Babadjanov  Oybek Abdujabbarovichning

falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.

Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «Rozatsea bilan og‘rigan bemorlarda klinik-mikrobiologik  parallellar va kompleks davolash usulini takomillashtirish», 14.00.11–Dermatologiya va venerologiya (tibbiyot fanlari).

Dissertatsiya mavzusi ro‘yxatga olingan raqam: V.2017.1.DSc.Tib64.

Ilmiy rahbar: Arifov Saidkasim Saydazimovich, tibbiyot fanlari doktori, professor.

Dissertatsiya bajarilgan muassasa nomi: Toshkent pediatriya tibbiyot instituti.

IK faoliyat ko‘rsatayotgan muassasa (muassasalar) nomi, IK raqami: Toshkent  pediatriya tibbiyot instituti, DSc.27.06.2017.Tib.29.01.

Rasmiy opponentlar: Sobirov Ulug‘bek Yusupxonovich, tibbiyot fanlari doktori; Porsonxanova Delya Fozilovna, tibbiyot fanlari doktori, professor.

Yetakchi tashkilot: Toshkent tibbiyot akademiyasi.

Dissertatsiya yo‘nalishi: amaliy ahamiyatga molik.

II. Tadqiqotning maqsadi: rozatseaning patogenezi va klinik kechishida mikrobiologik ko‘rsatkichlarning ahamiyati va davolash usullarini takomillashtirishdan iborat.

III. Tadqiqotning ilmiy yangiligi:

rozatsea kasalligi bilan xastalangan bemorlar  terisining yuz sohasida Demodex folliculorum (71,3%) va Staphylococcus aureus (41,6%) yuqori darajada qayd qilinishi va tilla rang stafilakokklarning eritromisinga yuqori suzuvchanligi aniqlangan;

rozatsea kasalligi bilan og‘rigan bemorlarning oshqozon ichak tizimida Helicobacter pylori 66,3% uchraganligi aniqlanib, u oshqozon va ichak kasalliklari bilan ko‘p assotsirlanganligi isbotlangan;

rozatsea kasalligining klinik kechishi og‘irligi Demodex folliculorum va Helicobacter pylori birgalikda ta’sir ko‘rsatilgan sharoitda kasallikning  og‘ir kechishi isbotlangan;

rozatsea bilan kasallangan bemorlarda aniqlangan xelikobakteriyali infeksiyalar va teri mikrofloralarini inobatga olib, klinik va mikrobiologik samaradorligi yuqori bo‘lgan kompleks davolash tizimi takomillashtirilgan.

IV. Tadqiqot natijalarining joriy qilinishi:

Rozatsea bilan og‘rigan bemorlarda klinik-mikrobiologik parallellar va kompleks davolash usulini takomillashtirish bo‘yicha olingan ilmiy natijalar asosida:

rozatseaning kelib chiqishi, klinik kechishini aniqlash va patogenetik davolash tizmini tatbiq qilish maqsadida «Rozovie ugri» uslubiy qo‘llanmasi tasdiqlangan (Sog‘liqni saqlash vazirligining 2017 yil 13 avgustdagi 8N-3/18-son ma’lumotnomasi). Mazkur uslubiy qo‘llanma rozatsea bilan xastalangan bemorlarni davolash maqsadida ishlab chiqilgan usul an’anaviy davolash usuliga nisbatan ijobiy klinik samarani 62% dan 84%gacha oshirgan;

rozatseaning takomillashtirilgan davolash usuli sog‘liqni saqlash amaliyotiga, jumladan Respublika ixtisoslashtirilgan dermatologiya va venerologiya ilmiy-amaliy tibbiyot markazi klinikasi, Toshkent shahar teri-tanosil kasalliklari dispanseri, Toshkent viloyati teri-tanosil kasalliklari dispanseri, Respublika teri-tanosil kasalliklari shifoxonasida joriy qilingan (Sog‘liqni saqlash vazirligining 2017 yil 13 avgustdagi 8N-3/18-son ma’lumotnomasi);

Olingan ilmiy natijalarning amaliyotga joriy qilinishi rozatsea bilan og‘rigan bemorlarda  tanlangan klinik-mikrobiologik parallellar va kompleks davolash usuli kasallikni davolashda foydalanilgan an’anaviy davolash usulga nisbatan 1,3 martaga yaxshilash, Helicobacter pylori infeksiyasini 100%, Demodex folliculorum kanasini 97,3% bemorlarda bartaraf etish va teri mikroflorasini me’yoriy darajasini ta’minlash imkonini bergan.