Akilov Djaxangir Xabibullaevichning
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «Bel sohasidagi nospesifik og‘riqlar klinik-etiopatogenetik strukturasi va davolash taktikasining differensial echimi», 14.00.13–Nevrologiya (tibbiyot fanlari).
Dissertatsiya mavzusi ro‘yxatga olingan raqam: B2017.1.PhD/Tib74.
Ilmiy rahbar: Mirdjuraev Elbek Mirshavkatovich, tibbiyot fanlari doktori, professor.
Dissertatsiya bajarilgan muassasa nomi: Toshkent vrachlar malakasini oshirish instituti.
IK faoliyat ko‘rsatayotgan muassasa (muassasalar) nomi, IK raqami: Toshkent vrachlar malakasini oshirish instituti, DSc.04/30.12.2019.Tib.31.01.
Rasmiy opponentlar: Gafurov Baxtiyar Gafurovich, tibbiyot fanlari doktori, professor; Sadikova Gulchexra Kabulovna, tibbiyot fanlari doktori, professor.
Yetakchi tashkilot: Samarqand davlat tibbiyot instituti.
Dissertatsiyaning yo‘nalishi: amaliy ahamiyatga molik.
II. Tadqiqotning maqsadi: beldagi nospesifik og‘riqlarning klinik-etiopatogenetik tarkibini o‘rganish, differensial davolash taktikasini ishlab chiqish va uning samaradorligini baholashdan iborat.
III. Tadqiqotning ilmiy yangiligi:
ilk bor beldagi surunkali nospesifik og‘riqlari bo‘lgan bemorlarda kasallikning klinik-etiopatogenetik xususiyatlariga asoslangan tashxis markerlari aniqlangan;
ilk bor beldagi nospesifik og‘riqlarning sindromologik tarkibi va ushbu kasallik kechishining variantlari aniqlangan;.
nospesifik lyumbalgiyali bemorlarni umumiy reabilitatsion davolashda an’anaviy davolash bilan taqqoslaganda zamonaviy xondroprotektorlar va SARI antidepressant dori vositalarini qo‘llashning samaradorligi isbotlangan;
beldagi surunkali nospesifik og‘riqlari bo‘lgan bemorlarni davolashning differensial yondashuvi takomillashtirilgan.
IV. Tadqiqot natijalarining joriy qilinishi.
Bel sohasidagi nospesifik og‘riqlar klinik-etiopatogenetik strukturasi va differensial davolash echimi bo‘yicha olingan ilmiy natijalar asosida:
«Bel sohasidagi nospesifik og‘riqlarda differentlangan davolash taktikasi» uslubiy tavsiyanomasi tasdiqlangan (Sog‘liqni saqlash vazirligining 2019 yil 28 dekabrdagi 8n-d/333-son ma’lumotnomasi). Ushbu uslubiy tavsiyanoma beldagi nospesifik og‘riqlarda beldagi og‘riqlarga olib keluvchi omillar, xatar omillari, klinik-patogenetik namoyon bo‘lishlarni hisobga olgan holda tashxislash va differensiallashgan davolashga xizmat qilgan;
bel sohasidagi nospesifik og‘riqlar klinik-etiopatogenetik strukturasi va differensial davolashga qaratilgan  tadqiqotning tizimli tahlili bo‘yicha olingan ilmiy natijalar sog‘liqni saqlash tizimiga, jumladan 1-sonli shahar klinik kasalxonasining nevrologiya bo‘limlariga, “Neyrohelp” xususiy tibbiyot markazi amaliyotlariga joriy etilgan (Sog‘liqni saqlash vazirligining 2020 yil 6 yanvardagi 8n-z/3-son ma’lumotnomasi). Natijada bel sohasidagi nospesifik og‘riqlar bilan xastalangan bemorlar davolash muddati qisqarishiga, ishga layoqatsizlik davomiyligining kamayishiga va davolanish uchun yangi yondashuvlar orqali nogironlikning oldini olish imkonini bergan.