Орипов Жасурбек Икромжонўғлининг
фалсафа доктори (PhD)диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Табиий ипак ипларини тўқишга тайёрлаш технологиясини такомиллаштириш”  05.06.02 – Тўқимачилик материаллари технологияси ва хомашёга дастлабки ишлов бериш.
Диссертация мавзуси рўйхатга олинган рақам: В2019.4.PhD/Т1460. 
Илмий раҳбар: Валиев Гулам Набиджанович, техника фанлари доктори, к.и.ҳ.
Диссертация бажарилган муассаса номи: Фарғона политехника институти, Наманган муҳандислик-технология институти. 
ИК фаолият кўрсатаётган муассаса номи, ИК рақами: Наманган муҳандислик-технология институти PhD.03/30.12.2019.Т.66.01.
Расмий оппонентлар: Жуманиязов Қадам Жуманиязович, техника фанлари доктори, профессор; Алиева Дилбар Ганиевна, техника фанлари номзоди, доцент.
Етакчи ташкилот: Тошкент тўқимачиик ва енгил саноат институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади  крепдешин тўқималарини ишлаб чиқаришда табиий ипак ипларини тўқишга тайёрлашнинг такомиллаштирилган технологиясини яратишдан иборат.
III. Тадқиқотнинг илмий янгилиги:
табиий ипакдан крепдешин тўқималарини ишлаб чиқаришда, тўқув ипини тандалаш жараёнидан аввал шакллантириш орқали танда ипларини тўқишга тайёрлашни такомиллаштирилган технологияси яратилган ҳамда қўшиш-пишитиш ва тандалаш жараёнларининг технологик параметрлари ишлаб чиқилган;
мураккаб пишитилган табиий ипак тўқув ипларини чўзиш деформацияси жараёнининг биринчи босқичида 2 қават қилиб қўшиб уларга 300, 400 ва ундан ортиқ бурам бериб, иккинчи босқичда уларни 2 тасини қўшиб 200 бурам бериб пишитилганда тўқув ипини ташкил қилувчи якка иплар бир вақтнинг ўзида узилиши аниқланган;
табиий ипакдан янги икки босқичли усулда пишитиб олинган кам бурам берилган тўқув ипларини ишқаланишдаги емирилишга ва узилишга чидамлилиги юқори бўлиши аниқланган;
табиий ипак танда ипларини икки босқичли усулда бурам бериб қўшганда уларнинг узилиш кучи ва кўп даврли чўзилиш деформацияга чидамлилигини ошиши аниқланган ҳамда тўлиқ омилли тажрибалар асосида адекват регрессион математик модели олинган.
IV. Тадқиқот натижаларининг жорий қилиниши. Табиий ипак ипларини тўқишга тайёрлаш ресурстежамкор технологиясини яратиш ҳисобига олинган илмий натижалар асосида:
тўқув ипини тандалаш жараёнидан аввал шакллантириш асосида яратилган табиий ипак танда ипларини тўқишга тайёрлаш такомиллаштирилган технологияси янги технологик тизим ва параметрлар шаклида «Ўзбекипаксаноат» уюшмаси тасарруфидаги Марғилон шахридаги «Шарқ ипаги дурдонаси» маъсулияти чекланган жамиятининг ипларни тўқишга тайёрлаш цехида (2 та қўшиб-эшув ва 1 та пилталаб тандалаш машинасида) жорий этилган («Ўзбекипаксаноат» уюшмасининг 2022 йил 2 мартдаги № 1-1/356 сонли маълумотномаси). Натижада тандалаш жараёнида ипларнинг узулиши 26 % га, хомашё чиқиндилари 24,9 % га камайишига, тандалаш машинаси унумдорлиги 4,18 мартага ошишига эришилган.