Юсупов Сарварбек Содиқовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Инновацион интеллектуал транспорт тизимларини маҳаллий шароитда синергиясини асослаш», 05.08.06 – «Ғилдиракли ва гусеницали машиналар ва уларни ишлатиш» (техника фанлари).
Диссертация мавзуси рўйхатга олинган рақам: B2020.2.PhD/T1680.
Илмий раҳбар: Иноятходжаев Жамшид Шухратуллаевич, техника фанлари доктори.
Диссертация бажарилган муассаса номи: Ислом Каримов номидаги Тошкент давлат техника университети.
ИК фаолият кўрсатаётган муассасалар номи, ИК рақами: Тошкент шаҳридаги Турин политехника университети, PhD.22/01.02.2022.T.144.01. 
Расмий оппонентларнинг Ф.И.Ш., илмий даражаси ва унвони:
Шарипов Конгратбай Авезимбетович, техника фанлар доктори, профессор.
Абдураззоков Умидулла Абдураззокович, техника фанлари бўйича фалсафа доктори (PhD), доцент. 
Етакчи ташкилот номи: Фарғона политехника институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади интеллектуал транспорт тизим элементларини маҳаллий шароитда ўзаро уйғун ишлашини таъминловчи синергетик услубини ишлаб чиқиш.
III. Диссертация тадқиқотининг илмий янгилиги қуйидагилардан иборат:
эксплуатация шароитида интеллектуал транспорт тизимлардан фойдаланишнинг синергетика принциплари бўйича эксперимент натижаларини таҳлили асосида тартиб ва мослашувчан параметр тушунчалари асосланган;
автомобилни реал вақт режимида техник ҳолатини таҳлил килувчи, қарор қабул қилувчи ва бошқарув органларига маълумотларни етказиб берувчи, алгоритмлар ҳамда суньий интеллектга асосланган янги синергетик услублар ишлаб чиқилган;
интеллектуал транспорт тизимларининг “Автомобилни инфратузилма билан таъсирлашув” қисмида “Интеллектуал старт-стоп тизим” ни Буль функцияси ёрдамида бошқариш алгоритми ишлаб чиқилган;
“Интеллектуал старт-стоп тизим” ли автомобилларнинг ёнилғи тежамкорлиги ва экологик кўрсаткичларини двигателнинг айрим режимларида ўчириш орқали аниқлаш услуби ишлаб чиқилган ҳамда натижалар экспериментал тадқиқотлар билан асосланган;
IV. Тадқиқот натижаларининг жорий қилиниши. Инновацион интеллектуал транспорт тизимларини маҳаллий шароитда синергиясини асослаш бўйича олинган натижалар асосида:
“UzAuto Motors” АЖда ишлаб чиқарилаётган двигателнинг ишчи ҳажми 1,5 литр бўлган енгил автомобиллар базасида йўл инфратузилмаси билан уйғун ишловчи “Интеллектруал старт-стоп тизим” нинг алгоритми яратилди (“Ўзавтосаноат” АЖ 2022 йил 11 февралдаги №15/06-25-0226-сонли маълумотномаси). Бунинг натижасида, ИТТнинг иеархик архитектурасига асосланган бошқарув тизими бўйича реал вақт режимида объектлардан маълумотларни олиш, таҳлил қилиш, қарор қабул қилишда инфратузилма элементларининг тартиб параметри ва автомобилнинг мослашувчан параметри асосида автомобиль билан инфратузилманинг ўзаро уйғун ишлаш имконияти яратилган;
интеллектуал транспорт тизимларини синергетика принциплари асосида йўл инфратузилмасини ташкил этувчи йўл тармоқларидаги светофор вақтларини аниқлаш ёрдамида “Интеллектруал старт-стоп тизим” ли автомобиль билан инфратузилма элементининг энг мақбул чегаравий параметрларида ишлаши ва ўзаро уйғунлиги маҳаллий шароитда асосланди (“Ўзавтосаноат” АЖ 2022 йил 11 февралдаги №15/06-25-0226-сонли маълумотномаси). Бунинг натижасида, автомобилнинг ёнилғи тежамкорлиги оширилди ва экологик талабларга мувофиқлиги таъминланди, ҳамда тадқиқотни ишлаб чиқаришга татбиқ этиш натижасида ушбу автомобилларнинг янги бозорга чиқиши таъминланган ва тўғридан тўғри автомобиль ишлаб чиқарилишини ошириш имкони яратилган;
автомобилларнинг ёнилғи тежамкорлик ва экологик кўрсаткичларини интеллектуал транспорт тизимлари орқали яхшилаш ҳисобига энергия ва ресурс сарфи камайиши “Интеллектуал старт-стоп тизим” мисолида аниқлаш имконини берди (“Ўзавтосаноат” АЖ 2022 йил 11 февралдаги №15/06-25-0226-сонли маълумотномаси). Ушбу тизимни жорий этилиши билан шаҳар ҳаракати шароитида автомобиль 100 км масофани босиб ўтганида 8,25 % ёнилғи тежалиб, двигателининг салт ишлаш вақти 28-32 % камайган. Амалий-таҳлилий усул билан битта автомобиль бир йилда 20000 км масофани босиб ўтган деб қабул қилганимизда ўрта ҳисобда 132 литр ёнилғи тежалганлиги ҳисобланиб, атроф-муҳитга чиқадиган заҳарли газларни (СО – 8060 г, НС – 700 г ва NOx – 520 г) ушбу миқдорга камайтириш имконини берди. Ушбу тизимни маҳаллий шароитда қўллаб, эксплуатацион ҳаражатларни ҳисобга олган ҳолда, бир автомобиль учун йиллик иқтисодий самарадорлик 424281 сўмни ташкил этган.