Шойимардонов Собиржон Комилжоновичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Океан экосистемалари ва эпидемиологик моделларнинг дискрет-вақтли динамик системалари», 01.01.01 – Математик анализ (физика-математика фанлари).
Диссертация мавзуси рўйхатга олинган рақам: В2021.3.PhD/FM626
Диссертация бажарилган муассаса номи: В.И.Романовский номидаги Математика институти.
ИК фаолият кўрсатаётган муассаса номи, ИК рақами: В.И.Романовский номидаги Математика институти ҳузуридаги DSc.02/30.12.2019.FM.86.01 рақамли Илмий кенгаш.
Илмий раҳбар: Розиков Уткир Абдуллоевич, физика-математика фанлари доктори, профессор.
Расмий оппонентлар: Абдуллаев Рустамбай Зайирович, физика-математика фанлари доктори, профессор; Эшмаматова Дилфуза Бахромовна, физика-математика фанлари номзоди, доцент.
Етакчи ташкилот: Ўзбекистон Миллий университети.
Диссертация йўналиши: назарий аҳамиятга молик.
II. Тадқиқотнинг мақсади океан экосистемалар ва баъзи эпидемиологик моделларнинг (соғлом, касалланган ва тузалганларни акс эттирувчи жараёнлар) дискрет вақтли динамик системаларини симплексда аниқланган квадратик стохастик операторларга келтириш ва бу операторнинг хоссаларини исботлашдан иборат.
III. Тадқиқотнинг илмий янгилиги:
фитопланктон, миксопланктон, зоопланктон, бактерия каби тирик организмлар ҳамда эриган органик ва ноорганик моддаларнинг ўзаро таъсир жараёнини ифодаловчи океан экосистемаси модели тузилган;
океан экосистемалари ва баъзи эпидемиологик моделлари ҳосил қилган операторларнинг параметрларига кичик ўлчамли симплексларни ўз-ўзига акслантириш шартлари топилган;
океан экосистемалари ва баъзи эпидемиологик моделлар орқали ҳосил қилингин квадратик стохастик операторларнинг қўзғалмас нуқталари ва бу операторларга нисбатан инвариант тўпламлар топилган;
соғлом, касалланган ва тузалганларни акс эттирувчи моделдан ҳосил қилинган операторнинг регулярлиги исботланган ҳамда соғлом популяциянинг юқори чегараси топилган;
океан экосистемалари ва баъзи эпидемиологик моделлари ҳосил қилган операторлар учун ихтиёрий бошланғич нуқтадан чиқувчи траекториянинг лимит нуқталари  тасвирланган.
IV. Тадқиқот натижаларининг жорий қилиниши. Океан экосистемалари ва эпидемиологик моделларнинг дискрет вақтли динамик системалари бўйича олинган натижалар асосида: 
океан экосистемаси ҳосил қилган оператор учун ихтиёрий бошланғич нуқтадан чиқувчи траекториянинг лимит нуқталари  таснифидан хорижий илмий журналларда      (Linear and Multilinear Algebra, 2021; China Automation Congress, 2021; Springer Proceedings in Mathematics & Statistics, 2022) квадратик стохастик операторлар динамикасини таҳлил қилишда фойдаланилган. Илмий натижани қўлланиши чексиз ўлчамли квадратик стохастик операторлар учун чизиқли Ляпунов функциясини қуришни ва компьютер вирулари тарқалишини ифодаловчи  SIS-SIR моделлари учун қўзғалмас нуқталар турғунлигини исботлаш имконини берган;
ночизиқли операторларининг даврий нуқталари ва бу операторларга нисбатан топилган инвариант тўпламлардан хорижий илмий журналларда (Bulletin of Mathematical Biology, 2022, 84(67); International Journal of Biomathematics, 2021, 14(8); Complexity, 2021) ночизиқли йиртқич-ўлжа моделлари динамикаси хоссаларини текширишда фойдаланилган. Илмий натижанинг қўлланиши йиртқич-ўлжа моделлари учун бифуркация ҳосил бўлиши ва Ляпунов кўрсаткичларини таҳлил қилиш имконини берган.