Джураев Жамолбек Абдукахаровичнинг фан доктори (DSc) диссертацияси ҳимояси ҳақида эълон
 
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Полипоз риносинуситларнинг ривожланишида клиник-генетик омилларнинг аҳамияти ва даволаш самарадорлигини ошириш», 14.00.04–Оториноларингология (тиббиёт фанлари).
Диссертация мавзуси рўйхатга олинган рақам: В2020.2.DSc/Tib408.
Илмий раҳбар: Хасанов Улуғбек Саидакрамович, тиббиёт фанлари доктори, профессор.
Диссертация бажарилган муассаса номи: Тошкент тиббиёт академияси.
ИК фаолият кўрсатаётган муассаса номи, ИК рақами: Тошкент давлат стоматология институти, DSc.04/30.12.2019.Tib.59.01.
Расмий оппонентлар: Гусеунов Назим Мамед оглы, тиббиёт фанлари доктори, профессор (Озарбайжон); Шамсиев Джахонгир Фазлитдинович, тиббиёт фанлари доктори, профессор, Гильдиева Маргарита Собировна, биология фанлари доктори, профессор.
Етакчи ташкилот: Сеул Миллий Университети (Корея).
Диссертация йўналиши: амалий аҳамиятга молик.
II. Тадқиқотнинг мақсади: генетик омилларнинг сурункали полипоз риносинуситнинг кечиши ва ривожланишига таъсирини ўрганиш, сурункали полипозли риносинуситли беморларни даволашнинг самарали схемасини ишлаб чиқишдан иборат.
III. Тадқиқотнинг илмий янгилиги: 
илк бор сурункали полипоз риносинуситнинг турли морфологик шаклларининг риноэндоскопик кўринишлари билан мос келиши исботланган; 
сурункали полипоз риносинуситни юзага келтириш ва клиник кечишини ривожлантириш хавфига генетик мойилликда IL4 гени rs1143634 полиморфизми ҳамда TLR2 генининг 753Gln салбий аллел вариантларининг сезиларли ҳиссаси исботланган; 
илк бор сурункали полипоз риносинуситнинг шиллиқ, аллергик, яллиғланишли гистологик турларида IL4 ва TLR2 генларининг нохуш аллелларининг учраши аниқланган;
сурункали полипоз риносинусит ривожланишида IL12В генидаги rs1143634 ва IL10 генидаги rs1143634 салбий генотип вариантларининг мустақил равишда қўшган ҳиссаси аҳамиятсиз эканлиги аниқланган;
илк бор сурункали полипоз риносинуситларни даволаш ва ташхислаш усулларини ўтказишда IL4 rs1143634 ва TLR2 753Gln генетик омилларининг аҳамияти аниқланган;
илк бор сурункали полипоз риносинуситнинг IL4 rs1143634 ва TLR2 753Gln генларининг ташувчиларида ушбу касалликнинг қайталанишининг мойиллиги аниқланган.
IV. Тадқиқот натижаларининг жорий қилиниши.
Полипоз риносинуситларнинг ривожланишида клиник-генетик омилларнинг аҳамияти ва даволаш самарадорлигини ошириш бўйича олинган илмий натижалар асосида:
сурункали ринсинуситлар (полипоз)нинг гистологик турларини ташхислаш самарадорлигини ошириш бўйича тадқиқотнинг илмий натижалари асосида ишлаб чиқилган «Сурункали полипоз риносинуситнинг морфологик кўрсаткичларининг хусусиятлари» номли услубий тавсиянома тасдиқланган (Соғлиқни сақлаш вазирлигининг 2021 йил 12 январдаги 8н-р/15-сон маълумотномаси). Мазкур услубий тавсияномада сурункали риносинусит (кистоз) билан хасталанган беморларда касалликни ташхислаш, беморларни  кузатиш орқали беморларнинг хасталик туфайли асоратларини олдини олиш имконини берган;
сурункали ринсинуситлар (кистоз)нинг гистологик турларини ташхислаш самарадорлигини ошириш бўйича тадқиқотнинг илмий натижалари асосида ишлаб чиқилган «Юқори жағ бўшлиғи кисталарининг морфологик хусусиятлари» номли услубий тавсияномаси тасдиқланган (Соғлиқни сақлаш вазирлигининг 2021 йил 12 январдаги 8н-р/16-сон маълумотномаси). Мазкур услубий тавсиянома сурункали риносинусит (кистоз) билан хасталанган беморларда касалликни эрта ташхислаш, беморларни кузатиш орқали беморларнинг хасталик туфайли асоратларни олдини олиш имконини берган;
сурункали полипоз риносинуситни ривожланишига таъсир этувчи IL4, IL12b, IL10 ва TLR2 генларида ўтказилган молекуляр-генетик усуллари бўйича тадқиқотнинг илмий натижалари асосида ишлаб чиқилган «Сурункали полипоз риносинуситларни ривожланишида генетик омилларнинг аҳамияти» номли услубий тавсиянома тасдиқланган (Соғлиқни сақлаш вазирлигининг 2021 йил 12 январдаги 8н-р/17-сон маълумотномаси). Мазкур услубий тавсиянома генетик изланишларда генотипик нохуш аллелларни инобатга олган ҳолда сурункали полипоз риносинуситларни ривожланиши ва кечишида генетик омилларнинг ролини аниқлаш, даволаш, кайталанишини олдини олиш ва прогнозлашда ушбу таҳлил самарадорлигини ошириш имконини берган; 
сурункали полипоз риносинуситларни ташхислаш, даволаш ва прогнозлаш бўйича олинган илмий натижалар такомиллаштиришга қаратилган тадқиқот натижалари соғлиқни сақлаш амалиётига, жумладан, Тошкент тиббиёт академияси кўп тармоқли шифохонаси оторинолорингология бўлими, Республика патологик анатомия маркази ва ProfMedService шифохонаси, InViVo шифохонаси, Республика патолого-анатомик марказ, Гематология ва кон куйиш илмий-амалий марказига клиник амалиётига жорий қилинган (Соғлиқни сақлаш вазирлигининг 2021 йил 29 январдаги 8н-д/46–сон маълумотномаси). Олинган тадқиқот натижаларининг амалиётга жорий қилиниши сурункали полипоз риносинусит билан хастланган беморларда даволаш самарадорлигини ошириш, беморларнинг умр кўриш даврийлигини узайтириш, даволаш профилактик ёрдам сифатини ошириш, беморларнинг ҳаёт сифатини 29%га яхшилаш, ижобий даволаш самарадорлигини ошириш ва прогнозлаш хамда шу оркали ушбу хасталикни кайталанишини камайтириш имконини берган.