Inoyatxodjaev Jamshid Shuxratullaevichning

fan doktori (DSc) dissertatsiyasi himoyasi haqida e’lon

I. Umumiy ma’lumotlar.

Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «Neyron tarmoqlari orqali dvigatelni avtomobil` mexatron tizimi bilan integratsiya qilish usullarini ishlab chiqish», 05.08.06–G‘ildirakli va gusenisali mashinalar va ularni ishlatish (texnika fanlari).

Dissertatsiya mavzusi ro‘yxatga olingan raqam: B2017.1.DSc/T61.

Ilmiy maslahatchi: Shermuxamedov Abdulaziz Adilxakovich, texnika fanlari doktori, professor.

Dissertatsiya bajarilgan muassasa nomi: Toshkent avtomobil` yo‘llarini loyihalash, qurish va ekspluatatsiyasi instituti.

IK faoliyat ko‘rsatayotgan muassasa (muassasalar) nomi, IK raqami: Toshkent avtomobil` yo‘llarini loyihalash, qurish va ekspluatatsiyasi instituti, Toshkent shahridagi Turin politexnika universiteti, DSc.27.06.2017.T.09.01.

Rasmiy opponentlar: Muxitdinov Akmal Anvarovich, texnika fanlari doktori, professor; Aripdjanov Madamin Magrupovich, texnika fanlari doktori, professor; Mario Lavella, fan doktori, professor (Italiya).

Yetakchi tashkilot: Toshkent davlat texnika universiteti.

Dissertatsiya yo‘nalishi: nazariy va amaliy ahamiyatga molik.

II. Tadqiqotning maqsadi: neyron tarmoqlari orqali dvigatelni avtomobil` mexatron tizimi bilan integratsiya qilish uslublarini ishlab chiqishdan iborat.

III. Tadqiqotning ilmiy yangiligi:

dvigatelni avtomobil` mexatron tizimiga neyron aloqalar arxitekturasiga asoslangan boshqaruv tizimi orqali integratsiya qilish uslubi ishlab chiqilgan;

dvigatelni boshqaruv tizimi ma’lumotlari tahlili va boshqaruvchi organlariga etkazib berishning uslubi (neyron aloqalarning disspersiyasi) yaratilgan va uning unumdorligi asoslangan;

uchinchi avlod – yig‘ma ma’lumotlarni tahlillash va optimal rejimlarni tanlash turli avtomobil` sinflari uchun mexatronika tizimiga ega boshqaruv algoritmi yaratilgan;

o‘t oldirish tizimi uchun mexatron adaptor modeli ishlab chiqilgan;

neyron tarmoqlari orqali dvigatelni boshqaruv modeli ishlab chiqilgan;

boshqaruv tizimidagi neyron aloqalarni integratsiya so‘rovlariga asosan tanlash usullari ishlab chiqilgan.

IV. Tadqiqot natijalarining joriy qilinishi:

Dvigatelni avtomobil` mexatron tizimiga neyron aloqalar arxitekturasiga asoslangan boshqaruv tizimi orqali integratsiya qilish uslubi natijalari asosida:

dvigatelni boshqaruv tizimi ma’lumotlari tahlili va boshqaruvchi organlariga etkazib berish uslubi “Djeneral Motors Pauertreyn Uzbekistan” AJga joriy etilgan (“O‘zavtosanoat” kompaniyasining 2017 yil 14 avgustdagi 45/04-25-2688-son ma’lumotnomasi; texnologik jarayon texnik sharti (Ts 22596387-01:2015)). Natijada ishlab chiqarish samaradorligini 9% oshirish, tajriba va mashinalarning zavod sinovlarini o‘tkazish xarajatlarini 6,5% kamaytirish, ishlab chiqarishda mehnat  unumdorligini 11% oshirish imkonini bergan;

o‘t oldirish tizimi uchun ishlab chiqilgan mexatron adaptor modeli va uning parametrlarini asoslash uslubi “Djeneral Motors Pauertreyn Uzbekistan” AJga joriy etilgan (“O‘zavtosanoat” kompaniyasining 2017 yil 14 avgustdagi 45/04-25-2688-son ma’lumotnomasi). Ilmiy tadqiqot natijasida o‘t oldirish tizimi uchun ishlab chiqilgan mexatron adaptor modeli dvigatellarni sinash jarayonini takomillashtirish imkonini bergan;

yig‘ma ma’lumotlarni tahlillash va optimal rejimlarni tanlash uslubi “O‘zavtosanoat” kompaniyasining korxonalariga, jumladan “Djeneral Motors Pauertreyn Uzbekistan” AJ va “UzKoji” QKga joriy etilgan (“O‘zavtosanoat” kompaniyasining 2017 yil 14 avgustdagi 45/04-25-2688-son ma’lumotnomasi). Ishlab chiqilgan yig‘ma ma’lumotlarni tahlillash va optimal rejimlari turli avtomobil` sinflari uchun mexatronika tizimli J200 avtomobili va L2C BDOHC 1,5 dvigatelini tajriba-konstruktorlik va zavod sinovlarini o‘tkazish jarayonida qo‘llanildi. Ilmiy tadqiqot natijasida ishlab chiqarish jarayonida 48,4 kVt energiyani va 6400 litr yoqilg‘i xarajatlarini qisqartirish, ishlab chiqarishda mehnat sarf-xarajatlarini 800 odam∙soatga kamaytirish imkonini bergan.