Egamova Sitora Qobilovnaning 
falsafa doktori (PhD) dissertatsiyasi    himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “O‘tkir leykozlarda xromosoma aberratsiyalari va gen mutatsiyalarini baholashning klinik ahamiyati”, 14.00.29-  Gematologiya va transfuziologiya (tibbiyot fanlari).
Dissertatsiya mavzusi ro‘yxatga olingan raqam: B2020.2.PhD/Tib1296.
Ilmiy rahbar: Boboev Qodirjon To‘xtaboevich, tibbiyot fanlari   doktori,  professor.
Dissertatsiya bajarilgan muassasa nomi: Buxoro davlat tibbiyot  instituti.
IK faoliyat ko‘rsatayotgan muassasa nomi, IK raqami: Buxoro davlat tibbiyot instituti, DSc.04.30.04.2022.Tib.93.02.
Rasmiy opponentlar: Babadjanova Shoira Agzamovna, tibbiyot fanlari doktori, professor; Gildieva Margarita Sabirovna, biologiya fanlari doktori, professor. 
Yetakchi tashkilot: Al-Farabi nomidagi qozoq milliy universiteti. 
Dissertatsiyaning yo‘nalishi: amaliy ahamiyatga molik.
II. Tadqiqotning maqsadi: xromosoma aberrasiyalari va gen mutasiyalarining mielo/limfoproliferativ o‘sma klonlari shakllanishi bilan bog‘liqligini o‘rganish, tashxisot usullarini takomillashtirish va o‘tkir leykozning klinik kechishini prognoz qilishdan iborat.  
III. Tadqiqotning ilmiy yangiligi: 
xromosoma aberratsiyalari hamda   FLT-3  genining 2503G>T va 2504A>T somatik mutasiyalari suyak iligi o‘sma hujayralarining shakllanishi va o‘tkir leykozning rivojlanishidagi muhim roli aniqlangan;
o‘sma xujayralari supressori - TP53 geni Pro72Arg (rs1042522) mutatsiyasi tashuvchi shaxslarda, o‘tkir leykoz rivojlanish xavfi yuqori va kasallikni klinik kechishi esa og‘ir o‘tishi aniklangan; 
o‘tkir leykoz bilan og‘rigan bemorlarda turli xromosomalarda FLT-3  geni 2503G>T va 2504A>T mutasiyalari xamda xromosomalardagi turli somatik o‘zgarishlarning paydo bo‘lish va tarqalishi orasida korrelyativ bog‘liqlik mavjudligi isbotlangan;
molekulyar-genetika va sitogenetika o‘zgarishlarga asoslangan holda o‘tkir leykozni erta tashxisot algoritmi va kasallik kechishini prognostik kriteriysi takomillashtirilgan.
IV.  Tadqiqot natijalarining joriy qilinishi.
O‘tkir leykozlarda xromosoma aberratsiyalari va gen mutatsiyalarini baholashning klinik ahamiyati” mavzusida olib borilgan tadqiqot natijalari asosida: 
sitogenetik va molekulyar-genetik tekshirish usullarini qo‘llagan holda o‘tkir leykozlar kompleks diagnostikasi bo‘yicha olib borilgan tadqiqotning ilmiy natijalari asosida ishlab chiqilgan “Sitogenetik va molekulyar-genetik tekshirish usullarini qo‘llagan holda o‘tkir leykozlar kompleks diagnostikasi”nomli uslubiy tavsiyanoma tasdiqlangan (Sog‘liqni saqlash vazirligining 28.04.2022 yildagi 8n-r/410-son ma’lumotnomasi). Ushbu uslubiy tavsiyanoma aholining turli qatlamlari orasida keng tarqalgan o‘tkir leykozlarni erta tashxislash, kasallik kechishini bashoratlash va davo samaradorligini baholashda molekulyar-genetik markerlarning ahamiyatini takomillashtirish imkonini yaratgan. 
o‘tkir leykozlarda xromosoma aberratsiyalari va gen mutatsiyalarini baholash bo‘yicha ilmiy tadqiqot natijalari sog‘liqni saqlash amaliyotiga, jumladan, Buxoro viloyati ko‘p tarmoqli tibbiyot markazi gematologiya bo‘limida, Jondor tumani tibbiyot birlashmasida amaliyotga tadbiq qilingan (Sog‘liqni saqlash vazirligining 18.05.2022 yildagi  8n-z/238-son ma’lumotnomasi). Tadbiq natijalari 52,7% bemorlarda o‘ziga xos klinik ko‘rinishsiz kechadigan o‘tkir leykozlarni erta tashxislash, ularda olib borilgan target terapiya natijalari 32,8% bemorlarda to‘liq remissiyaga erishish imkonini bergan.