Xushvakova Nilyufar Jurakulovnaning

doktorlik dissertatsiyasi himoyasi haqida e’lon

    I. Umumiy ma’lumotlar.

Dissertatsiya mavzusi, ixtisoslik shifri: «Bolalarda irsiy nosindromal neyrosensor garanglikning klinik va molekulyar genetik jihatlari», 14.00.04–otorinolaringologiya (tibbiyot fanlari).

Talabgorning ilmiy va ilmiy-pedagogik faoliyat olib borishga layoqati bo‘yicha test sinovidan o‘tgani haqida ma’lumot: tibbiyot fanlar nomzodi.

Dissertatsiya mavzusi ro‘yxatga olingan raqam: 30.09.2014/B2014.5.Tib349

Ilmiy  maslahatchining F.I.Sh., ilmiy darajasi va unvoni: Xakimov Abdumalik Maxmudovich, tibbiyot fanlari doktori, professor.

Dissertatsiya bajarilgan muassasa nomi: Samarqand tibbiyot instituti.

IK faoliyat ko‘rsatayotgan muassasa (muassasalar) nomi, IK raqami: Toshkent tibbiyot akademiyasi, 16.07.2013.Tib.17.01

Rasmiy opponentlar F.I.Sh., ilmiy darajasi va unvoni: Byung Yoon Choy, tibbiyot fanlari doktori, professor; Kosyakov Sergey Yakovlevich, tibbiyot fanlari doktori, professor; Matkuliev Xaitboy Matkulievich, tibbiyot fanlari doktori, professor.

Yetakchi tashkilot nomi: Vena Tibbiyot Universiteti (Avstriya).

Dissertatsiya yo‘nalishi: amaliy ahamiyatga molik.

   II. Tadqiqotning maqsadi: bolalarda uchraydigan neyrosensor garanglik ning nosindromal turini Sx26 gen mutatsiyasi bilan bog‘liqligini asoslash va ushbu xastalikni davolash taktikasini optimallashtirishdan iborat

    III. Dissertatsiyaning ilmiy yangiligi:

bolalarda NNSGning klinik-genetik xususiyatlariga ko‘ra uchrash dara­jasi va bolalar kasalliklari tarkibida eshitishning pasayishiga olib keluvchi irsiy omillarning ta’siri aniqlangan;

bolalarda NNSG og‘irlashishida eshitish darajasi, xastalikning boshlanish davri va Sx26 geni mutatsiyalarining shikastlovchi spektrlarini o‘zaro bog‘liqligi asoslangan;

inbriding (qarindoshlar o‘rtasidagi nikoh) muhitida 35delG mutatsiyalari ning uchrash darajasi panmiks muhitdagi tegishli mutatsiyalarga qarshi ta’sir qilishi, og‘irlashmagan anamnezli oilalarni ajratishda inbriding mutatsiyaning yetakchi omili ekanligi isbotlangan;

nosindromal neyrosensor garanglikning genetik geterogenligini erta tashxislash va optimal davolash uchun alohida nozologik shakl sifatida guruhga ajratish kerakligi asoslangan.

    IV. Tadqiqot natijalarining joriy qilinishi:

Neyrosensor garanglikni erta tashxislash va davolash monitoringi hamda prognozi bo‘yicha ishlab chikilgan mezoni sog‘liqni saqlash amaliyotiga, jumladan, Samarqand davlat tibbiyot instituti klinikasi va Samarqand viloyat ko‘p tarmoqli bolalar tibbiyot markazida amaliyotga tatbiq qilingan (Sog‘liqni saqlash vazirligining 2016 yil 13 aprel`dagi 8N-3/54-son ma’lumotnomasi). NNSG bolalarni statsionarda bo‘lish muddati, dori-darmonlarga talabi, nogironlik nafaqasi to‘lovi va reabilitatsiya muddati qisqarishi bilan samara berdi. NNSGda 35delGning genetik mutatsiyasini aniqlanishi eshitishni samarali protezlash va koxlear implant (KI) uchun ko‘rsatma bo‘la oladi va reabilitatsiya ko‘rsatkichlarini yaxshilaydi.