Muranov Shaxriddin Abdullaevichning 
falsafa doktori (PhD) dissertatsiyasihimoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «So‘ndiruvchi ko‘paytuvchili tebranuvchan integrallarning baholari», 01.01.01 – Matematik analiz (fizika-matematika fanlari).
Dissertatsiya mavzusi ro‘yxatga olingan raqam: B2020.2.PhD/FM455.
Ilmiy rahbar: Ikromov Isroil Akramovich,fizika-matematika fanlari doktori, professor.
Dissertatsiya bajarilgan muassasa nomi: Samarqand davlat universiteti.
IK faoliyat ko‘rsatayotgan muassasalar nomi, IK raqami: Samarqand davlat universiteti, DSc.03/30.07.2020.FM.02.01.
Rasmiy opponentlar:Xalmuxammedov Alimjon Raximovich,fizika-matematika fanlari doktori, professor; Qarshiboev Xayrullo Qilichovich,fizika-matematika fanlari nomzodi.
Yetakchi tashkilot nomi: Urganch davlat universiteti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi uch o‘lchovli Evklid fazosida analitik sirtlar oilasining ma’lum bir sinflari va ixtiyoriy analitik sirtlar uchun so‘ndiruvchi ko‘paytuvchili  o‘lchovning  Fur`e almashtirish kamayish tartibining optimalligi haqidagi S.D. Soggi va I.M. Steyn masalasini echishdan iborat. 
III. Tadqiqotning ilmiy yangiligi:
uch o‘lchovli fazoda analitik sirtning har bir nuqtasida kamida bitta bosh egriligi noldan farqli bo‘lganda Soggi – Steyn masalasi echilgan;
Gauss egriligining darajasi uchun olingan bahoning aniqligi ko‘rsatilgan;
uch o‘lchovli fazoda kamida bitta bosh egriligi noldan farqli bo‘lgan analitik sirtlar oilasi uchun Soggi – Steyn masalasi echilgan;
uch o‘lchovli fazodagi ixtiyoriy analitik sirtlar uchun sirt o‘lchovi Fur`e almashtirishining kamayishi optimalligini kafolatlovchi ko‘rsatkich q≥3/2 topilgan;
maksimal operatorning chegaralanganlik ko‘rsatkichi va so‘ndiruvchi ko‘paytuvchili sirt o‘lchovi Fur`e almashtirishining kamayishi optimalligi o‘rtasidagi bog‘lanishni ko‘rsatuvchi misol keltirilgan.
IV. Tadqiqot natijalarining joriy qilinishi.
So‘ndiruvchi ko‘paytuvchili tebranuvchan integrallarning bahosiga oid ilmiy natijalar asosida:
so‘ndiruvchi ko‘paytuvchili tebranuvchan integrallarning bahosiga oid ilmiy natijalardan xorijiy tadqiqotchilar toomonidan(“Journal of Mathematecal Analysis and Applications”, Volume 473, Issue 2, 2019, p.1215-1233( IF=1.22)) ko‘p kompleks o‘zgaruvchili  ko‘phad funksiya bilan aniqlangan arifmetik dzeta funksiyani tadqiq qilishda foydalanilgan. Ilmiy natijaning qo‘llanilishi golomorf funksiya bilan aniqlangan dzeta funksiya meromorf davomining koordinatalar boshiga eng yaqin qutbini aniqlash imkonini bergan;
uch o‘lchovli Evklid fazosidagi analitik sirtlar oilasidagi sirtlar ustidagi so‘ndiruvchi ko‘paytuvchili o‘lchov Fur`e almashtirishi bahosidan xorijiy tadqiqotchilar toomonidan (“Sovremennaya matematika. Fundamental`nie napravleniya”. Rossiya 2018. Tom 64, vipusk 4. Str.650-681. № 3 (IF=0.25), “Annales Polonici Mathematici” 123 (2019),p. 473-479 (IF=0.9))maksimal operatorlarning chegaralanganlik ko‘rsatkichini topishda va o‘lchov Fur`e almashtirishining cheksizdagi xarakterini tekshirishda foydalanilgan. Ilmiy natijalarning qo‘llanilishi maksimal operatorni darajasi bilan integrallanuvchi funksiyalar fazosida baholash va Veyershtrass ko‘phadlari usuli orqali o‘lchov Fur`e almashtirishining xarakterini aniqlash imkonini bergan;
biror daraja bilan integrallanuvchi funksiyalar sinfida maksimal operator uchun olingan bahodan va jamlanuvchi funksiyalar fazosida maksimal operatorlarning chegaralanganlik xossalaridan № AR051131268 raqamli xorijiy ilmiy  loyihada giperbolik tenglamalar uchun Koshi masalasi echimini tekshirishda foydalanilgan (Xo‘ja Ahmad Yassaviy nomidagi xalqaro qozoq–turk universitetining (Qozog‘iston) 2020 yil 11 sentyabdagi ma’lumotnomasi.). Ilmiy natijaning qo‘llanishi giperbolik tenglamalar uchun Koshi masalasining echimi uchun aprior baho olish imkonini bergan.