Парпиева Малика Моминовнанинг
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Бўлажак ўқитувчиларда аутопедагогик компетентликни  шакллантириш методикаси (5112100-“Технологик таълим” таълим йўналиши мисолида)”, 13.00.02 – Таълим ва тарбия назарияси ва методикаси (педагогика фанлари).
Диссертация мавзуси рўйхатга олинган рақам: В2022.2.PhD/Ped3614.
Илмий тадқиқот иши бажарилган муассаса номи: Чирчиқ давлат педагогика университети.
Илмий раҳбар: Исмадияров Яшин Уткирович, педагогика фанлари доктори, доцент.
ИК фаолият кўрсатаётган муассаса (муассасалар) номи, ИК рақами: Чирчиқ давлат педагогика университети, DSc.03/30.04.2021.Ped.82.01.
Расмий оппонентлар: Эркабоева Нигора Шерматовна, педагогика фанлари доктори, профессор; Муллахметов Радик Гилазович, педагогика фанлари номзоди, доцент.
Етакчи ташкилот: Термиз давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади бўлажак  ўқитувчиларда аутопедагогик компетентликни шакллантириш методикасини такомиллаштиришдан иборат.
III. Тадқиқотнинг илмий янгилиги:
бўлажак ўқитувчиларда аутопедагогик компетентликни шакллантиришнинг касбий фаолиятга тайёргарлик тузилмаси мотивацион, коммуникатив, ижодий ва гностик компонентларни яхлит педагогик жараённинг узвийлик, кўргазмалилик каби дидактик ва ўзаро ёрдам каби социологик муҳитида қайта алоқали муносабатда қўллаш асосида такомиллаштирилган;
аутопедагогик компетентликнинг жараёнли, муаммоли-мазмунли, ташкилий-технологик, натижавий-мезонли кўрсаткичлари ўқув жараённи моделлаштиришнинг операцион-технологик, конгнитив-дидактик, рефлексив-баҳолаш босқичларида социологик ва кибернетик ўқув топшириқлари уйғунлигини квалиметрик нисбатда таъминлаш асосида аниқлаштирилган;
талабаларни касбий фаолиятга тайёрлашнинг илмий-методик ва дидактик таъминоти акметехнологиялар ва электрон ўқув контентнинг графикли моделларини мустақил қайта ишлаш муносабатида қўллаш асосида такомиллаштирилган;
технологик таълим йўналишида талабаларни касбий фаолиятга тайёрлаш методикаси бўлажак ўқитувчининг аутопедагогик компетентлигини ривожлантиришга йўналтирилган акмеологик моделни спиралли ўқитиш жараёнида шахснинг психофизиологик заҳираларидан фойдаланишга устуворлик берилган муҳитда қўллаш асосида такомиллаштирилган.
IV.Тадқиқот натижаларининг жорий қилиниши. Технологик таълим йўналишида бўлажак ўқитувчиларнинг аутопедагогик компетентлигини  шакллантириш методикасини такомиллаштириш бўйича эришилган илмий натижалар асосида:
ўқитувчи аутопедагогик компетентлигининг мотивацион, коммуникатив, ижодий, гностик ва рефлексив компонентларни яхлит педагогик жараённинг умумий қонуният ва тамойилларига мазмунан сингдириш асосида ишлаб чиқилган бўлажак ўқитувчиларда аутопедагогик компетентликни шакллантиришнинг касбий фаолиятга тайёргарлик тузилмаси ҳамда методикаси шахснинг психофизиологик заҳираларидан фойдаланишга узвий ёндашиш ва аутопедагогик компетентликни шакллантиришнинг дастурий-мақсадли акмеологик моделини такомиллаштириш бўйича таклиф ва тавсиялар “Халқ ҳунармандчилиги” номли дарслик мазмунига сингдирилган (Ўзбекистон Республикаси Олий ва ўрта махсус таълим вазирлигининг 2020 йил 4 майдаги 285-сонли буйруғи, 285-116-рақамли гувоҳнома). Натижада, бўлажак ўқитувчиларни тайёрлашда аутопедагогик компетентликни шакллантиришнинг методик ва дидактик таъминотини такомиллаштиришга эришилган;  
таълим-тарбия жараёнида гносеологик, ташкилий, психологик, дидактик, социологик ва кибернетик қонуниятларнинг уйғунлигини таъминлаш асосида аниқлаштирилган аутопедагогик компетентликнинг компонентлари, кўрсаткичлари ҳамда педагогик босқичлари борасидаги хулоса ва таклифлардан  ПЗ-2017927124 рақамли  “Таълим муассасаларида ҳамкорлик педагогикаси асосида педагогик фаолиятни ривожлантириш” номли амалий лойиҳа доирасида белгиланган вазифалар ижросини таъминлашда  фойдаланилган (Низомий номидаги Тошкент давлат педагогика университетининг 2022 йил 26 январдаги 02-07-228/04-сон далолатномаси). Натижада, технологик таълим йўналишида бўлажак ўқитувчиларни касбий фаолиятга тайёрлаш жараёни самарадорлиги оширилган;
акметехнологиялар, методикалар, электрон ўқув контент натижаларининг самарали жиҳатларини инновацион таълим муҳити шароитида амалий қўллаш орқали такомиллаштирилган талабаларни касбий фаолиятга тайёрлаш самарадорлигини таъминлашга қаратилган илмий-методик ва дидактик таъминотнинг шакл ҳамда мазмунига оид тавсиялар асосида Ўзбекистон Миллий телерадиокомпанияси Жиззах вилоят телерадиокомпаниясининг телевиденияси орқали “Диёр янгиликлари” информацион дастурида “Бўлажак ўқитувчиларда аутопедагогик компетентликни шакллантириш методикаси” мавзусидаги кўрсатув сценарийсини тайёрлашда фойдаланилган (Ўзбекистон Миллий телерадиокомпанияси Жиззах вилоят телерадиокомпаниясининг 2022 йил 28 мартдаги 10-12/205-сон маълумотномаси). Натижада, акметехнологиялар ва методикаларни таълим амалиётида қўллаш механизмларини жорий қилишни кучайтиришга хизмат қилган.