Samatov Baxrom Tadjiaxmatovichning

doktorlik dissertatsiyasi  himoyasi haqida e’lon.

    I. Umumiy ma’lumotlar.

Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «Chiziqli, integral va turli xil chegaralanishli quvish-qochish masalalari», 01.01.02–Differensial tenglamalar va matematik fizika (fizika-matematika fanlari).

Talabgorning ilmiy va ilmiy-pedagogik faoliyat olib borishga layoqati bo‘yicha test sinovidan o‘tgani haqida ma’lumot: /fizika-matematika fanlari nomzodi/.

Dissertatsiya mavzusi ro‘yxatga olingan raqam: 18.11.2015/B2015.3-4.FM 228.

Dissertatsiya bajarilgan muassasa nomi: Namangan davlat universiteti.

IK faoliyat ko‘rsatayotgan muassasa nomi, IK raqami: O‘zbekiston Milliy universiteti xuzurudagi 16.07.2013.FM.01.01 raqamli ilmiy kengash.

Ilmiy maslahatchi: Azamov Abdulla Azamovich, fizika-matematika fanlari doktori, professor.

Rasmiy opponentlar:  Yugay Lev Pavlovich, fizika-matematika fanlari doktori, professor; Mo‘minov G‘ulomjon Madaminovich, fizika-matematika fanlari doktori; To‘xtasinov Mo‘minjon, fizika-matematika fanlari doktori.

Yetakchi tashkilot: Rossiya xalqlar do‘stligi universiteti.

Dissertatsiya yo‘nalishi: nazariy ahamiyatga molik.

    II.Tadqiqotning maqsadi: o‘yinchilar boshqaruviga integral, chiziqli va turli xil chegaralanishlar qo‘yilgan hollar uchun parallel quvish strategiyasining analoglarini qurish va quvish-qochish nazariyasi masalalarini echishga tadbiq etishdan iborat

    III. Tadqiqotning ilmiy yangiligi:

quvish masalasi uchun o‘yinchilar harakati inertsiyasiz bo‘lganda boshqaruvga geometrik yoki integral, yoki bir vaqtda ham geometrik, ham integral chegaralanishlar qo‘yilgan turli hollarda parallel quvish strategiyalari  qurilgan  va ularning muhim xossalari aniqlangan, qochuvchi uchun esa yaqinlashishning quyi chegaralari baholangan;

quvuvchining boshqaruviga geometrik va integral, qochuvchining boshqaruviga geometrik chegaralanish qo‘yilgan hol uchun al`ternativlik teoremasi isbotlangan va quvish-qochish masalasi  echilgan;

integral va geometrik chegaralanishlarni o‘zida umumlashtirgan yangi qo‘rinishdagi chegaralanish kiritilgan va uning uchun mutanosib ravishda parallel quvish strategiyalari qurilgan;

quvuvchining boshqaruviga  geometrik va integral chegaralanishlarni o‘zida birlashtiruvchi chiziqli chegaralanish, qochuvchining boshqaruviga esa geometrik chegaralanish qo‘yilganda al`ternativlik teoremasi isbotlangan va  quvish-qochish masalasi echilgan;

o‘yinchilar harakati chiziqli differensial tenglamalar asosida berilganda Ayzeks-Petrosyanning “qutilish chizig‘i” muammosi quvuvchi boshqaruvga geometrik, integral yoki kompleks chegaralanishlar qo‘yilgan hollari uchun  echilgan;

echim beruvchi funksiyalar usuli yordamida integral chegaralanishli  guruhli  quvish masalasi echilgan va  etarlilik shartlari aniqlangan;

L.S.Pontryaginning umumlashtirilgan misoli, hamda «^ι-tutish» masalasi, boshqaruvlarga integral chegaralanishlar qo‘yilgan hollarda guruhli tutish masalalari uchun  ishlab chiqilgan.

    IV. Tadqiqot natijalarining joriy qilinishi:

Dissertatsiya tadqiqoti jarayonida olingan ilmiy natijalar quyidagi yo‘nalishlarda amaliyotga joriy qilingan:

quvuvchi boshqaruviga kompleks (ya’ni bir vaqtda ham integral, ham  geometrik) chegaralanish, qochuvchi boshqaruviga esa  geometrik chegaralanish  qo‘yilgan holdagi quvish-qochish masalasini echish bo‘yicha olingan natijalar Rossiya fundamental tadqiqotlar fondining “Boshqaruv masalalarida optimal konstruksiya va aproksimatsiyalash” mavzusi bo‘yicha14-01-31319mol_a raqamli ilmiy grantida  chiziqli-qabariq masalalarni dinamik optimizatsiyalashda boshqaruvga integral va geometrik chegaralanish(kompleks), sistemaga aks ta’sir etuvchi funksiyaga esa geometrik chegaralanish qo‘yilgan holda resurslar taqsimotini berilishida tadbiq etilgan (Rossiya Fanlar akademiyasi Ural bo‘limining Matematika va mexanika institutining 2016 yil 12 maydagi ma’lumotnomasi). Ilmiy natijalarning qo‘llanishi chegaralanishli boshqaruv funksiyalari sinflari noterminal sifat ko‘rsatkichlarni hisoblashga xizmat qilgan;

ob’ektlar boshqaruvlariga integral chegaralanish qo‘yilgan holda guruhli  parallel quvish usuli  01-01-13-1228FR fundamental ilmiy loyihasida boshqaruvlar integral chegaralanishli hol uchun bir necha quvuvchi va bitta qochuvchi qatnashgan holda masalasini echishda qo‘llanilgan    (Malayziyaning Putra universitetining 2016 yil 12 fevraldagi ma’lumotnomasi). Ilmiy natijaning qo‘llanishi differensial o‘yinlar nazariyasining integral va turli chegaralanishli hollari uchun chiziqli differensial sistemalarda berilgan quvish-qochish masalalarini va boshqaruvlarga integral chegaralanish qo‘yilgan holda bir necha quvlovchi va bitta qochuvchi uchun sodda harakatli differensial o‘yinda qochish masalasini echishga xizmat qilgan;

boshqaruvlarga geometrik, integral yoki kompleks chegaralanishlar qo‘yilganda Ayzeksning “qutilishchizig‘i” muammosini echish usuli  01-01-00904-a «Cheklanmagan vaqtdagi  darajali differensial o‘yinlar» (RFTF, 2001-2003), 06-01-39005-GFEN_a «Ziddiyat va kooperatsiyaning matematik tahlili» (RFTF, 2006-2007), 09-01-00334-a «Ko‘p tarmoqli simsiz aloqalar optimizatsiyasi» (RFTF, 2009-2010)

fundamental ilmiy loyhalarda optimal strategiyalarni turli ko‘rinishlarini umumlashmalarini hosil qilishda tadbiq etilgan (Sankt-Peterburg davlat universitetining 31 may, 2016 yilgi ma’lumotnomasi). Ilmiy natijaning qo‘llanishi parallel yaqinlashish strategiyasi (P-strategiya) analoglarini ziddiyatli boshqaruv (dinamik o‘yinlar) masalalarini umumlashgan echimlarini topishga xizmat qilgan.