Турдиев Ҳалим Ҳамроевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Интегро-дифференциал Максвелл тенгламалар системаси учун тескари масалалар», 01.01.02 – Дифференциал тенгламалар ва математик физика.
Диссертация мавзуси рўйхатга олинган рақам: В2020.4.PhD/FM533.
Илмий раҳбар: Дурдиев Дурдимурод Қаландарович, физика–математика фанлари доктори, профессор
Диссертация бажарилган муассаса номи: Бухоро давлат университети ва ЎзР ФА В.И. Романовский номидаги Математика институти Бухоро бўлинмаси.
ИК фаолият кўрсатаётган муассаса номи, ИК рақами: Самарқанд давлат университети,  DSс.03/30.12.2019.FM.02.01.
Расмий оппонентлар: Ишанкулов Толиб, физика-математика фанлари доктори, профессор; Рузиев Менглибай Холтожибаевич, физика-математика фанлари доктори.
Етакчи ташкилот: Урганч давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади икки ва уч ўлчамли интегро-дифференциал Максвелл тенгламалар системасидан интеграл ҳадлар ядроларини аниқлаш учун тўғри ва тескари масалаларни ечиш усулларини қуриш, шунингдек ечимларнинг ягоналиги ва мавжудлигини тадқиқ қилишдан иборат.
III. Тадқиқотнинг илмий янгилиги:
хотирага эга биринчи тартибли гиперболик системадан диагонал матрица кўринишдаги ядрони аниқлаш масаласи ечими мавжудлиги ва ягоналиги ҳақида локал теорема қисқартириб акслантириш принципига асосан исбот қилинган;
ўрама типидаги интеграл ҳадга эга бўлган биринчи тартибли гиперболик интегро-дифференциал тенгламалар системаси учун қўйилган бошланғич-чегаравий масаланинг бир қийматли ечилиши ҳақидаги теорема исбот қилинган;  
экспоненциал вазнли функциялар синфида икки ўлчамли Максвелл интегро-дифференциал тенгламалари системаси нормал кўринишга келтирилган, нормал кўринишдаги икки ўлчамли Максвелл интегро-дифференциал тенгламалари системаси учун ядроларни аниқлашнинг тескари масаласи қўйилган ва тескари масала ечими мавжудлиги ва ягоналиги исбот қилинган;
экспоненциал вазнли функциялар синфида уч ўлчамли Максвелл интегро-дифференциал тенгламалари системаси нормал кўринишга келтирилган, нормал кўринишдаги Максвелл интегро-дифференциал тенгламалари системасидан хотирани аниқлаш масалаларининг ягона ечими мавжудлиги ҳақида глобал теорема қисқартириб акслантириш принципига асосан исбот қилинган.
IV. Тадқиқот натижаларининг жорий қилиниши. Интегро-дифференциал Максвелл тенгламалар системаларидан ядроларни аниқлаш масалаларига оид олинган натижалар асосида:
интегро-дифференциал Максвелл тенгламалари системаси учун тескари масалаларни ечилиш усулларидан ОТ-Ф4-01 «Қовушқоқ суюқлик оқувчи кўп қатламли композит қувурлар эгри чизиқли бўлакларининг ҳарорат ва динамик юкланишлар таъсирида чизиқли бўлмаган динамик кучланиш-деформация ҳолатини ўрганиш усулларини ишлаб чиқиш ва назариясини ривожлантириш» мавзусидаги фундаментал лойиҳада қўлланилган (Ўзбекистон Республикаси Олий ва ўрта махсус таълим вазирлиги, Тошкент кимё-технология институтининг 2022 йил 30 майдаги маълумотномаси). Илмий натижаларнинг қўлланилиши ядрони аниқлаш масаласи ечимининг мавжудлиги ва ягоналигини исботлаш имконини берган;
интегро-дифференциал Максвелл тенгламалар системаси ядроларини аниқлаш масалалари АААА-А19-119032590069-3 рақамли «Геофизика ва муҳандислик масалаларида туташ механика ва иссиқлик-масса алмашинуви масалаларини математик моделлаштириш ва сонли ечиш» номли хорижий лойиҳасида фойдаланилган (Россия Фанлар Академиясининг Владикавказ илмий маркази Федерал давлат илмий муассасаси Федерал илмий маркази филиали Жанубий математика институтининг 2022 йил 26 майдаги маълумотномаси). Илмий натижаларнинг қўлланилиши анизотроп муҳитлар учун интегро-дифференциал Максвелл тенгламалари системасидаги бир ўлчовли тескари масала ечимининг мавжудлиги ва ягоналигини локал ва глобал  аниқлаш имконини берган.