Долимова Махфуза Алимовнанинг
фалсафа доктори (PhD) диссертацияси ҳимояси ҳақида эълон
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Рекуррент шизофрениянинг ремиссияларида психопатологик симптоматика динамикасига боғлиқ ҳолда прогредиентлик бўйича кечиш вариантларининг хусусиятлари ва қайталанишларини олдини олиш», 14.00.43 - Профилактик тиббиёт ва 14.00.18 - Психиатрия ва наркология (тиббиёт фанлари).
Диссертация мавзуси рўйхатга олинган рақам: В2021.2.PhD/Tib954.
Илмий раҳбар: Аграновский Марк Лейзерович тиббиёт фанлари доктори, профессор.
Диссертация бажарилган муассаса номи: Андижон давлат тиббиёт институти.
ИК фаолият кўрсатаётган муассаса (муассасалар) номи, ИК рақами: Андижон давлат тиббиёт институти, PhD.04/30.12.2019.Tib.95.01.
Расмий оппонентлар: Алимов Улугбек Худаярович, тиббиёт фанлари доктори, профессор; Салохиддинов Зухриддин Салохиддинович, тиббиёт фанлари доктори, профессор.
Етакчи ташкилот: Тошкент тиббиёт академияси.
Диссертациянинг йўналиши: амалий аҳамиятга мувофиқ.
II. Тадқиқотнинг мақсади: рекуррент шизофрениянинг ремиссияларида психопатологик бузилишлар динамикасига боғлиқ ҳолда прогредиентлик бўйича кечиш вариантларини ўрганиш, ажратиш ва тавсифлаш; касалликнинг ижтимоий-преморбид, клиник омиллари комплекси ва ажратилган вариантлари ўртасидаги боғлиқликни аниқлашдан иборат.
III. Тадқиқотнинг илмий янгилиги:
рекуррент шизофрения билан оғриган беморларнинг ижтимоий-преморбид хусусиятлари комплекси ўрганилган ва уларнинг вариантлари билан боғлиқлиги аниқланган;
касаллик динамикасидаги клиник омиллар комплекси ва уларни рекуррент шизофрениянинг вариантлари билан боғлиқлиги асосланган;
рекуррент шизофрениянинг ремиссияларидаги психопатологик симптоматика динамикасига боғлиқ ҳолда прогредиентлик бўйича клиник вариантлари аниқланган;
қайталанишларни олдини олиш бўйича чора-тадбирлар комплекси ишлаб чиқилган ва рекуррент шизофрениянинг вариантлари ва жараённинг прогредиентлик темпи ўртасидаги боғлиқлиги аниқланган.
IV. Тадқиқот натижаларининг жорий қилиниши.
Шизофрениянинг ремиттирлашган турдаги кечишини биологик, ижтимоий ва клиник омилларини тартиблаш мажмуасининг прогностик аҳамиятини баҳолаш ишлаб чиқишда олинган илмий натижалар асосида.
рекуррент шизофрения билан оғриган беморларда олиб борилган клиник-эпидемиологик прогнозини диагностика усуллари бўйича илмий натижалар асосида ишлаб чиқилган «Шизофрениянинг ремиттирлашган турдаги кечишини биологик ва ижтимоий омилларини тартиблаш мажмуасининг прогностик аҳамиятини баҳолаш учун терапевтик ва профилактик алгоритми» номли услубий тавсиянома тасдиқланган (Соғлиқни сақлаш вазирлигининг 2021 йил 13 декабрдаги 8н-з/541-сон маълумотномаси). Мазкур услубий тавсиянома шизофрениянинг ҳар иккала ва ҳар бири алоҳида тури учун ишончли мухим бўлган эрта прогноз мезонларини аниқлаш имконини берган;
ремиттирлашган типдаги кечувчи шизофрениянинг биологик ва ижтимоий омиллар комплексини прогноз қилиш бўйича олинган тадқиқотларнинг илмий натижалари Фарғона ва Наманган вилоят психиатрия шифохоналарининг амалий фаолиятига татбиқ этилган (Соғлиқни сақлаш вазирлигининг 2022 йил 13 майдаги 08-12712-сон маълумотномаси). Натижада беморларни касалхонага ётқизиш частотасининг пасайиши, ётоқ кунлари сонининг қисқариши, фаол психофармакологик даволаш ва моддий харажатларининг пасайиши, ўлим ва ногиронликни қисқариши, ҳаёт давомийлиги ва сифатининг ошишига эришилган.
