Бектемирова Норбуви Тухтаевнанинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Офтальмология жарроҳлигида гериатрик беморларда оғриқсизлантириш хусусиятлари»; 14.00.08–Офтальмология ва 14.00.37–Анестезиология ва реаниматология.
Диссертация мавзуси рўйхатга олинган рақам: B2020.2. PhD/Tib1379.
Илмий раҳбарлар: Билалов Эркин Нозимович, тиббиёт фанлари доктори, профессор; Аваков Вячеслав Ервандович, тиббиёт фанлари доктори, профессор.
Диссертация бажарилган муассаса номи: Тошкент тиббиёт академияси.
ИК фаолият кўрсатаётган муассаса (муассасалар) номи, ИК рақами: Республика ихтисослаштирилган кўз микрохирургияси илмий-амалий тиббиёт маркази, DSc.04/30.01.2020.Tib.105.01.
Расмий оппонентлар: Бузруков Ботир Тулқинович, тиббиёт фанлари доктори, доцент; Акмалов Аброр Саидахмадович, тиббиёт фанлари доктори доцент (Саудия).
Етакчи ташкилот: «Ахмад Ясавий номидаги Қозоқ-Турк халқаро Университети»  (Қозоғистон Республикаси).
Диссертация йўналиши: амалий аҳамиятга молик.
II. Тадқиқотнинг мақсади: кўзнинг офталмотонуси, марказий ва микрогемодинамикаси кўрсаткичларини, шунингдек аналгезиянинг давомийлиги ва чуқурлигини кузатиш асосида катарактали гериатрик беморларда жарроҳлик пайтида оғриқсизлантиришнинг оптимал вариантини танлашдан иборат.
III. Тадқиқотнинг илмий янгилиги:
Илк бор умумий ва маҳллий оғриқсизлантиришнинг турли вариантлари шароитида ортирилган катаракта сабабли жарроҳлик амалиёти ўтказилган гериатрик беморларда кўз микрогемодинамикаси, офтальмотонус, гемостаз, периферик ва марказий гемодинамика холатини мажмуавий текшириш ўтказилди;
Илк бор ўрганилган кўрсаткичларга оғриқсизлантиришни бошланиш тезлиги, давомийлиги ва чуқурлиги, асоратлар сони, самарадорлиги ва уларнинг ҳавфсизлигига умумий ва маҳаллий оғриқсизлантиришнинг таъсирини қиёсий тавсифи ўтказилди;
гериатрик беморларда ўтказувчи анестезия учун катаракта сабабли жарроҳлик амалиётларида 0,5% ли бупивакаинни қўллаш мақсадга мувофиқ, у кўз олмасида чуқур ва давомли (120-180 дақиқа) анестезияни хамда моплегияни юзага келтириши исботланган;
артериал гипертония ва ЮИК бор катарактали гериатрик беморларда кўз жарроҳлиги пайтида пропофол кичик дозаларда фентанил билан биргаликда ишлатилганда офталмотонус, тизимли ва марказий гемодинамиканинг энг яхши кўрсаткичлари олинганлиги исботланган.
IV. Тадқиқот натижаларининг жорий қилиниши.
Офтальмология жарроҳлигида гериатрик беморларда оғриқсизлантириш хусусиятлари бўйича олинган илмий натижалар асосида:
офтальможарроҳликда оғриқсизлантириш усуллари бўйича илмий тадқиқотнинг натижалари асосида ишлаб чиқилган «Офтальможарроҳликда оғриқсизлантириш усуллари ва ўзига хосликлари» номли услубий тавсиянома ишлаб чиқилди ва соғлиқни сақлаш амалиётига жорий этилди (Соғлиқни сақлаш вазирлигининг 2020 йил 22 декабридаги 8н-р/635 сон маълумотномаси). Ушбу услубий тавсияномада ишлаб чиқилган оғриқсизлантириш усули батафсил баён этиш имконини берган; 
офтальмологик жарроҳлик амалиётларида оғриқсизлантириш бўйича илмий тадқиқотнинг натижалари асосида ишлаб чиқилган «Офтальмологик жарроҳлик амалиётларида оғриқсизлантириш тактикаси» мавзусидаги услубий тавсиянома ишлаб чиқилди ва соғлиқни сақлаш амалиётига жорий этилди. (Соғлиқни сақлаш вазирлигининг 2020 йил 22 декабридаги 8н–р/636-сон маълумотномаси). Мазкур тавсиянома энди иш бошлаган мутахассисларга билимларни кенгайтиришга, катаракта сабабли жарроҳлик амалиётларида оғриқсизлантиришнинг ўзига хосликлари, офтальмологик жарроҳлик амалиётларида анестезиологик таъминотнинг махсус вазифаларини қўйишга имкон берган. 
2020 йил 7 августда №002349 рақами остида Халқаро интелектуал мулк агентлигидан «Офтальмология жарроҳлигида гериатрик беморларда оғриқсизлантириш хусусиятлари» мавзусида муаллифлик гувоҳномаси олинди. Офтальмология жарроҳлигида гериатрик беморларда оғриқсизлантиришни ўзига хосликлари бўйича илмий тадқиқотларда олинган натижалар амалий соғлиқни сақлашга, жумладан Тошкент тиббиёт академиясининг кўп тармоқли клиникаси офтальмология бўлими, Самарқанд Давлат тиббиёт институти 1-клиникаси ва Фарғона вилояти кўз касалликлар шифохонаси фаолиятига жорий этилди (Соғлиқни сақлаш вазирлигининг 2021 йил 12 октябрдаги 8н–з/349 сонли хулосаси). Олинган натижаларни амалиётга жорий этилиши юқори анестезиологик ҳавфли гериатрик беморларда катаракта сабабли ўтказилган жарроҳлик амалиётларида оғриқсизлантиришни ҳавфсизлигини таъминлаш ва самарадорлигини ошириш имкониятини беради.