Ортиқов Отабек Иномовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Мустақиллик даврида ижтимоий-фалсафий фикр тарихи тараққиётини ёритиш муаммолари», 09.00.03 – Фалсафа тарихи (фалсафа фанлари).
Диссертация мавзуси рўйхатга олинган рақам: В2020.1.PhD/Fal411.
Диссертация бажарилган муассаса номи: Қўқон давлат педагогика институти.   
ИК фаолият кўрсатаѐтган муассаса (муассасалар) номи, ИК рақами: Бухоро давлат университети, PhD.03/27.02.2020.F.72.08.
Илмий раҳбар: Рўзматова Гулноз Мираҳраровна, фалсафа фанлари доктори, профессор.  
Расмий оппонентлар: Маматов Мамажон Ахмаджонович, фалсафа фанлари доктори, доцент; Зоиров Эркин Халилович, фалсафа фанлари номзоди, доцент.
Етакчи ташкилот: Самарқанд давлат университети.
Диссертация йўналиши: назарий аҳамиятга молик.
II.Тадқиқотнинг мақсади мустақиллик йилларида ижтимоий-фалсафий фикр тараққиёти тарихини ёритиш муаммоларининг фалсафий-тарихий жиҳатларини очиб беришдан иборат.
III.Тадқиқотнинг илмий янгилиги:
мустақиллик даврида ижтимоий-фалсафий фикр тараққиётининг мустабид тузум мафкурасининг ижтимоий-маънавий асоратларини бартараф этиш, эзғу ғоя ва идеалларни сингдириш, Шарқ халқлари фалсафий меросини чуқур ўрганиш, маънавий меросимизни қайта тиклаш ва ижодий ривожлантириш, миллий ғоя ва мафкура тамойилларини ўзида акс эттириш, баркамол авлодни тарбиялашнинг самарали усул ва имкониятларини оптималлаштириш каби стратегик йўналишлари мантиқан далилланган;
“ижтимоий-фалсафий мерос” тушунчасининг миллий ва умуминсоний моҳияти ҳамда янги ижтимоий-фалсафий тафаккур тарихий меросга нохолис ёндашувлар, исломдаги диний-ирфоний, ахлоқий меросни инкор қилиш, глобал макондаги ижтимоий-сиёсий ва маънавий-маданий жараёнларни англаш, миллий маънавият парадигмаларини яратиш, турли экспансиялардан ҳимоя қилиш муаммолари мавжудлиги сабабли ижтимоий-маънавий тараққиёт учун зарурат эканлиги асослаб берилган;
мустақиллик йилларида ижтимоий-фалсафий, ахлоқий ва гуманистик мерос юзасидан изланишлар олиб борилганлиги, айни вақтда маънавий таҳдидларнинг ортиши, маънавий тарбия механизмларини оптималлаштириш билан боғлиқ муаммоларнинг мавжудлиги ҳамда ижтимоий-фалсафий мероснинг Учинчи Ренессанснинг илмий-маънавий пойдеворини мустаҳкамлаш, ислом цивилизациясини ривожлантириш, жаҳон тамаддунига қўшган ҳиссасини оммалаштириш орқали бартараф этиш йўллари кўрсатиб берилган;
миллий ғояни тарғиб этишда Марказий Осиё мутафаккирлари маънавий-ахлоқий, гуманистик фикрларининг ёшларда ватанпарварлик, миллий ғурур, меҳнатсеварлик, иродалилик каби маънавий-ахлоқий фазилатларни шакллантиришга оид тарбиявий аҳамияти ҳамда баркамол авлодни тарбиялашдаги диний ва дунёвий қарашларни ривожлантириш, илм-маърифатни юксалтириш, инсонпарварлик, эзгулик ва тинчлик каби фазилатларни шакллантириш, ижтимоий-маънавий муҳит барқарорлигини таъминлашдаги аҳамияти фалсафий жиҳатдан очиб берилган.
