Халиков Улуғбек Рустамовичнинг

фалсафа доктори (PhD) диссертацияси ҳимояси ҳақида эълон

I. Умумий маълумотлар.

Диссертация мавзуси, ихтисослик шифри (илмий даража бериладиган фан тармоғи номи): «Ўзбекистонда фонд бозори орқали инвестицион фаолиятни молиялаштиришни такомиллаштириш». 08.00.07–Молия, пул муомаласи ва кредит (иқтисодиёт фанлари).

Диссертация мавзуси рўйхатга олинган рақам: B2017.1.DSc/Iqt.40.

Илмий раҳбар: Мирзаев Фарход Исамович, иқтисодиёт фанлари доктори.

Диссертация бажарилган муассаса номи: Тошкент давлат иқтисодиёт университети.

ИК фаолият кўрсатаётган муассасалар номи, ИК рақами: Ўзбекистон Республикаси Банк-молия академияси ва Тошкент давлат иқтисодиёт университети, DSc.27.06.2017.I.15.01.

Расмий оппонентлар: Жумаев Нодир Хосиятович, иқтисодиёт фанлари доктори, профессор; Хусанов Нодир Жумаевич, иқтисодиёт фанлари номзоди, доцент.

Етакчи ташкилот: Ўзбекистон Республикаси Вазирлар Маҳкамаси ҳузуридаги Прогнозлаштириш ва макроиқтисодий тадқиқотлар институти.

Диссертация йўналиши: назарий ва амалий аҳамиятга молик.

II.Тадқиқотнингмақсади: Ўзбекистонда фонд бозори орқали инвестицион фаолиятни молиялаштиришни такомиллаштириш бўйича илмий-услубий ҳамда амалий таклиф ва тавсиялар ишлаб чиқишдан иборат.

III. Тадқиқотнинг илмий янгилиги:

фонд бозори фаолиятини янада ривожлантириш учун узоқ муддатли ва юқори даромад келтирувчи воситаларни муомалага киритиш, хусусан, қимматли қоғозлар воситаси сифатида «инфратузилмавий облигация»лардан фойдаланиш орқали инвестицияларни молиялаштириш таклиф қилинган;

қимматли қоғозлар бозори фаолиятини такомиллаштиришнинг самарали усулларидан бири сифатида «депозитар тилхат» воситасидан фойдаланишнинг илмий-услубий асослари такомиллаштирилган;

мамлакатдаги муҳим стратегик аҳамиятга эга бўлган ва ликвидлик даражаси юқори бўлган компанияларнинг фонд бозоридаги иштироки кўламини ошириш ҳамда қўшимча қимматли қоғозлар чиқариш механизми такомиллаштирилган;

акциядорлик жамиятларига хорижий инвестор ва менежерларни жалб этиш жараёнларини фаоллаштириш мақсадида уларнинг устав капиталларида давлат улушларини қисқартиришнинг самарали йўллари асосланган.

IV. Тадқиқот натижаларининг жорий қилиниши. Ўзбекистонда фонд бозори орқали инвестицион фаолиятни молиялаштиришни такомиллаштириш бўйича ишлаб чиқилган таклифлар асосида:

фонд бозори фаолиятини янада ривожлантириш учун узоқ муддатли ва юқори даромад келтирувчи воситаларни муомалага киритиш, хусусан, қимматли қоғозлар воситаси сифатида «инфратузилмавий облигация»лардан фойдаланиш орқали инвестицияларни молиялаштириш таклифи Ўзбекистон Республикасининг 2015 йил 3 июндаги ЎРҚ-387-сон Қонуни билан тасдиқланган «Қимматли қоғозлар бозори тўғрисида»ги Ўзбекистон Республикаси Қонунининг янги таҳририга киритилган (Ўзбекистон Республикаси Молия вазирлигининг 2017 йил 7 декабрдаги ЁТ/15-04-32-10/205-2216-сон маълумотномаси). Натижада молия бозори фаолияти янада такомиллашиб, инвестицияларни молиялаштириш манбаларини кенгайтириш имкони яратилди;

қимматли қоғозлар бозори фаолиятини такомиллаштиришда «депозитар тилхат» воситасидан фойдаланиш таклифи Ўзбекистон Республикасининг 2015 йил 3 июндаги ЎРҚ-387-сон Қонуни билан тасдиқланган «Қимматли қоғозлар бозори тўғрисида»ги Ўзбекистон Республикаси Қонунининг янги таҳририга киритилган (Ўзбекистон Республикаси Молия вазирлигининг 2017 йил 7 декабрдаги ЁТ/15-04-32-10/205-2216-сон маълумотномаси). Натижада миллий фонд бозорининг хорижий инвесторлар учун жозибадорлигини ошириш ҳуқуқий-услубий асосларини такомиллашиш имкони яратилди;  

хорижий инвестицияларни жалб этишни кенгайтириш, қўшимча акциялар чиқариш йўли билан мамлакатдаги муҳим стратегик аҳамиятга эга бўлган ва ликвидлик даражаси юқори бўлган компаниялар акцияларининг фонд бозоридаги иштироки кўламини ошириш таклифи «Тошкент» Республика фонд биржаси амалиётига жорий қилинди (2016 йил 14 декабрдаги 01/08-07-1714-сон маълумотнома). Бунинг натижасида республика фонд биржасида тузилган битимлар ҳажми 10 фоизга ортди;

акциядорлик жамиятларига хорижий инвестор ва менежерларни жалб этиш, шунингдек акциядорлик жамиятларининг устав капиталларида давлат улушларини қисқартириш таклифи «Тошкент» Республика фонд биржаси амалиётига жорий қилинди (2016 йил 14 декабрдаги 01/08-07-1714-сон маълумотнома). Бунинг натижасида республика фонд биржаси савдо айланмаси ҳажмининг 49 фоизга ошишига эришилди.