Жалилов Шерали Некбоевичнинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Мочевина-формальдегид смоласини модификацияси ва уни қурилиш мақсадида ёғоч-пластик композицион плита материалларини ишлаб чиқаришда қўллаш», 02.00.07 – Композицион, лок-бўёқ ва резина материаллари кимёси ва технологияси, 05.09.05 –  Қурилиш материаллари ва буюмлари (техника фанлари).
Диссертация мавзуси рўйхатга олинган рақам: B2022.4.PhD/T3204.
Илмий раҳбарлар: Негматова Комила Сайибжановна, техника фанлари доктори, профессор; Холмуродова Дилафруз Кувватовна, техника фанлари доктори.
Диссертация бажарилган муассаса номи: Тошкент давлат техника университети «Фан ва тараққиёт» ДУК.
ИК фаолият кўрсатаётган муассаса номи, ИК рақами: Тошкент давлат техника университети «Фан ва тараққиёт» ДУК ҳузуридаги DSc.03/30.12.2019.K/T.03.01 рақамли илмий кенгаш асосидаги бир марталик илмий кенгаш.
Расмий оппонентлар: Қосимов Иброхим Иркинович, техника фанлари доктори, профессор; Амонов Мухтор Рахматович, техника фанлари доктори, профессор.
Етакчи ташкилот: Тошкент кимё-технология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: мочевина-формальдегид смоласини модификацияси ва уни қурилиш мақсадида ёғоч-пластик композицион плита материалларини ишлаб чиқаришда қўллашдан иборат.
III. Тадқиқотнинг илмий янгилиги:
мочевина-формальдегид қатронининг физик-кимёвий модификацияси пахта пояси таркибий қисмларининг мочевина-формальдегид қатронини модификацияловчи реагентлар билан кимёвий реакцияларни амалга ошириш орқали полимер боғловчиларнинг тузилишини ўзгартириши натижасида физик-механик хусусиятлари яхшиланган композицион ёғоч-пластикли плитали материалларнинг оптимал таркиби аниқланган;
мочевина-формальдегид қатронининг модификацияловчи реагентлар билан ўтказилган тажрибалари натижасида ҳосил бўлган композициянинг желатинланиш вақти сезиларли даражада камайиб, таркибидаги хлор ионларининг миқдори 0,8 % дан 11,2% гача ортиши ва қотиш вақти минимумдан ўтувчи экстремал характерга эга эканлиги аниқланган;
модификаторлар - эпихлоргидрин, бензил хлорид, поливинилхлорид ва госсипол қатронлари иштирокида мочевина-формальдегид қатронини қотиш жараёнини ўрганиш орқали модификаторларнинг мақбул нисбати ва уларни модификациялаш шароитлари аниқланган;
юқори физик-механик хусусиятларга эга бўлган модификацияланган полимер боғловчилари ва пахта поясидан ёғоч толали тўлдирувчилар асосида композицион ёғоч-пластик плитали материалларни олиш технологияси ишлаб чиқилган;
композицион ёғоч-пластик плитали материалларнинг юқори физик-механик ва эксплуатацион хусусиятларини таъминлайдиган, пахта пояларидан ёғоч толали тўлдирувчиларнинг модификацияланган полимер боғловчилар асосида композицион ёғоч-пластик плитали материалларни пресслашнинг мақбул технологик режими ишлаб чиқилган.
IV. Тадқиқот натижаларининг жорий қилиниши:
Мочевина-формальдегид смоласини модификацияси ва уни қурилиш мақсадида ёғоч-пластик композицион плита материалларини ишлаб чиқаришда қўллаш бўйича олинган илмий натижалар асосида:
композицион ёғоч-пластик плитали материалларни пресслашнинг мақбул технологик режими «PROSPER ALL» МЧЖ корхонасида жорий этилган («O`zbekiston qurilish materiallari sanoati korxonalari uyushmasi»нинг 2022 йил 9 ноябрдаги 05/15-2777-сон маълумотномаси). Натижада, физик-механик ва технологик хусусиятлари яхшиланиб, ўртача узунлиги 20-30 мм бўлган композицион ёғоч-пластик материалларининг максимал эгилиш чегараси 24 МРа, ўртача узунлиги 25-30 мм бўлган композицион ёғоч-пластик плита материалларини олиш имконини берган;
қурилиш ва техник хусусиятлари яхшиланган маҳаллий ва иккиламчи хом ашё асосида композицион ёғоч-пластик плита материалларини олишнинг ўзига хос технологияси «AZIMUT-MIG» МЧЖ корхонасида жорий этилган («O`zbekiston qurilish materiallari sanoati korxonalari uyushmasi»нинг 2022 йил 9 ноябрдаги 05/15-2777-сон маълумотномаси). Натижада, ананавий усулда олинган ёғоч пилита матералларига қараганда 2,2-3 баравар самаралироқ бўлган янги композицион ёғоч-пластик пилитали материалларни олиш имконини берган.