Сапаева Зулфия Амангалдиевнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертацияси мавзуси, ихтисослик шифри (илмий даража берадиган фан тармоғи номи): “Диабетик нефропатияни эрта ташхислашнинг клинико-диагностик ва генетик хусусиятлари” 14.00.05 - Ички касалликлар (тиббиёт фанлари).
Диссертация мавзуси  рўйхатга олинган рақам: В2018.2.PhD/Tib623.
Илмий раҳбар: Жаббаров Озимбай Отаханович, тиббиёт фанлари доктори, доцент.
Диссертация бажарилган муассаса номи: Тошкент тиббиёт академияси Урганч филиали.
ИК фаолият кўрсатаётган муассаса (муассасалар) номи, ИК рақами: Тошкент тиббиёт академияси Урганч филиали, PhD 04/30.09.2020.Tib.123.01.
Расмий оппонентлар: Камилова Умида Кабировна, тиббиёт фанлари доктори, профессор; Нурбаев Фармон Эргашович, тиббиёт фанлари доктори, доцент.
Етакчи ташкилот: Андижон давлат тиббиёт институти
Диссертация йўналиши: амалий аҳамиятга молик.
II. Тадқиқотнинг мақсади: ўзбек миллатида диабетик нефропатия ривожланишини эрта ташхислашда клиник-диагностик ва генетик омилларнинг таъсирини комплекс таҳлиллар натижаларига асосланган ҳолда баҳолашни такомиллаштириш бўйича таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
илк бор ўзбек миллатига мансуб беморларда диабетик нефропатия ривожланиши ва тарқалиши учун хавф омили сифатида AGTR1 генининг А1166C полиморфизми ва MTHFR генининг C677-Т полиморфизми аллелари ва генотипларининг учраш даражаси аниқланган;
илк бор диабетик нефропатия асоратининг ривожланишига сабаб бўлувчи молекуляр генетик предикторлардан AGTR1 генининг А1166С полиморф маркерининг С/С генотипининг ва MTHFR генининг С677-Т полиморф маркерининг С/Т генотипининг ҳимоя хусусиятининг ижобий аҳамияти аниқланган;
ўзбек миллатига мансуб, диабетик нефропатия билан касалланган беморларда касалликнинг кечиши ва асоратларнинг ривожланишининг эрта маркери сифатида микроалъбуминурия кузатилиши ва буйрак томирлари допплерографияси хулосаси эканлиги асосланган;
ўзбек миллатига мансуб 2-тип қандли диабет билан касалланган беморларнинг стандарт текширувига генетик тестни киритиш орқали диабетик нефропатия ривожланишини эрта ташхислашнинг диагностик алгоритми ишлаб чиқилган.
IV. Тадқиқот натижаларининг жорий қилиниши.
Қандли диабетнинг иккинчи туридаги беморларда диабетик нефропатия ривожланишини эрта ташхислашнинг клинико-диагностик ва генетик хусусиятларини баҳолаш натижалари асосида:
диабетик нефропатияни ташхислашнинг хусусиятлари бўйича олиб борилган тадқиқотнинг илмий натижалари асосида ишлаб чиқилган “Диабетик нефропатияни эрта ташхислашнинг клиник-диагностик хусусиятлари” номли услубий тавсиянома тасдиқланган (Соғлиқни сақлаш вазирлиги томонидан тасдиқланган 2021й 9 декабрдаги 8н-р/1229-сон маълумотномаси). Мазкур тавсиянома қандли диабетнинг иккинчи туридаги диабетик нефропатиянинг клиник-диагностик хусусиятларини баҳолашни такомиллаштириш имконини берган;
қандли диабетнинг иккинчи туридаги беморларда диабетик нефропатияни эрта ташхислашнинг клиник-диагностик ва генетик хусусиятларини баҳолаш бўйича олинган илмий натижалар соғлиқни сақлаш соҳаси амалиётига, жумладан, Хоразм вилояти эндокринология илмий-амалий марказига, Республика ихтисослаштирилган нефрология ва буйрак трансплантацияси илмий-амалий тиббиёт марказига (Соғлиқни сақлаш вазирлигининг 2022 йил 21 февралдаги 8н-з/83-сон маълумотномаси) татбиқ қилинган. Олинган натижаларнинг амалиётга жорий қилиниши ўзбек миллатига мансуб беморларнинг стандарт текширув усуллари алгоритмига генетик текширув усулининг киритилиши диабетик нефропатиянинг патогенетик механизмига ижобий таъсир этиши, натижада, самарали даволаш усулини танлаш, касаллик асоратларини ривожланишини эрта аниқлаш ва асоратлар туфайли келиб чиқадиган ногиронликнинг олдини олишга эришиш ҳамда гемодиализгача бўлган даврни узайтириш ва ўлим кўрсаткичларини камайтиришга имкон берган.