Маматов Шохрухбек Муҳаммаджон ўғлининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Корхона фаолиятида логистика ахборот тизимларидан самарали фойдаланишнинг услубий жиҳатлари”, 08.00.16 – Рақамли иқтисодиёт ва халқаро рақамли интеграция
Диссертация мавзуси рўйхатга олинган рақам: B226.1.PhD/Iqt5246.
Илмий раҳбар: Умаров Омонилла Саидаминович, иқтисодиёт фанлари бўйича фасафа доктори (PhD), доцент
Диссертация бажарилган муассаса номи: Халқаро Нордик университетида. 
ИК фаолият кўрсатаётган муассаса номи, ИК рақами: Халқаро Нордик университети ҳузуридаги илмий даражалар берувчи DSc.03/2025.27.12.I.26.01 рақамли Илмий кенгаш.
Расмий оппонентлар: Бобожонов Азизжон Бабаханович, иқтисодиёт фанлари доктори (DSc), профессор; Одилов Шоҳрух Ғайратжонович, иқтисодиёт фанлари бўйича фалсафа доктори (PhD).
Етакчи ташкилот: Андижон давлат техника институти.
Диссертация йўналиши: назарий ва амалий аҳамиятга молик. 
II. Тадқиқотнинг мақсади корхоналар логистика фаолиятида ахборот тизимларидан самарали фойдаланишнинг услубий асослари юзасидан илмий асосланган таклиф ва тавсиялар ишлаб чиқишдан иборат
III. Тадқиқотнинг илмий янгилиги:
логистика ахборот тизимларидан самарали фойдаланиш ва унинг таркибий жиҳатларини оптимал шакллантириш, ишлаб чиқариш корхоналарини ахборот жиҳатдан қўллаб-қувватлаш асосида логистика маълумотлар базасини рақамли технологиялар асосида ташкил қилиш ёндашувлари таклиф қилинган;
ишлаб чиқариш корхоналарида логистика ахборот таъминотини оптимал шакллантиришнинг интерактив усуллари, логистика маълумотларни шаффоф ва тезкор йиғиш ҳамда уларни қайта ишлашнинг тармоқлашган алгоритми ишлаб чиқилган;
корхоналарда товар ва молиявий активлар ҳаракатининг тўлиқ ҳисобини юритиш, савдо динамикасини кузатиш, сақлаш жойларида маҳсулот балансини оператив назорат қилиш, товарларга тез ва самарали буюртма олиш, ҳисоб-китобларни тезкор амалга ошириш ҳамда мижозларга хизмат кўрсатиш сифатини оширишда ақлли ишлаб чиқаришни ташкил этиш техногогияси таклиф этилган;
рақамли технологияларни ривожлантиришнинг интеграциялашган логистика ахборот тизимлари негизида мезологистика корпоратив логистика ахборотлар тизимларини жорий этишнинг истиқболли технологияси ишлаб чиқилган.
IV. Тадқиқот натижаларининг жорий қилиниши. Логистика ахборот тизимини такомиллаштиришда янги технологик ёндашувлардан фойдаланишни тадқиқ этиш боʻйича олинган илмий натижалар асосида:
логистика ахборот тизимларидан самарали фойдаланиш ва унинг таркибий жиҳатларини оптимал шакллантириш, ишлаб чиқариш корхоналарини ахборот жиҳатдан қўллаб-қувватлаш асосида логистика маълумотлар базасини рақамли технологиялар асосида ташкил қилиш ёндашувлари «Андижондонмаҳсулот» АЖнинг логистика ахборот таъминоти ва моддий оқимларни бошқариш фаолиятига жорий этилган («Андижондонмаҳсулот» АЖнинг 2025-йил 28-апрелдаги №01/14-182-сонли маълумотномаси). Натижада корхонада логистика маълумотларини шакллантириш, қайта ишлаш, сақлаш ва узатиш жараёнларининг ягона ахборот муҳити асосида ташкил этилиши таъминланиб, логистика ахборот таъминотининг тезкорлиги ва ишончлилиги оширилган ҳамда бошқарув қарорларини қабул қилишнинг ахборот билан таъминланганлик даражаси яхшиланган;
ишлаб чиқариш корхоналарида логистика ахборот таъминотини оптимал шакллантиришнинг интерактив усуллари, логистика маълумотларини шаффоф ва тезкор йиғиш ҳамда уларни қайта ишлашнинг тармоқлашган алгоритми «Андижондонмаҳсулот» АЖнинг логистика ахборот таъминоти ва ахборот оқимларини бошқариш жараёнларига жорий этилган («Андижондонмаҳсулот» АЖнинг 2025-йил 28-апрелдаги №01/14-182-сонли маълумотномаси). Натижада логистика маълумотларини йиғиш, қайта ишлаш ва узатиш жараёнларининг тезкорлиги ҳамда шаффофлиги оширилган, ахборот оқимларини бошқариш самарадорлиги яхшиланиб, бошқарув қарорларини қабул қилиш учун ишончли ахборот базасини шакллантириш имконияти кенгайган; 
корхоналарда товар ва молиявий активлар ҳаракатининг тўлиқ ҳисобини юритиш, савдо динамикасини кузатиш, сақлаш жойларида маҳсулот балансини оператив назорат қилиш, товарларга тез ва самарали буюртма бериш, ҳисоб-китобларни тезкор амалга ошириш ҳамда мижозларга хизмат кўрсатиш сифатини оширишга қаратилган ақлли ишлаб чиқаришни ташкил этиш технологияси «Андижондонмаҳсулот» АЖнинг логистика ва омбор хўжалигини бошқариш жараёнларига жорий этилган («Андижондонмаҳсулот» АЖнинг 2025-йил 28-апрелдаги №01/14-182-сонли маълумотномаси). Натижада товар ва молиявий активлар ҳаракати устидан оператив назоратни амалга ошириш, омбор захиралари ҳолатини реал вақт режимида мониторинг қилиш, буюртмаларни қайта ишлаш тезлигини ошириш ҳамда логистика жараёнлари бўйича бошқарув қарорларини қабул қилиш самарадорлигини юксалтиришга эришилган;
рақамли технологияларни ривожлантиришнинг интеграциялашган логистика ахборот тизимлари негизида мезологистика корпоратив логистика ахборот тизимларини жорий этишнинг истиқболли технологияси «Андижондонмаҳсулот» АЖнинг логистика жараёнларини рақамли бошқариш тизимига келгусида жорий этиш учун қабул қилинган («Андижондонмаҳсулот» АЖнинг 2025-йил 28-апрелдаги №01/14-182-сонли маълумотномаси). Мазкур технологияни амалиётга татбиқ этиш логистика жараёнларининг интеграциялашув даражасини ошириш, ахборот алмашинуви самарадорлигини яхшилаш, бошқарув қарорларини қабул қилиш сифатини юксалтириш ҳамда логистика харажатларини оптималлаштириш учун зарур ташкилий ва технологик асосларни яратади.