Турсунов Бекзод Акбар ўғлининг 
фалсафа доктори (PhD) диссертацияси ҳимояси ҳақида эълон

I.Умумий маълумотлар:
Диссертация мавзуси, ихтисослик шифри (илмий даража бериладиган фан тармоғи номи): “Кўп компонентли цементлар асосида ўта енгил бетонларнинг самарадор таркибларини  ишлаб чиқиш” ,  05.09.05 - “Қурилиш материаллари ва буюмлари” (техника фанлари)”.
Диссертация мавзуси рўйхатга олинган рақам: DSc.26/30.12.2019.Т.11.01
Илмий раҳбар: Акрамов Хусниддин Ахрарович, техника фанлари доктори, профессор. 
Диссертация бажарилган муассаса номи: “Тошкент архитектура-қурилиш институти”.
Тошкент архитектура-қурилиш институти. DSc.26/30.12.2019.Т.11.01
Расмий оппонентлар: техника фанлари доктори, профессор Хасанов Бахриддин Баратович, ҳамда техника фанлари номзоди, доцент Бердиев Облокул Бобокулович. 
Етакчи ташкилот: Фарғона политехника институти
Диссертация йўналиши: назарий ва амалий аҳамиятга молик.
II. Тадқиқотнинг мақсади маҳаллий хом ашё ва иккиламчи ресурслардан фойдаланиб, иссиқликни изоляция қиладиган ва оловбардош ўта енгил бетонларнинг самарали таркиблари ҳамда уларни ишлаб чиқариш технологиясини ишлаб чиқишдан иборат.
III. Тадқиқотнинг илмий янгилиги қуйидагилардан иборат: 
микрокремнезём, майдаланган оҳактош, портландцемент клинкери  ва табиий гипстошдан оптимал нисбатда олинган кўп компонентли цементнинг таркиблари ишлаб чиқилган ҳамда микрокремнезём қўшимчаси қўлланилган кўп компонентли цемент олишнинг кимёвий-технологик параметрлари аниқланган;
кўпчитилган вермикулитнинг шихта таркиби умумий улушига нисбатан донадорлиги 0,8÷1,6 мм ли фракциядан 85 %, 1,6÷2,2 мм ли фракциядан эса 15% миқдорда киритилган оптимал таркиблар бўйича олинган ўта енгил бетоннинг энг юқори физик-техник ва физик-механик кўрсаткичлари аниқланган;
кўпчитилган вермикулит ва боғловчи сифатида кўп компонентли цемент ҳамда суюқ шишадан фойдаланиб олинган оптимал таркибли ўта енгил бетоннинг сиқилишдаги (1,5-4,6 МПа) ва эгилишдаги (1,2-2,0 МПа) механик мустаҳкамлиги таъминланган;
вермикулит асосида олинган плиталарининг «таркиб-структура-хосса» тизимида ўзаро боғлиқлик қонуниятлари ўрнатилган, минерал боғловчи ва енгил тўлдирувчи композиция таркибидаги улуш ўзгариши ва структура ҳосил бўлишига таъсир этиши исботланган. 
IV. Тадқиқот натижаларининг жорий қилиниши. Кўп компонентли цементлар асосида ўта енгил бетонларнинг самарадор таркибларини  ишлаб чиқиш бўйича олинган илмий натижалар асосида:
микрокремнезем ва майдаланган оҳактошдан фойдаланиб кўп компонентли цементлар олиш технологияси “Олмалиқ КМК” АЖга қарашли “Жиззахцемент” цемент ишлаб чиқариш корхонасида жорий этилган (“Олмалиқ КМК” АЖнинг 2022 йил 04 февралдаги маълумотномаси). Натижада, ГОСТ 31108-2020 талабларига жавоб берувчи ЦEM II/A-K42,5 ишлаб чиқаришга эришилган.  
кўпчитилган вермикулит асосида ўта енгил функционал бетон таркиби “Триумф Горняк” МЧЖда жорий этилган («Ўзсаноатқурилишматериаллари» уюшмасининг 2022 йил 19 октябрдаги 05/15-2601-сон маълумотномаси). Натижада, ўртача зичлиги - 650-1200 кг/м3,  сиқилишдаги мустаҳкамлиги - 1,5-4,6 МПа ва эгилишдаги мустаҳкамлиги - 1,2-2,0 МПа вермикулитли плита олишга эришилган.
кўп компонентли цемент ва вермикулит асосидаги ўта енгил бетонларини ишлаб чиқариш технологияси “Триумф Горняк” МЧЖда амалиётга жорий этилган («Ўзсаноатқурилишматериаллари» уюшмасининг 2022 йил 19 октябрдаги 05/15-2601-сонли маълумотномаси). Натижада, ўлчамлари 1200х600х20 мм бўлган плиталар  ишлаб чиқаришга эришилган.