Radjibaev Dilshod Patidinovichning
falsafa doktori (PhD) dissertatsiya himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i): «Neftegazokondensat aralashmalarini rektifikatsiyalash jarayonining issiqlik samaradorligini oshirish», 02.00.08 - Neft` va gaz kimyosi va texnologiyasi (texnika fanlari).
Dissertatsiya mavzusi ro‘yxatga olingan raqam: B2020.4.PhD/T163.
Ilmiy rahbar: Xudayberdiev Absalom Abdurasulovich, texnika fanlari doktori, katta ilmiy xodim.
Dissertatsiya bajarilgan muassasa nomi: Umumiy va noorganik kimyo instituti.
IK faoliyat ko‘rsatayotgan muassasa (muassasalar) nomi, IK raqami: Toshkent kimyo-texnologiya instituti, DSc.03/30.12.2019.T.04.01.
Rasmiy opponentlar: Fozilov Sadriddin Fayzullaevich, texnika fanlari doktori, professor; Raxmonov Toyir Zoyirovich, texnika fanlari doktori.
Yetakchi tashkilot: «O’ZLITINEFTEGAZ» AJ.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi: neftni birlamchi haydash uskunasida neftegazo-kondensat aralashmasini rektifikatsiyalash jarayonining issiqlik samaradorligini oshirishdan iborat.
III. Tadqiqotning ilmiy yangiligi:
neft` va uning fraksiyalari distillyatlari haroratlarini rektifikatsiya kolonnasi balandligi bo‘ylab taqsimlanish qonuniyatlari aniqlangan;
xomashyo tarkibi, harorati va sarfini hamda flegma sarfi va haroratini neftegazokondensat aralashmasini rektifikatsiyalash jarayonining issiqlik samaradorligiga ta’siri isbotlangan; 
distillyat fraksiyalarini ajratish samaradorligini oshirish imkonini beruvchi flegma sonining optimal qiymatlari aniqlangan;
neftegazokondensat aralashmasini uglevodorod bug‘lari bilan haydash jarayonining ratsional texnologik va gidrodinamik rejimlari aniqlangan;
neftni birlamchi haydash uskunasining rektifikatsiya kolonnasi tubidagi klapanli tarelkani ag‘darma tipdagi tarelkaga almashtirish bilan neftegazo-kondensat aralashmasini rektifikatsiyalash jarayoni takomillashtirilgan.
IV. Tadqiqot natijalarining joriy qilinishi:
Neftegazokondensat aralashmalarini rektifikatsiyalash jarayonining issiqlik samaradorligini oshirish bo‘yicha olingan ilmiy natijalar asosida:
neftni birlamchi haydash uskunasida neftegazo-kondensat aralashmasini rektifikatsiyalash jarayonining issiqlik samaradorligini oshirish texnologiyasi «Buxoro NQIZ» MChJning «amaliyotga joriy etish bo‘yicha istiqbolli ishlanmalar ro‘yxati»ga kiritilgan («O‘zbekneftegaz» AJning 2021 yilni 9 sentyabridagi 03-17-5/132-son ma’lumotnomasi). Natijada, rektifikatsiya kolonnasining issiqlik samaradorligini 20÷30 foizga oshirish (3952 kVt), harorat rejimini ratsional chegaralarda rostlash va ishlab chiqarilayotgan neft mahsulotlari tannarxini pasaytirish imkonini bergan;
rektifikatsiya kolonnasining tub qismiga ag‘darma tipdagi tarelka o‘rnatish bilan takomillashgan neftegazokondensat aralashmasini haydash texnologiyasi «O‘zbekkimyomash zavodi» AJning «amaliyotga joriy etish bo‘yicha istiqbolli ishlanmalar ro‘yxati»ga kiritilgan («O‘zbekneftegaz» AJning 2021 yilni 9 sentyabridagi 03-17-5/132-son ma’lumotnomasi). Natijada, mahalliy uglevodorod xomashyolarini fraksiyalarga ajratuvchi tarelkali rektifikatsiya kolonnasining yangi samarali konstruksiyalarini loyihalash, su’niy bosim oshish jarayonini oldini olish va suvsizlantirilgan neft mahsulotlari ishlab chiqarish imkonini bergan.