаклашиш алгоритмлари ишлаб чиқилган.
IV. Тадқиқот натижаларининг жорий қилиниши: Диссертация тадқиқотлари доирасида рейтинг маълумотларини шакллантиришни автоматлаштириш ҳамда шакллантирилган рейтинг маълумотлари асосида экспертли касбга йўналтириш тизимининг модел ва алгоритмларини ишлаб чиқиш бўйича олинган илмий натижалар асосида:
касбга йўналтириш тизими рейтинг асосида амалга оширишда билимларни ифодалашнинг ноаниқликларни бартараф этиш усули, касбий эҳтимоллигини аниқлашнинг Крис-Нейлор, Шортлифф-Бьюкенена ва Демпстер-Шафер усулларига асосланган алгоритм ҳамда механизмлари асосида ишлаб чиқилган Дастурий восита Ургут туман аҳоли бандлигига кўмаклашиш маркази ва Самарқанд вилояти бандлик бошқармасига жорий қилинган (Ўзбекистон Республикаси бандлик ва меҳнат муносабатлари вазирлиги 2022 йил 08 июльдаги 01/00-03/10-6063-сон маълумотномаси). Натижада рейтинг маълумотлари асосида экспертли касбга йўналтириш тизими асосида меҳнат унумдорлиги 10%-15% га ошиши, кадрларни танлаб олишга кетадиган вақт 2 баробарга камайди;
рейтингни шакллантиришнинг умумлашган ҳисоблаш усули, бошқариладиган тизимнинг кириш маълумотларини аниқлаш алгоритми, Петри тармоқларини қўллаш алгоритми, нейрон тармоқларига асосланган алгоритм ва механизмлари экспертли касбга йўналтириш Дастурий восита  Шароф Рашидов номидаги Самарқанд давлат университетига жорий қилинган. (Ўзбекистон Республикаси бандлик ва меҳнат муносабатлари вазирлиги 2022 йил 08 июльдаги 01/00-03/10-6063-сон маълумотномаси). Натижада экспертли касбга йўналтириш тизими асосида меҳнат унумдорлиги 10-15% га ошиши, иқтидорлиларни танлаб олишга кетадиган вақт 2 баробарга  камайди;
рейтингни ҳисоблашнинг математик моделлари, Петри тармоқларини қўллаш алгоритми, нейрон тармоқларига асосланган алгоритмлар ва касбга йўналтириш тизимининг Крис-Нейлор, Шортлифф-Бьюкенена ва Демпстер-Шафер усуллари асосида ишлаб чиқилган экспертли касбга йўналтириш тизими Тошкент ахборот технологиялари Самарқанд филиалига жорий қилинган. (Ўзбекистон Республикаси бандлик ва меҳнат муносабатлари вазирлиги 2022 йил 08 июльдаги 01/00-03/10-6063-сон маълумотномаси). Натижада рейтинг маълумотлари бўйича экспертли касбга йўналтириш тизими асосида меҳнат унумдорлиги 10% га ошиши, иқтидорлиларни танлаб олишга кетадиган вақт 2 баробарга камайиши ҳамда меҳнат унумдорлигини оширилди.