Якубова Ноилахон Собиржоновнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Мураккаб динамик объектларнинг бошқариш тизимини квант ҳисоблаш усуллари асосида синтезлаш», 05.01.08-Технологик жараёнлар ва ишлаб чиқаришларни автоматлаштириш ва бошқариш (техника фанлари).
Диссертация мавзуси рўйхатга олинган рақам: В2022.3.PhD/Т3005
Илмий раҳбар: Сиддиков Исомиддин Хакимович, техника фанлари доктори, профессор.
Диссертация бажарилган муассаса номи: Тошкент давлат техника университети.
ИК фаолият кўрсатаётган муассасалар номи, ИК рақами: Тошкент давлат техника университети, DSc.03/30.12.2019.Т.03.02.
Етакчи ташкилот – Самарқанд давлат университети.
Расмий оппонентлар: техника фанлари доктори, профессор Юсупбеков Азизбек Нодирбекович; техника фанлари номзоди, доцент Сапаев Маматкарим.
Диссертация йўналиши: назарий ва амалий аҳамиятга молик.
II. Тадқиқотнинг мақсади: мураккаб динамик объектларнинг бошқариш тизимини квант ҳисоблаш усуллари асосида синтезлашнинг моделлари ва алгоритмларини ишлаб чиқишдан иборат.
III. Тадқиқотнинг илмий янгилиги:
маълумотлар ноаниқлиги муҳитида мураккаб динамик объектларни юқори самарали бошқариш тизимини яратишга имкон берувчи нейрон тўрлар ва норавшан мантиққа асосланган гибрид моделлари ишлаб чиқилган;
объектларнинг динамик хоссалари, ташқи таъсирларнинг ўзгарувчанлигини ҳисобга олиш имконини берувчи гибрид моделларнинг структурасини танлаш ва уларни ўқитишнинг юқори аниқлиги ва тезкорлиги билан фарқ қилувчи квант ҳисоблаш алгоритмлари ишлаб чиқилган;
бошқариш жараёни юқори сифат кўрсаткичларини таъминлаш имконини бериш билан фарқланувчи квант ҳисоблаш усуллари асосида норавшан квант ростлагичининг оптимал параметрларини топиш алгоритми ишлаб чиқилган;
динамик объект хоссалари ва ташқи таъсирларнинг жорий вақтдаги ноаниқлиги ва эҳтимолий характерга эга эканлигини ҳисобга олиш имконини берувчи реал жараёнда қўлланиши билан фарқланувчи норавшан квант хулосалаш асосида нейро-норавшан бошқариш тизимини синтезлаш алгоритми ишлаб чиқилган.
IV. Тадқиқот натижаларининг жорий қилиниши.
Вино маҳсулотларини шампанизациялаш жараёнининг квант ҳисоблаш усулларига асосланган бошқариш тизимини синтезлаш натижалари асосида:
мураккаб динамик объектларнинг маълумотлар ноаниқлик муҳитида ишлаб чиқилган нейро-норавшан гибрид моделлари “Ўзбекистон Шампани” АЖда жорий этилган (“УзРесАТБТСВРА” агентлигининг 2021 йил 28 майдаги 02-16/1845 - сон маълумотномаси). Натижада, ахборотларни қайта ишлаш вақтини 1.3 % га камайтириш ҳисобига, жараённи бошқаришда натижаларни олиш ва қарор қабул қилишнинг тезлигини 1.6 % га ошириш имконини берган;
технологик жараёнларни бошқаришда квант ҳисоблаш усуллари асосида ишлаб чиқилган квант ростлагичининг оптимал параметрларини топиш алгоритми “Ўзбекистон Шампани” АЖ да жорий этилган (“ЎзРесАТБТСВРА” агентлигининг 2021 йил 28 майдаги 02-16/1845 - сон маълумотномаси). Натижада, “Ўзбекистон Шампани” АЖ да шампанизаторнинг ҳарорат режимини номинал қийматдан оғиши 2.2 % га камайтириш имконини берган;
динамик объектларнинг нейро-норавшан бошқариш тизимини квант ҳисоблаш усуллари асосида ишлаб чиқилган синтезлаш алгоритмлари “Ўзбекистон Шампани” АЖ да жорий этилган (“ЎзРесАТБТСВРА” агентлигининг 2021 йил 28 майдаги 02-16/1845 - сон маълумотномаси). Бу эса, рассол сарфини 1.8 % га ҳамда энергия сарфини 2-3 % га эга бўлган тежамкорлик кўрсаткичи билан изоҳланади.