Маткаримов Акмал Каримовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Жанубий  Оролбўйи  ҳудудида  баъзи кўз касалликларининг клиник кечиши ва даволашнинг минтақавий хусусиятлари» 14.00.08 – Офтальмология (тиббиёт фанлари).
Диссертация мавзуси рўйхатга олинган рақам: В2020.2.PhD/Tib1356.
Илмий маслаҳатчи: Бахритдинова Фазилат Арифовна, тиббиёт фанлари доктори, профессор.
Диссертация бажарилган муассаса номи: Тошкент тиббиёт академияси.
ИК фаолият кўрсатаётган муассаса (муассасалар) номи, ИК рақами: Республика ихтисослаштирилган кўз микрохирургия илмий-амалий тиббиёт маркази, DSc.04/30.01.2020.Tib.105.01.
Расмий оппонентлар: Иванова Нанули Викторовна, тиббиёт фанлари доктори, профессор (Россия Федерацияси); Юсупов Амин Азизович, тиббиёт фанлари доктори, профессор.
Етакчи ташкилот: Мхитара Гераци номидаги Ереван давлат тиббиёт университети (Армения Республикаси).
II. Тадқиқотнинг мақсади: жанубий Оролбўйи шароитида кўз касалликларининг ўзига хос клиник ҳусусиятларини инобатга олган ҳолда, ҳудудий офталмопатологияларни даволаш самарадорлигини оширишдан иборат.
III. Тадқиқотнинг илмий янгилиги:
минтақа аҳолисида илк бор кўз касалликларининг тузилмаси илмий таҳлил қилинган ва тизимлаштирилган, ҳамда ноқулай атроф муҳит шароити туфайли кўп учрайдиган касалликлар, уларнинг клиник ўзига хос хусусиятлари аниқланган;
минтақада кузатувдаги барча конъюнктивитли беморларнинг 86%ида жараённи сурункалилашишига олиб келувчи ҚКС аниқланган ва даволаш режимига кўз олдинги юзасини ташқи муҳит омилларидан ҳимоя қилувчи сунъий кўз ёш дори воситаларининг қўшилиши зарурлиги илмий исботланган;
Оролбўйида птеригиум сезиларли равишда агрессив, тез, ҳамда анъанавий операциялардан кейин 87,5% гача қайталаниш ва неоваскуляризация билан кечиши аниқланган, патогенетик асосланган давони қўллаш эса асоратлар ва қайталанишни олдини олиши асосланган;
минтақада қарилик катарактаси анъанавий биомикроскопияда  кузатилмайдиган капсула – боғлам тизимининг етишмовчилиги билан бирга кечиши, ҳамда “яширин” ПЭС ни аниқлаш учун УБМ усулини қўллаш оғир асоратларни эрта аниқлаш, ўз вақтида даволаш ва олдини олишга замин яратиши исботланган ва илмий тасдиқланган.
IV. Тадқиқот натижаларининг жорий қилиниши.
Жанубий Оролбўйи минтақасида кенг тарқалган кўз касалликларини клиник кечиши ва даволашнинг ўзига хос хусусиятлари бўйича тадқиқотнинг илмий натижалари асосида:
Оролбўйида ҳудудида птеригиум билан касалланган беморларни даволаш бўйича олинган илмий натижалар асосида ишлаб чиқилган «Оролбўйи ҳудудида яшовчи беморларда птеригиумэктомия усулларининг самарадорлигини қиёсий баҳолаш» номли услубий тавсиянома тасдиқланган (Соғлиқни сақлаш вазирлигининг 2020 йил 19 ноябрдаги 8н-р/434-сон маълумотномаси). Мазкур услубий тавсиянома птеригиум касаллигини самарали даволаш ва операциядан кейинги қайталанишни камайишга имкон яратган.
Оролбўйи ҳудудида сурункали конъюнктивит фонидаги “қуруқ кўз” синдроми билан касалланган беморларни даволаш бўйича олинган илмий натижалар асосида ишлаб чиқилган “Жанубий Оролбўйи ҳудудида сурункали конъюнктивит фонидаги “қуруқ кўз” синдромини клиник кечиши ва даволашнинг хусусиятлари” номли услубий тавсиянома тасдиқланган (Соғлиқни сақлаш вазирлигининг 2021 йил 1 ноябрдаги 8н-р/1052-сон маълумотномаси). Мазкур услубий тавсиянома ҳудудда сурункали конъюнктивитнинг ўзига хос клиник хусусиятларини ташхислаш ва даволашни самарали амалга ошириш имконини берган;
Жанубий Оролбўйи ҳудудида кўз касалликларининг клиник кечиши ва даволашнинг минтақавий хусусиятларига қаратилган тадқиқот натижалари соғлиқни сақлаш амалиётига, жумладан Қорақолпоғистон Республикаси Беруний туман тиббиёт бирлашмаси кўз касалликлари бўлими, Самарқанд офталмологик шифохонаси, ҳамда Хоразм вилояти Хива туман тиббиёт бирлашмаси (Соғлиқни сақлаш вазирлигининг 2021 йил 12 октябрдаги 8н-з/330-сон ва 2022 йил 25 январдаги 8н-з/25-сон маълумотномалари) амалиётига тадбиқ этилган. Олинган натижалар птеригиум ва сурункали конъюнктивит билан беморларда ташхислаш сифатини яхшилашга, даволаш даврини қисқартиришга, ҳамда самарасини ошишига, касалликларнинг қайталанишини олдини олишга имкон берган.