Ибрахимова Ҳамида Рустамовнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Болаларда паразитар касалликлар кечиши ва профилактикасининг аллергологик ҳамда иммунологик жихатлари», 14.00.36 - Аллергология ва иммунология; 14.00.10 - Юқумли касалликлар (тиббиёт фанлари).
Диссертация мавзуси рўйхатга олинган рақам: B2021.3.PhD/Tib1419.
Илмий раҳбарлар: Ачилова Донохон Нутфиллоевна PhD., доцент; Облокулов Абдурашид Рахимович тиббиёт фанлари доктори, доцент.
Диссертация бажарилган муассаса номи: Бухоро давлат тиббиёт институти.
ИК фаолият кўрсатаётган муассаса (муассасалар) номи, ИК рақами: Бухоро давлат тиббиёт институти, DSc.04/30.04.2022.Tib.93.01.
Расмий оппонентлар: Разиқова Илмира Сагдуллаевна, тиббиёт фанлари доктори, профессор; Ахмедова Муборахон Джалиловна, тиббиёт фанлари доктори, профессор.
Етакчи ташкилот: Иркутск давлат тиббиёт университети (Россия Федерацияси).
Диссертация йўналиши: амалий аҳамиятга молик.
II. Тадқиқотнинг мақсади: болаларда паразитар касалликлар кечиши ва профилактикасининг аллергологик ва иммунологик жиҳатларини ўрганиш ва баҳолашдан иборат.
III. Тадқиқотнинг илмий янгилиги:
паразитар касалликлар кузатилган болалар қон зардобидаги IgA, IgM, IgG концентрациялари, яллиғланишни қўлловчи ва яллиғланишга қарши цитокинлар (IL-4, TNF-α) миқдори дисбаланси аниқланган, илк бор паразитар касалликлар кечишида уларнинг аллергологик маркёр - IgЕ миқдорий кўрсаткичлари билан узвий боғлиқлиги исботланган;
паразитар касалликлар кузатилган болалар орасида IgG ва IgЕ ошиши ушбу бемор болалар иммун статусини баҳолашда иммунологик ва аллергик мезонлар, IL-4 ошиши дифференциал-диагностик мезон сифатида тавсия этилган, IgG ва IgE концентрациясининг юқори бўлиши аллергик фон юқори бўлганлиги ҳамда антиген стимуляциясининг кучи, давомийлиги билан боғлиқлиги исботланган;  
паразитар инфекциялар тарқалишининг тиббий-ижтимоий жиҳатларини ўрганиш орқали аҳолининг, асосан болаларнинг паразитар касалликлар ҳақидаги билим даражаси ва  гигиеник кўникмалари пастлиги исботланган;
мактабгача ёшдаги болаларда паразитар касалликлар бирламчи профилактикаси тўғрисидаги билимлар мажмуаси жамланган, улар билим ва кўникмаларини оширишга мўлжалланган ўқитиш дастурининг ишлаб чиқилиб, амалга оширилиши ўзлари соғлиқларини асраш жараёнига тайёргарлик даражасини оширишга имкон бериши исботланган.
IV. Тадқиқот натижаларининг жорий қилиниши.
Болаларда паразитар касалликлар иммунологик ва аллергологик жиҳатларини аниқлаш ва баҳолаш бўйича тадқиқотнинг натижалар асосида:
мактабгача ёшдаги болалар орасида паразитар касалликлар бирламчи профилактикасини шакллантириш бўйича олиб борилган тадқиқотнинг илмий натижалари асосида ишлаб чиқилган «Мактабгача ёшдаги болалар орасида паразитар касалликлар бирламчи профилактикасини шакллантириш услуби» номли услубий тавсиянома тасдиқланган (Соғлиқни сақлаш вазирлигининг 2021 йил 29 сентябрдаги 8н-р/834-сон маълумотномаси). Ушбу услубий тавсиянома болалар орасида паразитар касалликлар профилактикасига концептуал ёндошиш имконини берган;
болаларда паразитар касалликлар иммунологик ва аллергологик жиҳатларини аниқлаш ва баҳолаш бўйича олинган илмий натижалар амалий  соғлиқни сақлаш амалиётига, жумладан, Хоразм вилояти Хива тумани санитария-эпидемиологик осойишталиги ва жамоат саломатлиги бўлими, Хоразм вилоят юқумли касалликлар шифохонасига тадбиқ этилган (Соғлиқни сақлаш вазирлигининг 21 йил 7 декабрдаги 8н-з/519-сон маълумотномаси). Жорий этиш натижасида паразитар касалликларнинг болалар орасида бирламчи профилактикаси оптималлаштирилган, паразитар касалликлар ташҳисида беморлар иммун ва цитокин статусларини аниқлаш катта аҳамият касб этиши кўрсатиб берилган.