Samadov Alibek O‘ktamovichning
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «Ishemik insul`tning o‘tkir davrida neyroprotektiv terapiyani optimallashtirish», 14.00.13 – Nevrologiya  (tibbiyot fanlari).
Dissertatsiya mavzusi ro‘yxatga olingan raqam: B2021.3.PhD/Tib.2114.
Ilmiy rahbar: Qodirova Dildora Haydarovna, tibbiyot fanlari doktori (DSc), dotsent.
Dissertatsiya bajarilgan muassasa nomi: Buxoro davlat tibbiyot instituti.
IK faoliyat ko‘rsatayotgan muassasa nomi, IK raqami: Buxoro davlat tibbiyot instituti, PhD.04/13.05.2020.Tib.93.02.
Rasmiy opponentlar: Majidova Yoqutxon Nabievna, tibbiyot fanlari  doktori, professor; O‘rinov Muso Boltaevich, tibbiyot fanlari  doktori, dotsent.
Yetakchi tashkilot: Stavropol` davlat  tibbiyot universiteti.
Dissertatsiyaning yo‘nalishi: amaliy ahamiyatga molik.
II. Tadqiqotning maqsadi: ishemik insul`tning o‘tkir davrini kompleks davolashda   nootrop va antioksidant prepapratlarini  samaradorligini aniqlashdan iborat.
III. Tadqiqotning ilmiy yangiligi:
nootrop va antioksidant preparatlarning kompleksi bilan davolash fonida ishemik insul`t bilan og‘rigan bemorlarda nevrologik tanqislikning og‘irlik darajasi va ifodalanganligining dinamikasi afzalligi asoslangan;
nootrop va antioksidant preparatlar kombinatsiyasi va standart davolash  fonida yallig‘lanish jarayonlari ko‘rsatkichlarini (S-reaktiv oqsil va interleykin-6 darajalari) tekshirish asoslangan;
bosh miya qon tomirlaridagi qon oqimi xamda ishemik insul`tni davolashda foydalaniladigan nootrop va antioksidant preparatlar kombinatsiyasini  davolovchi ta’sirining xususiyatlari isbotlangan;
kombinatsiyalangan neyroprotektiv va standart davo olib borishda ishemik insul`t o‘tkir davrining so‘ngida bemorlar funksional tiklanish darajasi aniqlangan.
IV. Tadqiqot natijalarining joriy qilinishi.
Ishemik insul`tning dastlabki kunlarida, yallig‘lanish jarayonining faolligini aks ettiruvchi marker sifatida, qon zardobida IL-6 va SRO ni tekshirish maqsadga muvofiqligi va ishemik insul`tni davolash jarayonida qo‘llanilayotgan nootrop va antioksidant preparatlarini birgalikda qo‘llashning samaradorligi bo‘yicha olingan ilmiy natijalar asosida;
 ishemik insul`tni tashxislash va davolashni takomilashtirish bo‘yicha olingan ilmiy natijalar asosida ishemik insul`tning o‘tkir davrida kompleks kombinatsiyalangan neyroprotektiv (nootrop va antioksidant) terapiyani o‘tkazishga imkon beradigan «Ishemik insul`tning o‘tkir davrida  vertebrobazilyar xavzada neyroprotektiv terapiyani optimallashtirish» nomli uslubiy tavsiyanoma tasdiqlangan (Sog‘liqni saqlash vazirligining 2021 yil 26 oktyabrdagi 8n-d/381-son ma’lumotnomasi). Tadqiqot natijasi tashxisotni takomillashtirish, davolash muddatini qisqartirish va insul`t  asoratlarining oldini olishga imkon bergan;
tadqiqot natijalari Toshkent tibbiyot akademiyasining ko‘p tarmoqli markazi nevrologiya bo‘limi, Samarqand davlat tibbiyot institutining 1- klinikasi, Buxoro viloyat ko‘p tarmoqli tibbiyot markazi nevrologiya bo‘limi, Buxoro shahar ko‘p tarmoqli markazi nevrologiya bo‘limi  amaliyotiga joriy etildi (Sog‘liqni saqlash vazirligining 2021 yil 26 oktyabrdagi 8n-z/381-son ma’lumotnomasi). Olingan natijalarning amaliyotga joriy qilinishi ishemik insul`t o‘tkir davrini erta tashxislash va davolash muddatlarini qisqartirish, profilaktik yordam sifatini oshirish, mazkur kasallikni davolashda kombinatsiyalangan davodan (nootrop, antioksidant) foydalanishni yo‘lga qo‘yish hamda kasallik asoratlarining oldini olish imkonini bergan.