Кобилов Азизжон Орзиқуловичнинг
фалсафа доктори (PhD) диссертацияси ҳимояси ҳақида эълон

 I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Вертебропластика в лечении больных с гемангиомами позвоночника» (Умуртқа гемангиомаси бўлган беморларни даволашда вертебропластика ), 14.00.22–Травматология ва ортопедия (тиббиёт фанлари).
Диссертация мавзуси рўйхатга олинган рақам: B2019.1.PhD/Tib1050.
Илмий раҳбар: Шатурсунов Шахайдар Шаалиевич, тиббиёт фанлари доктори, профессор.
Диссертация бажарилган муассаса номи: Республика ихтисослаштирилган травматология ва ортопедия илмий-амалий тиббиёт маркази.
ИК фаолият кўрсатаётган муассаса номи, ИК рақами: Республика ихтисослаштирилган травматология ва ортопедия илмий-амалий тиббиёт маркази, DSc.04/30.12.2019.Tib.62.01.
Расмий оппонентлар: Худайбердиев Қобил Турсунович, тиббиёт фанлари доктори, профессор, Уринбаев Пайзилла Уринбаевич, тиббиёт фанлари доктори, профессор.
Етакчи ташкилот: Бухоро давлат тиббиёт институти.
Диссертация йўналиши: амалий аҳамиятга молик.
II. Тадқиқотнинг мақсади: пункцион вертебропластикаси диагностикаси ва техникасини такомиллаштириш орқали умуртқа гемангиомаси бўлган беморларни самарали даволашни такомиллаштиришдан иборат.
III. Тадқиқотнинг илмий янгилиги: 
суяк цементини умуртқа гемангиома бўшлиғига порциал юбориш учун ишлаб чиқилган қурилма ёрдамида патологик бўшлиқни тўлиқ тўлдириш имконияти исботланган;
суяк цементини порциал юбориш тактикасининг самарадорлиги исботланган: аввал қуюқ қисми, кейин пастасимон қисми юборилиб, биринчи порция киритилгандан сўнг  гемангиома билан алоқа қилувчи қон томирларни облитерацияга учратиши, бу эса цементнинг эпидурал бўшлиққа оқишини олдини олиши учун муҳим эканлиги ва иккинчи пастасимон порция гемангиома бўшлиғини тўлиқ тўлдиришга ёрдам бериши исботланган;
ўсманинг локализацияси, ҳажми, орқа девори бутунлиги, веноз коллекторлар ва қон оқимининг интенсивлигини баҳолаш учун веноспондилографиянинг аҳамияти муҳим эканлиги исботланган, бунда суяк цементининг веноз чиқиш йўллари бўйлаб кўчиши эҳтимолини тахмин қилиш асосланган;  
транспедикуляр ёки интеркостовертебрал, локализация даражасига ва умуртқа гемангиоманинг тарқалиш хусусиятига қараб пункцион услублар танлови асосланган, бунда эса умуртқа танасининг нозик оёқчалари синиши хавфини камайтириш ва неврологик касалликларни олдини олиш учун муҳим ахамиятга эгалиги исботланган.
IV. Тадқиқот натижаларини жорий қилиниши.
Кўкрак-бел умуртқа поғонаси гемангиомаларини жарроҳлик йўли билан даволаш натижаларига асосланган холда:
умуртқа поғонасининг гемангиомаси бўлган беморларни жарроҳлик йўли билан даволаш натижаларига кўра ишлаб чиқилган «Вертебропластика учун қурилма» фойдали мосламага Интеллектуал мулк агентлигининг патенти олинган  (2020 йил 15 июндаги FAP 01670-сон патенти). Олинган натижалар даволашнинг кейинги яқин ва узоқ натижаларини яхшиланишига, операциядан кейинги асоратларнинг камайишига имкон берган;
умуртқа поғонасининг гемангиомаси бўлган беморларни вертебропластика йўли билан даволаш натижаларига кўра «Суяк цементи билан перкутан вертебропластика ёрдамида кўкрак-бел умуртқаларининг агрессив гемангиомаларини жарроҳлик амалиёти билан даволаш» услубий тавсияномаси тасдиқланган (Соғлиқни сақлаш вазирлигининг 2022 йил 14 апрелдаги 8п-з/381-сон маълумотномаси).  Олинган маълумотлар даволаниш муддатини қисқартириш, салбий асоратлар сонини камайтириш ва даволаш самарадорлигини оширишга имкон берган;
суяк цемент билан кўкрак-бел умуртқаларининг агрессив гемангиомаларини жаррохлик йўли билан даволаш бўйича  олиб борилган илмий тадқиқот натижалари  соғликни сақлаш  тизимига, жумладан, ногиронлиги бўлган шахсларни реабилитация қилиш ва протезлаш миллий маркази, Самарқанд давлат тиббиёт институти 1-сон клиникаси, Ногиронлиги бўлган шаҳсларни реабилитация қилиш ва протезлаш миллий марказининг Самарқанд филиали ва  Бухоро вилояти Когон тумани тиббиёт бирлашмаси амалиётига  жорий этилган (Соғлиқни сақлаш вазирлигининг 2022 йил 22 ноябридаги 08-37004-сон хулосаси). Олинган натижалар  94,5% ҳолларда операция қилинган беморларнинг меҳнат фаолиятини сақлаб қолишга, пункцион вертебропластика эса беморлар асосий гуруҳини 95% ҳолатларида оғриқ синдромининг тўлиқ регрессиясига имкон берган.