Холбобоева Азиза Шербобоевнанинг
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Туризмга оид рекламаларда риторик аспектнинг чоғиштирма тадқиқи (инглиз ва ўзбек тиллари мисолида)», 10.00.06 – Қиёсий адабиётшунослик, чоғиштирма тилшунослик ва таржимашунослик (филология фанлари).
Диссертация мавзуси рўйхатга олинган рақам: В2021.4.PhD/Fil2131.
Илмий раҳбар: Самигова Хушнида Ботировна, филология фанлари доктори, доцент.
Диссертация бажарилган муассаса номи: Ўзбекистон давлат жаҳон тиллари университети.
ИК фаолият кўрсатаётган муассаса номи, ИК рақами: Ўзбекистон давлат жаҳон тиллар университети, DSc.03/30.12.2019.Fil/Ped.27.01.
Расмий оппонентлар: Тешабоева Дилфуза Мўминовна, филология фанлари доктори, профессор; Аякулов Нурбек Абдугаппор ўғли, филология фанлари бўйича фалсафа доктори (PhD).
Етакчи ташкилот: Мирзо Улуғбек номидаги Ўзбекистон Миллий университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади инглиз ва ўзбек тилларида туризмга оид рекламаларда риторик аспектнинг ўхшаш ва фарқли жиҳатларини очиб беришдан иборат.
III.Тадқиқотнинг илмий янгилиги:
инглиз ва ўзбек тилларида туризмга оид рекламаларда лингвистик ва экстралингвистик воситалардан фойдаланиш (психологик таъсирининг асосий қонуниятлари) уни дискурсив матн турига айлантириши ҳамда тилнинг фонетик, морфологик, синтактик сатҳларида сифатларнинг орттирма даражаси, риторик саволлар, бўйруқ, шарт эргаш гапли қўшма гаплар каби тил воситалари орқали ифодаланиши далилланган;
инглиз ва ўзбек тиллари туризмга оид матнларда фонетик сатҳда асосан товушли, аллитерация, асонанс, консонанс ҳамда лексик жиҳатдан анафора, эпифора каби ҳар хил такрорларнинг қўлланилиши, уларнинг реклама қилинган маҳсулот номи билан тўлиқ ёки қисман ҳамоҳанг бўлиши исботланган;
туризмга оид реклама дискурсида риториканинг лингвомаданий хусусиятларининг алломорф ва изоморф хусусиятлари инглиз тилидаги туризм реклама матнларида индивидуаллик, гедонистик характер, тажриба, муваффақият, қулайлик, соғлом фикр, фойда ҳамда ўзбек тилида бахт, хотиржамлик, меҳр, меҳмондўстлик, бағрикенглик каби тушунчалар асосида намоён бўлиши аниқланган;
инглиз ва ўзбек тилларида туризмга оид рекламаларда стилистик воситаларнинг адресатни маълум бир фаолиятга ундашда ва таъсир ўтказишда ҳамда реалияларнинг маданий-тарихий аспектда стереотипларни яратишдаги имконияти  далилланган.
