Sharipov Rasulbek Axmedovichning
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «m-subgarmonik fuksiyalarning maxsuslik to‘plamlari», 01.01.01–Matematika analiz (fizika-matematika fanlari).
Dissertatsiya mavzusi ro‘yxatga olingan raqam: B2019.2.PhD/FM332.
Ilmiy rahbar: Abdullaev Baxrom Ismoilovich, fizika-matematika fanlari doktori.
Dissertatsiya bajarilgan muassasa nomi: Urganch davlat universiteti.
IK faoliyat ko‘rsatayotgan muassasalar nomi, IK raqami: Urganch davlat universiteti, Qoraqalpoq davlat universiteti, PhD.28.12.2017.FM.55.01.
Rasmiy opponentlar: Xudayberganov Gulmirza, fizika-matematika fanlari doktori, professor; Qurbanov Buxarbay, fizika-matematika fanlari nomzodi.
Yetakchi tashkilot: Qarshi davlat universiteti.
Dissertatsiya yo‘nalishi: nazariy ahamiyatga molik.
II. Tadqiqotning maqsadi: m-subgarmonik, kuchli m-subgarmonik va α-subgarmonik funksiyalarning chetlatiladigan maxsusliklari to‘plamining geometrik tuzilishini tavsiflash, lokal α-polyar to‘plamining global α-polyar ekanligini isbotlash va α-subgarmonik funksiyalar sinfida Dirixle masalasini echishdan iborat.
III. Tadqiqotning ilmiy yangiligi:
α-subgarmonik funksiyalarning bir qator xossalari isbotlangan, α-subgarmonik funksiyaning boshqacha, yanada qulayroq ta’rifi berilgan;
lokal α-polyar to‘plamning global α-polyar ekanligi isbotlangan;
α-subgarmonik funksiyalar sinfida Dirixle masalasi echilgan;
L_loc ^P va L_loc ^l,P, sinflardan olingan m-subgarmonik funksiyalarning maxsusliklari to‘plami tuzilishi (n-s,q) - sig‘im terminida tavsiflangan;
α-polyar to‘plamlarning yuqoridan chegaralangan α-subgarmonik funksiyalar uchun chetlatilishi mumkin bo‘lgan maxsusliklari to‘plami ekani isbotlangan;
polyar to‘plam yuqoridan chegaralangan kuchli m-subgarmonik funksiyalar sinfi uchun chetlatiladigan maxsuslik to‘plami bo‘lishi isbotlangan.
IV. Tadqiqot natijalarining joriy qilinishi.
m-subgarmonik fuksiyalarning maxsuslik to‘plamlari bo‘yicha olingan ilmiy natijalar asosida:
m-subgarmonik funksiyalarning chetlatiladigan maxsusliklari  to‘plamlari haqidagi natijalar Tuluza universitetinig Matematika institutida nochiziqli potensiallar nazariyasining Keller geometriyasiga tatbig‘ida singulyar Keller fazolaridagi kanonik metrikalarni aniqlashda qo‘llanilgan (Tuluza universitetining 2019 yil 8 noyabrdagi ma’lumotnomasi). Ilmiy natijalarning qo‘llanilishi talab qilingan kanonik metrikalarning  mavjudligini isbotlash imkonini bergan;  
yuqoridan chegaralangan kuchli m-subgarmonik  funksiyalar sinfi uchun polyar to‘plamning chetlatiladigan maxsuslik to‘plami bo‘lishi haqidagi natija F4-FA-0-16928 raqamli  «Kompleks potensiallar nazariyasida plyuriregulyarlik xususiyatlari va modifisirlangan manbali differensial ayirmali tenglamalar» loyihasida chetlangan maxsuslik to‘plamlarini aniqlashda qo‘llanilgan (O‘zbekiston Respublikasi Fanlar akademiyasining 2019 yil 21 noyabrdagi xati). Ilmiy natijaning qo‘llanilishi kompleks fazolarda kompakt to‘plamlarning polyar qobiqlarini aniqlash imkonini bergan.