Осипова Агата Викторовнанинг
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “XX аср охири - XXI аср бошидаги рус адабиёти ҳикоя жанрида муаллиф ва  қахрамон муаммоси”, 10.00.04 – “Европа, Америка ва Австралия халқлари тили ва адабиёти” (филология фанлари).
Диссертация мавзуси рўйхатга олинган рақам: В2019.2.PhD/Fil819.
Илмий раҳбар: Петрухина Наталья Михайловна, филология фанлари доктори, профессор.
Диссертация бажарилган муассаса номи: Ўзбекистон давлат жаҳон тиллари университети.
ИК фаолият кўрсатаётган муассаса номи, ИК рақами: Ўзбекистон давлат жаҳон тиллар университети, DSc.03/30.12.2019.Fil/Ped.27.01.
Расмий оппонентлар: Содиқов Зоҳид Яқубжанович, филология фанлари доктори, доцент; Матенова Юлия Умидовна, филология фанлари номзоди (PhD), доцент.
Етакчи ташкилот: Жиззах давлат педагогика институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади XX аср охири – ХХI аср бошларига оид  замонавий ҳикоя жанрида муаллиф ва қаҳрамон ўртасидаги муносабатларнинг «муаллиф онги – қаҳрамон онги – матн онги» тушунчалари контекстида очиб беришдан иборат.
III.Тадқиқотнинг илмий янгилиги:
замонавий қисса жанри ривожланишининг романлаштириш ва гибридлаштириш трансформацион жараёнлари «муаллиф-қаҳрамон» контекстида матнни ташкил этишнинг ички индивидуал моделлари асосида аниқланган;
муаллиф ва қаҳрамон образларини ривожлантиришга қаратилган ёндашув механизмини “муаллиф онги – қаҳрамон онги – матнни англаш” триадаси асосида очиб бериш орқали XX аср охири – ХХI аср бошида замонавий рус ҳикоя ривожланишининг «шартли» ва «реал» муаллифлик тамойиллари асосланган;    
муаллиф «мен»ини ифода этишнинг ўзига хос “муаллиф образи”, “муаллиф овози”, “қаҳрамон-муаллиф” моделларини ишлаб чиқиш орқали муаллиф ва қаҳрамон муаммоси индивидуаллик ва қиёсий-типологик умумлашмада очиб берилган;
муаллиф ва қаҳрамон образи нисбати, қаҳрамоннинг ички дунёси ўртасидаги муносабатлар проекцияси ҳамда  қаҳрамоннинг «мен»ини ифодалаш шакли орқали XXI аср қаҳрамон онги типологияси ишлаб чиқилган.
IV.Тадқиқот натижаларининг жорий қилиниши. XX аср охири – ХХI аср бошлари рус адабиётида ҳикоя жанрида муаллиф ва қаҳрамон муаммосини ўрганиш бўйича ишлаб чиқилган тавсиялар асосида:
замонавий қисса жанри ривожланишининг трансформацион жараёнларининг матнни ташкил этувчи ички индивидуал моделларига оид хулосалардан Н.П. Огарева номидаги Миллий тадқиқот Мордовия давлат университетининг «Чет элда рус тили: очиқ таълимнинг инновацион ёндашувлари ва самарали амалиётлари» мавзусидаги лойиҳада белгиланган вазифаларни  фойдаланилган (Мордовия давлат университетининг 2021 йил 12 ноябрдаги 01–02 –22/6186-сон маълумотномаси). Натижада чет элда рус тилини ўрганишга кўп қиррали ёндашувни, яъни «муаллиф онги – қаҳрамон онги – матн онги» триадасини тақдим этадиган адабий асар орқали тилни махсус идрок этишни ривожлантиришга хизмат қилган;
муаллиф ва қаҳрамон образи нисбати, қаҳрамоннинг ички дунёси ўртасидаги муносабатлар проекцияси, қаҳрамоннинг «мен»ини ифодалаш шакли ҳамда XXI аср қаҳрамон онги типологиясига оид материаллардан Ўзбекистон давлат жаҳон тиллари университетининг “Ўзбекистон Республикасида кўп киррали маданий талим муҳитида ўқитиш самарали усулларини ишлаб чиқариш чикиш ва амалиётга тадбиқ этиш” мавзусидаги ОТ-А1-118-рақамли илмий-техник лойиҳасида белгиланган вазифаларни бажаришда фойдаланилган (Ўзбекистон давлат жаҳон тиллари университетининг 2021 йил 16 декабрдаги 04/921-сон маълумотномаси). Натижада ўқувчиларга муаллифнинг “ўзи” ва қаҳрамоннинг “мени”нини ифода этиш шаклини тушунтиришга эришилган;
муаллиф «мен»ини ифода этишнинг ўзига хос “муаллиф образи”, “муаллиф овози”, «қаҳрамон-муаллиф» моделларига оид хулосалардан Ўзбекистон давлат жаҳон тиллари университетининг ОТ-А1-53-рақамли “Таржима назариаси ва амалиёти факультети учун «Translation in Use» дарслигини яратиш ва нашр қилиш” мавзусидаги илмий лойиҳада  белгиланган вазифаларни бажаришда фойдаланилган (Олий таълим вазирлигининг 2021 йил 13 декабрдаги 04/912-сон маълумотномаси). Натижада рус тили ва адабиётини ўрганишга бағишланган илмий тадқиқотларни ташкил этишни такомиллаштиришга, миллатлараро муносабатларни янада ва уйғун ривожлантиришга хизмат қилган.