Aroev Dilshod Davronovichning falsafa doktori (PhD) dissertatsiyasi himoyasi haqida e’lon
 
I. Umumiy ma’lumotlar. 
Dissertatsiya mavzusi, ixtisoslik shifri (ilmiy daraja beriladigan fan tarmog‘i): «Harakati differensial-ayirmali tenglamalar sistemasi bilan ifodalanuvchi sanoat robotini maqbul boshqarish usuli», 05.01.02 – «Tizimli tahlil, boshqaruv va axborotni qayta ishlash» (texnika fanlari).
Dissertatsiya mavzusi ro‘yxatga olingan raqam: B2019.3.PhD/T1293.
Ilmiy rahbar: Onorboev Bahodirjon Ochilboevich, texnika fanlari doktori, professor.
Dissertatsiya bajarilgan muassasa nomi: Toshkent axborot texnologiyalari universiteti huzuridagi Axborot-kommunikatsiya texnologiyalari ilmiy-innovatsion markazi.
IK faoliyat ko‘rsatayotgan muassasa nomi, IK raqami: Toshkent axborot texnologiyalari universiteti, DSc.13/30.12.2019.T.07.01.
Rasmiy opponentlar: Muxamedieva Dilnoz Tulkinovna, texnika fanlari doktori, professor; Yakubjanova Dilfuza Kodirovna, texnika fanlari bo‘yicha falsafa doktori (PhD). 
Yetakchi tashkilot: Toshkent to‘qimachilik va engil sanoat texnologiyalari instituti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi harakati chiziqli differensial-ayirmali tenglamalar sistemasi bilan ifodalanuvchi kechikishga oid ob’ektlarni boshqarishda boshqaruv funksiyasi parametrlari sonini maqbullashtirish orqali sanoat robotlariga tatbiq qilish bilan uning ish unumdorligini oshirishning matematik modellarini ishlab chiqishdan iborat.
III. Tadqiqotning ilmiy yangiligi:
harakati chiziqli differensial-ayirmali tenglamalar sistemasi bilan ifodalanuvchi kechikishga oid ob’ektlarning koordinatali kechikish sinfiga tegishli ob’ektlarni boshqarishning maqbullashtirish modeli ishlab chiqilgan;
harakati chiziqli uzluksiz differensial-ayirmali tenglamalar sistemasi bilan ifodalanuvchi sanoat robotlari harakatini boshqarishni maqbullashtirish mumkinligi isbotlangan va mos boshqarish modeli ishlab chiqilgan;
avtonom boshqariluvchi tizimlar va ularning differensial-ayirmali holi uchun kuzatuvchanlik xossasi takomillashtirilgan;
sanoat robotlari harakatini ifodalovchi tenglamalar turlari bo‘yicha asimptotik turg‘unlikka tekshirishga doir tavsiyalar ishlab chiqilgan.
IV. Tadqiqot natijalarining joriy qilinishi. 
Sanoat roboti harakatini tadqiq etish maqsadida yaratilgan matematik modellar, algoritmlar va dasturiy majmualar asosida:
boshqaruv funksiyasinig parametrlari sonini maqbullashtirish modellari va algoritmlari «Qishloq xo‘jaligi mashinasozligi konstruktorlik-texnoligik markazi»  MChJda detallarga turli ishlov berishga mo‘ljallangan markaz bilan jihozlangan robotlashtirilgan texnologik majmuaga joriy etilgan (O‘zbekiston Respublikasi «O‘zagrosanoatxolding» AJning 2019 yil 13 noyabrdagi 04-10/1972-son ma’lumotnomasi). Natijada, robotlashtirilgan texnologik majmuada sanoat robotini boshqarish jarayonida kechikish holati va sanoat roboti fazoviy manipulyasiya operatsiyasini bajarishida robot erkli o‘zgaruvchilarining ortiqchaligi kuzatilgan. Boshqaruv funksiyasi parametrlari sonini maqbullashtirish orqali sanoat robotlariga tatbiq qilish ushlash qurilmasining tezligini 11.5 mm/s, tezlanishini esa 
5 mm/s2 ga oshirishga xizmat qilgan;
ishlab chiqilgan model va algoritmlar «Integral avtomatika servis» MChJda detallarga turli ishlov berishga mo‘ljallangan markaz bilan jihozlangan robotlashtirilgan texnologik majmuaga joriy etilgan (O‘zbekiston Respublikasi «O‘zagrosanoatxolding» AJning 2019 yil 13 noyabrdagi 04-10/1972-son ma’lumotnomasi). Natijada, robotlashtirilgan texnologik majmuada sanoat robotining 5-zvenosi va ushlash qurilmasining boshqaruv funksiyasi parametrlari sonini 2taga kamaytirish imkonini bergan hamda texnologik jarayonlarni boshqarishda material-energiya resurslar sarfini 10% kamaytirishga erishilgan.