Karimov Sardorbek Xojiboevichning
falsafa doktori (PhD) dissertatsiyasi himoyasi haqida e’lon
I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «Kollagen va fibroinning akril monomerlari bilan payvand sopolimerlanishi», 02.00.06–Yuqori molekulyar birikmalar (kimyo fanlari).
Dissertatsiya mavzusi ro‘yxatga olingan raqam: B2017.2.PhD/K29.
Ilmiy rahbar: Rafiqov Adxam Salimovich, kimyo fanlari doktori, professor.
Dissertatsiya bajarilgan muassasa nomi: Toshkent to‘qimachilik va engil sanoat instituti.
IK faoliyat ko‘rsatayotgan muassasalar nomi, IK raqami: Polimerlar kimyosi va fizikasi instituti, DSc.27.06.2017.FM/K/T.36.01.
Rasmiy opponentlar: Akbarov Hamdam Ikromovich, kimyo fanlari doktori, professor; Kudishkin Valentin Olegovich, kimyo fanlari doktori, professor.
Yetakchi tashkilot: Toshkent kimyo-texnologiya instituti.
Dissertatsiya yo‘nalishi: nazariy ahamiyatga molik.
II. Tadqiqotning maqsadi: akril monomerlarining oqsil makromolekulalari bilan payvand sopolimerlanish uslubi, kinetik parametrlari, sxemasini, sopolimerlarning fizik-kimyoviy, mexanik va amaliy xossalarini aniqlashdan iborat.
III. Tadqiqotning ilmiy yangiligi:
inisiatorning oqsil makromolekulasida peptid va aminoguruhlar bilan ta’sirlashuvi natijasida akril monomerlarining payvandlanish jarayonlari sxemasi ishlab chiqilgan;
kollagen va fibroinni akril monomerlari bilan payvand sopolimerlanish reaksiyalarining kinetik tartiblari va aktivlanish energiyasi odatdagi radikal polimerlanishdan farq qilishi aniqlangan;
payvandlanish darajasini, sopolimerlanish tezligi, sintez qilingan polimerlar va ular asosidagi materiallarning tuzilishi hamda fizik-kimyoviy xossalarini boshqarish parametrlari aniqlangan;
ishlov beruvchi moddalarni to‘qimachilik matosi molekulalariga payvandlanishi maxsus xossalarni yaxshilash omili ekanligi aniqlangan.
IV. Tadqiqot natijalarining joriy qilinishi:
Mahalliy xomashyolardan foydalangan holda funksional-faol monomerlarning tabiiy polimerlar bilan payvand sopolimerlanishi bo‘yicha olingan izlanishlarning ilmiy natijalari asosida:
to‘qimachilik materiallarini olovdan himoyalash uchun ishlov berish kompozisiyasiga O‘zbekiston Respublikasi Intellektual mulk agentligining ixtiroga patenti olingan (№ IAP 0523430, 2016). Natijada kompozisiyaning qo‘llanilishi materialning olovbardoshlik xossalarini oshirish imkonini beradi;
to‘qimachilik materiallarini olovdan himoyalash uchun ishlov berish kompozisiyasi «O‘zbekengilsanoat» AJ korxonasida amaliyotga joriy etilgan («O‘zbekengilsanoat» AJning 2017 yil 20 iyuldagi FJ-12-2281-son ma’lumotnomasi). Natijada olovga chidamli materialning tajriba-sanoat partiyasini olish imkonini bergan.
