Rozmatova Umida Yuldashevnaning 
falsafa doktori (PhD) dissertatsiyasi himoyasi haqida e’lon

I.Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “Xalqaro standartlar asosida nomoddiy aktivlar hisobini takomillashtirish”, 08.00.08 – “Buxgalteriya hisobi, iqtisodiy tahlil va audit”.
Ilmiy rahbar: Mavlanov Normo‘min Normamatovich, iqtisodiyot fanlari doktori, professor.
Dissertatsiya bajarilgan muassasa nomi: Toshkent davlat iqtisodiyot universiteti.
IK faoliyat ko‘rsatayotgan muassasa nomi, IK raqami: Toshkent davlat iqtisodiyot universiteti, DSc.03/2025.27.12.I.23.05.
 Rasmiy opponentlar: Pardaev Mamayunus Qarshiboevich, iqtisodiyot fanlari doktori, professor; Ibragimov Abdugapur Karimovich, iqtisodiyot fanlari doktori, professor.  
Yetakchi tashkilot: "Toshkent irrigatsiya va qishloq xo‘jaligini mexanizatsiyalash muhandislari instituti" milliy tadqiqotlar universiteti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi: nomoddiy aktivlar hisobini xalqaro standartlar asosida takomillashtirish bo‘yicha ilmiy taklif va amaliy tavsiyalar ishlab chiqishdan iborat.
III.Tadqiqotning ilmiy yangiligi quyidagilardan iborat:
aksiyadorlik jamiyatlari hisob siyosatiga gudvillning qadrsizlanishini aks ettirishda 0580-“Gudvillning qadrsizlanishi” ishchi schyotini qo‘llash taklif etilgan;
aktivlarni qayta baholashlar bo‘yicha rezerv summasi mavjud bo‘lmaganida nomoddiy aktivlarning qiymati tushish holatlarini aks ettirishda 9431-“Nomoddiy aktivlarning qadrsizlanishidan zararlar” ishchi schyotini qo‘llash taklif etilgan;
nomoddiy aktivlarga to‘g‘ri chiziqli usulda amortizatsiya hisoblashda tugatish qiymatini 10 foiz tarzida belgilash taklif etilgan;
nomoddiy aktivlar harakatini buxgalteriya hisobida aks ettirish maqsadida “Nomoddiy aktivlarni hisobga olish qaydnomasi”ni qo‘llash taklif etilgan.
IV.Tadqiqot natijalarining joriy qilinishi. Xalqaro standartlar talablari asosida nomoddiy aktivlar hisobini takomillashtirish bo‘yicha olingan ilmiy natijalar asosida:
aksiyadorlik jamiyatlari hisob siyosatiga gudvillning qadrsizlanishini aks ettirishda 38-son “Nomoddiy aktivlar” va 36-son “Aktivlarning qadrsizlanishi” BHXS qoidalariga muvofiqlikni ta’minlash maqsadida 0580-“Gudvillning qadrsizlanishi” ishchi schyotini qo‘llash taklifi “Issiqlik elektr stansiyalari” AJ tomonidan amaliyotga joriy qilingan (“Issiqlik elektr stansiyalari” AJning 2025-yil 16-sentyabrdagi 05-08/1576-son ma’lumotnomasi). Natijada, aksiyadorlik jamiyatida gudvillning qadrsizlanish zararlarini xalqaro standartlar talablari asosida buxgalteriya hisobida aniq aks ettirish va uning iqtisodiy qiymatini to‘g‘ri baholash imkonini bergan;
aktivlarni qayta baholashlar bo‘yicha “Hisob siyosati, hisob baholaridagi o‘zgarishlar va xatolar” 8-son BHXS talablari asosida aktivlarni qayta baholashlar bo‘yicha rezerv summasi mavjud bo‘lmaganida nomoddiy aktivlarning qiymati tushish holatlarini aks ettirish maqsadida 9431-“Nomoddiy aktivlarning qadrsizlanishidan zararlar” ishchi schyotini qo‘llash taklifi “Issiqlik elektr stansiyalari” AJ tomonidan amaliyotga joriy qilingan (“Issiqlik elektr stansiyalari” AJning 2025-yil 16-sentyabrdagi 05-08/1576-son ma’lumotnomasi). Natijada, korxonada qadrsizlanishdan ko‘rilgan moliyaviy zararlarni davr xarajatlarida to‘g‘ri yoritib berish orqali hisob siyosatini shakllantirish imkonini bergan;
amaldagi nomoddiy aktivlarga amortizatsiya hisoblash tartibini xalqaro standartlarga muvofiqlashtirish maqsadida, to‘g‘ri chiziqli usulda amortizatsiya hisoblashda kutilayotgan kelgusi iqtisodiy nafni aniq aniqlash uchun tugatish qiymatini 10 foiz tarzida belgilash taklifi “Issiqlik elektr stansiyalari” AJ tomonidan amaliyotga joriy qilingan (“Issiqlik elektr stansiyalari” AJning 2025-yil 16-sentyabrdagi 05-08/1576-son ma’lumotnomasi). Natijada, korxonaning soliqqa tortish bazasini buxgalteriya va soliq hisobi kesimida to‘g‘ri shakllantirish hamda eskish summalarini iqtisodiy jihatdan asoslash imkoniyatini ta’minlagan;
xalqaro “Moliyaviy hisobotni taqdim etish” (1-son BHXS) standarti talablari bo‘yicha nomoddiy aktivlar harakatini buxgalteriya hisobida tizimli nazorat qilish maqsadida, yangi tarkibdagi “Nomoddiy aktivlarni hisobga olish qaydnomasi”ni amaliyotga qo‘llash taklifi “Issiqlik elektr stansiyalari” AJ tomonidan amaliyotga joriy qilingan (“Issiqlik elektr stansiyalari” AJning 2025-yil 16-sentyabrdagi 05-08/1576-son ma’lumotnomasi). Natijada, “Issiqlik elektr stansiyalari” aksiyadorlik jamiyatida ushbu aktivlar harakati ustidan ichki nazorat tizimi samaradorligini oshirish va moliyaviy hisobotlarda tushuntirish xatlarini shakllantirish ma’lumotlarining ishonchliligini ta’minlagan.