IV.Тадқиқот натижаларининг жорий қилиниши. Инглиз ва ўзбек тилларидаги туризмга оид рекламанинг риторик аспектини чоғиштирма тадқиқ этиш жараёнида олинган натижалар асосида:
инглиз ва ўзбек тилларида туризмга оид рекламаларда фонетик сатҳда реклама матнларида аксарият ҳолларда товушли ва лексик жиҳатдан ҳар хил такрорларнинг ишлатилиши, реклама қилинган маҳсулот номи билан тўлиқ ёки қисман ҳамоҳанг бўлишига доир хулосалардан Ўзбекистон давлат жаҳон тиллари университети ҳамда Европа Иттифоқининг ERASMUS+ дастури доирасида Латвиянинг Резекна технологиялар Академияси, Англиянинг Лондон Метрополитен университети билан ҳамкорликда бажарилган “561624-EPP-1-2015-1-UK-EPPKA2-CBHE-SP IMEP” номли халқаро лойиҳа доирасида хорижий тил ўқитувчиларининг малакасини ошириш бўйича яратилган ўқув қўлланма ва дастурларни яратишда кенг фойдаланилган (Ўзбекистон давлат жаҳон тиллари университетининг 2022 йил 11 мартдаги IRD/2264-сон маълумотномаси). Натижада ўқув қўлланма ва дастурдаги фонетик машқларни яратишда назарий асос бўлиб хизмат қилган;
инглиз ва ўзбек тилларида туризмга оид рекламаларда лингвистик ва экстралингвистик воситалардан фойдаланиш орқали (психологик таъсирининг асосий қонуниятлари) уни дискурсив матн турига айлантириш тилнинг барча сатҳларида ўзига хос тил воситалари орқали ифодаланиши далилланганлиги тўғрисидаги илмий ва назарий хулосалардан Ўзбекистон Республикаси Туризм ва маданий мерос вазирлиги “Миллий PR - маркази”да мамлакатнинг туристик салоҳиятини оммалаштириш ва тарғиб қилиш, миллий туризм маҳсулотлари ва брендларини халқаро туризм бозорларида оммалаштиришга қаратилган фаол реклама-ахборот сиёсатини амалга оширишда чора-тадбирлари дастури тўғрисидаги қарорда келтирилган вазифаларнинг бевосита ижросини амалга оширишда фойдаланилган (Ўзбекистон Республикаси туризм ва маданий мерос вазирлигининг 2022 йил 26 апрелдаги 02-18/1439-сон маълумотномаси). Натижада таклиф қилинган тавсия ва хулосалар Ўзбекистон Республикаси туризм ва маданий мерос вазирлиги томонидан туристик соҳада ташкил этилган турли ҳил тадбир ва ярмаркаларнинг рекламасини яратишда ва уларнинг такомиллашишига хизмат қилган;
инглиз ва ўзбек тилларида туризмга оид реклама дискурсида риторик аспектнинг лингвомаданий хусусиятларнинг алломорф ва изоморф жиҳатларига оид хулосалардан Ўзбекистон давлат жаҳон тиллари университети ҳамда Европа Иттифоқининг ERASMUS+ дастури доирасида Латвиянинг Резекна технологиялар Академияси, Англиянинг Лондон Мертополитен университети билан ҳамкорликда бажарилган “561624-EPP-1-2015-1-UK-EPPKA2-CBHE-SP IMEP” номли халқаро лойиҳа доирасида хорижий тил ўқитувчиларининг малакасини ошириш бўйича яратилган ўқув қўлланма ва дастурларни яратишда кенг фойдаланилган (Ўзбекистон давлат жаҳон тиллари университетининг 2022 йил 11 мартдаги IRD/2264-сон маълумотномаси). Натижада талабалар ҳамда тингловчиларнинг инглиз ва ўзбек тилларида туризмга оид реклама дискурсида риторик аспектнинг лингвомаданий хусусиятлар бўйича назарий билимларини кенгайтиришга хизмат қилган;
инглиз ва ўзбек тилларида туризмга оид рекламаларда стилистик воситаларнинг қўлланилиши адресатни маълум бир фаолиятга ундаш, таъсир ўтказиш, стереотипларни яратиш омили сифатида намоён бўлиши асословчи  илмий-назарий хулосалардан Ўзбекистон Республикаси Туризм ва маданий мерос вазирлигининг “2022-2026 йилларга мўлжалланган Янги Ўзбекистоннинг тараққиёт стратегияси дастурлари”да белгиланган вазифаларнинг бевосита ижросини амалга оширишда фойдаланилган (Ўзбекистон Республикаси туризм ва маданий мерос вазирлигининг 2022 йил 26 апрелдаги 01-08/80-сон маълумотномаси). Натижада ўзбек маданиятига тегишли стереотипларни яратишда ҳамда унинг туристик рекламасини мазмунан бойишига ва такомиллашишида фойдаланилган.