Гадаева Нилуфар Абдиғаффаровнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Сурункали юрак етишмовчилигида COVID-19 ўтказган беморлар буйраклари функционал захираси ҳамда интерлейкин-6 ва гемодинамика кўрсаткичларини баҳолаш», 14.00.25 – Клиник лаборатория ва функционал диагностика (тиббиёт фанлари).
Диссертация мавзуси рўйхатга олинган рақам: В2021.1.PhD/Tib1743.
Илмий раҳбар: Арипов Абдумалик Нигматович, тиббиёт фанлари доктори, профессор.
Диссертация бажарилган муассаса номи: Тошкент тиббиёт академияси.
ИК фаолият кўрсатаётган муассаса (муассасалар) номи, ИК рақами: Тошкент тиббиёт академияси, DSc 04/30.12.2019.Tib 30.02 ракамли илмий кенгаш асосидаги бир марталик илмий кенгаш. 
Расмий оппонентлар: Гафарова Феруза Муратходжаевна, тиббиёт фанлари доктори; Усмонова Дурдона Джурабаевна, тиббиёт фанлари доктори. 
Етакчи ташкилот: Республика ихтисослаштирилган нефрология ва буйрак трансплантацияси илмий-амалий тиббиёт маркази.
Диссертация йўналиши: амалий аҳамиятга молик.
II. Тадқиқотнинг мақсади: Сурункали юрак етишмовчилиги негизида COVID-19 ўтказган беморлар буйраклар захираси, унинг гемодинамик кўрсаткичлари, интерлейкин-6 ва уларга натрий-глюкоза ко-транспортери 2 тип селектив ингибитори дапаглифлозин - форсиганинг таъсирини баҳолашдан иборат.
III. Тадқиқотнинг илмий янгилиги:
СЮЕ негизида COVID-19 ўтказган беморлар юрак ичи ва буйраклар гемодинамикаси орасидаги боғлиқ ҳамда уларга натрий-глюкоза ко-транспортери 2 тип селектив ингибитори дапаглифлозин - форсигани ижобий таъсири аниқланган;
илк бор СЮЕ негизида COVID-19 ўтказган беморларнинг буйрак функционал захирасига  натрий-глюкоза ко-транспортери 2 тип селектив ингибитори дапаглифлозин - форсиганинг ижобий таъсири аниқланган;
натрий-глюкоза ко-транспортери 2 тип селектив ингибитори дапаглифлозин - форсигани СЮЕ негизида COVID-19 ўтказган беморлар ҳаёт сифати, клиник ҳолати ва жисмоний юкламаларга чидамлигига ижобий таъсири исботланган;
қон зардобидаги интерлейкин-6 кўрсаткичларини барқарорловчи таъсири кўрсатилган.
IV. Тадқиқот натижаларининг жорий қилиниши. 
Сурункали юрак етишмовчилигида COVID-19 ўтказган беморлар буйраклари функционал захираси ҳамда интерлейкин-6 ва гемодинамика кўрсаткичларини баҳолаш  бўйича олиб борилган илмий тадқиқот натижалари асосида:
сурункали юрак етишмовчилиги негизида COVID-19 ўтказган беморлар юрак ва буйраклар гемодинамикасини баҳолаш бўйича олинган илмий натижалар асосида ишлаб чиқилган «Сурункали юрак етишмовчилиги негизида COVID-19 ўтказган беморлар юрак ва буйраклар гемодинамикасидаги параллел ўзгаришлар» услубий тавсияномаси тасдиқланган (Соғлиқни сақлаш вазирлигининг 2021 йил 28 октябрдаги 8н-з/386-сон маълумотномаси). Мазкур услубий тавсияномада СЮЕ негизида COVID-19 ўтказган беморлар юраги ва буйракларида кузатиладиган гемодинамик ўзгаришлар ўзаро боғлиқликда баҳоланган ҳамда натрий-глюкоза ко-транспортери 2 тип селектив ингибитори дапаглифлозин - форсига ёрдамида самарали даволаш имконини берган;
СЮЕ COVID-19 ўтказган беморлар буйраклари функционал захираси ҳамда интерлейкин-6 ва гемодинамика кўрсаткичларини баҳолаш бўйича олинган тадқиқот натижалари Тошкент тиббиёт академияси кўп тармоқли клиникаси кардиология ва кардиореабилитация бўлимларида, Самарқанд вилояти кўп тармоқли шифохонаси функционал диагностика бўлимида соғлиқни сақлаш амалиётларига жорий этилган (Соғлиқни сақлаш вазирлигининг 2021 йил 19 ноябрдаги 08-09/17920-сон маълумотномаси). Тадбиқ қилинган натижалар касаллик кечиши эҳтимоллигини аниқлаш, беморларни шифохонада даволаниш кунларини қисқаришига ва уларнинг ҳаёт сифатини яхшиланишига имкон яратган.