Самсақова Ҳилола Баҳодировнанинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Пушта олишда органо-минерал ўғитларни соладиган аппаратнинг параметрларини ва иш режимларини асослаш” 05.07.01–Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш.
Диссертация мавзуси рўйхатга олинган рақам: B2024.2.PhD/Т4727
Илмий раҳбар: Абдусалим Тўҳтақўзиев, техника фанлари доктори, профессор.
Диссертация бажарилган муассаса (муассасалар) номи: Андижон қишлоқ хўжалиги ва агротехнологиялар институти.
ИК фаолият кўрсатаётган муассаса номи, ИК рақами: Андижон қишлоқ хўжалиги ва агротехнологиялар институти, PhD.08/2025.27.12.Т.03.02
Расмий оппонентлар сифатида техника фанлари доктори, катта илмий ходим Абдулхаев Хуршед Ғафурович, техника фанлари номзоди, катта илмий ходим Расулжонов Абдурахмон Равшанбек ўғли.
Етакчи ташкилот сифатида Андижон давлат техника институти этилсин.
Диссертация йўналиши: назарий ва амалий аҳамиятга лойиқ.
II. Тадқиқотнинг мақсади: пушта олиш билан бирга  органо-минерал ўғитлар аралашмасини солиш қурилмасини ўғитлаш аппаратининг иш режими ва параметрларини асослаш орқали  ўғит солиш самарадорлигини ошириш, меҳнат  ва эксплуатацион харажатларни камайтиришдан иборат.
III. Тадқиқотнинг илмий янгилиги:
пушта олишда органо-минерал ўғитлар соладиган қурилманинг конструксияси ва технологик иш жараёни ўғитларни ўсимликларнинг илдиз тизимлари ривожланадиган қатламга жойлаштирилишини ҳисобга олиб ишлаб чиқилган;
қурилма барабанида куракчаларнинг жойлашиш схемаси ўғитнинг бир текис солиниши ҳамда ўғитлар чиқариш дарчасига уларни узлюксиз ва бир текис узатилиши шартидан келиб чиқиб танланган;
куракча ишчи сирти бўйлаб ўғитларни сирпанишини таъминлаш шартидан унинг барабан ўқига нисбатан ўрнатилиш бурчаги, ўғит солиш аппаратининг ўғит чиқариш дарчаси иш жараёнида талаб этилган миқдордаги ўғитни чиқариб юбориши шартидан куракчанинг узунлиги, куракчалар билан жиҳозланган барабан айланишдан тўхтаб, агрегат салт юришга ўтганда ўғит солиниши ҳам тўхташи шартидан ўғит чиқариш дарчаси юқори қиррасининг силжиш бурчаги асосланган;
пушта олишда органо-минерал ўғитлар соладиган қурилма аппаратининг ўғит чиқариш дарчаси қопқоғининг очилиш бурчаги, барабанга ўрнатилган куракчалар сони ва куракчаларни барабаннинг ўқи бўйича ўрнатилиш бурчагининг мақбул қийматлари ҳамда барабаннинг айланишлар сони унинг агротехник кўрсаткичларини баҳоловчи регрессия тенгламаларини биргаликда ўғит солиш меъёри ва унинг нотекислиги талаблар даражасида бўлиши шартидан ечиш орқали аниқланган.
IV. Тадқиқот натижаларининг жорий қилиниши. Пушта олишда органо-минерал ўғитларни соладиган аппаратнинг параметрларини ва иш режимларини асослаш бўйича олинган натижалар асосида:
пушта олишда органо-минерал ўғитларни соладиган қурилмага дастлабки талаблар ва унинг конструксиясини ишлаб чиқишга техник топшириқ ишлаб чиқилган (Қишлоқ хўжалигида билим ва инновасиялар миллий марказининг 2025-йил 30-майдаги 05/04-04-286-сон маълумотномаси). Натижада пушта олишда органо-минерал ўғитларни соладиган қурилмани ишлаб чиқиш имкони яратилган; 
ишлаб чиқилган пушта олишда органо-минерал ўғитларни соладиган қурилманинг тажриба нусхаси Андижон вилояти Избоскан тумани фермер хўжаликларида жорий этилган (Қишлоқ хўжалигида билим ва инновасиялар миллий марказининг 2025-йил 30-майдаги 05/04-04-286-сон маълумотномаси). Натижада органо-минерал ўғитлар аралашмасини пушта олишда ўсимликлар илдиз тизимлари ривожланадиган қатламга солишда меҳнат сарфи 19,38 фоизга ва эксплуатасион харажатлар 49,53 фоизга камайиши таъминланган; 
ишлаб чиқилган пушта олишда органо-минерал ўғитларни соладиган қурилмани тайёрлаш ва саноат нусхаларини ишлаб чиқиш учун унинг лойиҳа-конструкторлик ҳужжатлари (дастлабки талаблар, техник топшириқ ва чизмалар) “Андижонтехмаш” МЧЖ да лойиҳалаш жараёнига жорий этилган (Қишлоқ хўжалигида билим ва инновасиялар миллий марказининг 2025-йил 30-майдаги 05/04-04-286-сон маълумотномаси). Натижада пушта олишда органо-минерал ўғитларни соладиган қурилмани кенг миқёсда ишлаб чиқариш имкони яратилган.