IV. Тадқиқот натижаларининг жорий қилиниши. Мустақиллик йилларида ижтимоий-фалсафий фикр тарихи, унинг жамият тараққиётига таъсирини аниқлаш  жараёнида эришилган илмий натижалар асосида:
мустақиллик даврида ижтимоий-фалсафий фикр тараққиётининг мустабид тузум мафкурасининг ижтимоий-маънавий асоратларини бартараф этиш, эзғу ғоя ва идеалларни сингдириш, Шарқ халқлари фалсафий меросини чуқур ўрганиш, маънавий меросимизни қайта тиклаш ва ижодий ривожлантириш, миллий ғоя ва мафкура тамойилларини ўзида акс эттириш, баркамол авлодни тарбиялашнинг самарали усул ва имкониятларини оптималлаштириш каби стратегик йўналишларига доир илмий натижа ва янгиликлардан ОТ-Ф-100-рақамли “Имконияти чекланган болалар ижтимоий-маданий фаолиятининг бадиий-ижодиёт воситалари асосида назарий ва амалий токомиллашуви” (2017-2020 йй) фундаментал лойиҳани бажаришда фойдаланилган (Ўзбекистон Республикаси Олий ва ўрта махсус таълим вазирлигининг 2021 йил 19 январдаги 89-03-278-сон маълумотномаси). Натижада имконияти чекланган болалар ижтимоий-маданий фаолиятини илмий ва амалий жиҳатдан такомиллаштириш мақсадида янги ижтимоий-фалсафий тафаккурни шакллантириш, шунингдек, гуманистик меросни ўрганишга бўлган қизиқишни оширишга хизмат қилган;
“ижтимоий-фалсафий мерос” тушунчасининг миллий ва умуминсоний моҳияти ҳамда янги ижтимоий-фалсафий тафаккур тарихий меросга нохолис ёндашувлар, исломдаги диний-ирфоний, ахлоқий меросни инкор қилиш, глобал макондаги ижтимоий-сиёсий ва маънавий-маданий жараёнларни англаш, миллий маънавият парадигмаларини яратиш, турли экспансиялардан ҳимоя қилиш муаммолари мавжудлиги сабабига кўра ижтимоий-маънавий тараққиёт учун зарурат эканлигига оид илмий янгиликлар ва таклифлардан ЎзМТРК “O‘zbekiston” телерадиоканалининг 2019-2020 йилларда эфирга узатилган “Бедорлик”, Таълим ва тараққиёт” эшиттиришлари сценарийларини тайёрлашда фойдаланилган (ЎзМТРК “O‘zbekiston” телерадиоканали давлат унитар корхонасининг 2021 йил 5 январдаги O’z/R-1-08-сон маълумотномаси). Натижада тингловчиларнинг фалсафа тарихининг мустақиллик даврида ижтимоий-фалсафий фикр тараққиёти манзараси ва унда миллий-маданий хусусиятларни акс этиш ҳолатлари ҳақида атрофлича маълумотларга эга бўлишларига хизмат қилган;
мустақиллик йилларида ижтимоий-фалсафий, ахлоқий ва гуманистик мерос юзасидан фундаментал тадқиқотлар олиб борилган бўлса-да, айни вақтда экстремизм ва фундаментализмнинг кучайиши, маънавий таҳдидларнинг ортиши, маънавий тарбия механизмларни оптималлаштириш билан боғлиқ муаммоларнинг мавжудлиги ҳамда ижтимоий-фалсафий мероснинг Учинчи Ренессанснинг илмий-маънавий пойдеворини мустаҳкамлаш, ислом цивилизациясини ривожлантириш, жаҳон тамаддунига қўшган ҳиссасини оммалаштириш орқали бартараф этиш йўлларига доир назарий хулоса ва таклифлардан Ўзбекистон Республикаси Ёшлар ишлари агентлигининг аждодларимиз меросини ўрганишга бағишланган ва ёшларнинг ижтимоий-фалсафий тафаккурини шакллантириш, билимларини мустаҳкамлаш, мунозара маданиятини ривожлантириш мақсадида ўтказилган ўқув семинар, тарғибот тадбирларида фойдаланилган (Ўзбекистон Республикаси Ёшлар ишлари агентлигининг 2021 йил 19 январдаги 4-13-23-119-сон маълумотномаси). Натижада мамлакатимиз ёшларининг аждодларимиз мероси, уларнинг ҳозирги кун ёшларининг маънавий-ахлоқий тарбияси, ижтимоий-фалсафий тафаккурига ижобий таъсири борасидаги билим даражаси, уларни ўрганишга бўлган қизиқиши, ҳатти-ҳаракатларини кенг миқёсда ривожлантириш ва ақлий салоҳиятини юксалтириш имконини берган;
миллий ғояни тарғиб этишда Марказий Осиё мутафаккирлари маънавий-ахлоқий, гуманистик фикрларининг ёшларда ватанпарварлик, миллий ғурур, меҳнатсеварлик, иродалилик каби маънавий-ахлоқий фазилатларни шакллантиришга оид тарбиявий аҳамияти ҳамда баркамол авлодни тарбиялашдаги диний ва дунёвий қарашларни ривожлантириш, илм-маърифатни юксалтириш, инсонпарварлик, эзгулик ва тинчлик каби фазилатларни шакллантириш, ижтимоий-маънавий муҳит барқарорлигини таъминлашдаги аҳамиятига оид илмий-амалий таклиф ва тавсиялардан Республика Маънавият ва марказининг 2019-2020 йилларда ўтказилган тарғибот фаолиятида тадбиқ этилган, Ўзбекистон Республикаси Президентининг 2019 йил 3 майдаги “Маънавий-маърифий ишлар самарадорлигини ошириш бўйича қўшимча чора-тадбирлар тўғрисида”ги Қарор дастурининг VIII боб “Халқимизнинг тарихий мероси,урф-одатлари ва миллий тарбия анъаналарини асраб-авайлаш, кенг аҳоли қатламлари, айниқса ёшлар ўртасида динлараро бағрикенглик,миллатлараро тотувлик ва ўзаро меҳр-оқибат муҳитини мустаҳкамлашга доир тадбирлар” мавзуида ўтказилган тарғибот ишларида фойдаланилган (Республика маънавият ва маърифат марказининг 2021 йил 24 мартдаги 02/07-291-сон маълумотномаси). Натижада марказ илмий-услубий фаолияти, амалий тадбирларни амалга оширишда, шунингдек, услубий тавсиялар ишлаб чиқишга хизмат қилган.