Қузиев Олмосбек Анвар ўғлининг 
фалсафа доктори (PhD) диссертацияси ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган фан тармоғи номи): “Кўп функсияли комбинациялашган гелиотехник қурилманинг иссиқлик-техник параметрларини асослаш”, 05.05.06-“Қайта тикланадиган энергия турлари асосидаги энергия қурилмалари” ихтисослиги бўйича.
Диссертация мавзуси рўйхатга олинган рақам: В2026.1.PhD/Т6525
Илмий раҳбар: Узаков Гулом Норбоевич, техника фанлари доктори, профессор.
Диссертация бажарилган муассаса номи: Қарши давлат техника университети.
ИК фаолият кўрсатаётган муассаса номи, ИК рақами: Қарши давлат техника университети, PhD. 03/2025.28.11.Т.17.01. рақамли Илмий кенгаш.
Расмий оппонентлар: Ахатов Жасуржон Сайидович, техника фанлари доктори, профессор; Новик Андрей Владимирович, техника фанлари номзоди, доцент.
Етакчи ташкилот: Бухоро давлат техника университети.
Диссертация иши: назарий ва амалий аҳамиятга молик.
II. Тадқиқотнинг мақсади қуёш фотоелектрик модули ва қуёш сув иситиш коллектори асосидаги кўп функсияли гелиотехник (гелиоинкубатор, гелиоқуритгич, гелиосувиситгич) қурилмасини ишлаб чиқиш ва иссиқлик-техник параметрларини асослашдан иборат.
III. Тадқиқотнинг илмий янгилиги:
қуёш энергияси асосида иссиқлик ва электр энергия билан таъминланадиган мавсумий ишлаш шароитларга мослаштирилган инкубация, маҳсулотларни конвектив усулда қуритиш, иссиқ сув олиш каби иссиқлик-технологик жараёнларни амалга ошириш имконини берадиган, ясси гелиоколлектор ва қуёш фотоелектрик модули ҳамда қуритиш камерасидан ташкил топган кўп функсияли гелиоқурилманинг такомиллашган конструксияси ишлаб чиқилган (№ФАП 2782);
қуёш фотоелектрик модули ва қуёш сув иситиш коллектори билан интеграция қилинган ҳамда камера ички ҳавоси ҳарорати ва нисбий намлигини автоматик назорат қилиш тизимига эга бир мавсумда инкубацияси ва доривор ўсимликларни қуритиш имконини берадиган комбинациялашган қуёш инкубаторининг прототипи яратилган (№ФАП 2782);
кўп функсияли гелиоқурилмалар гелиоинкубатор, гелиоқуритгич, ва гелиоколлекторларининг ностационар ҳарорат режимларида иссиқлик баланс тенгламари асосида ҳарорат режими ва иссиқлик-техник параметрларини ҳисоблаш имконини берадиган математик модел ишлаб чиқилган;
гелиотехник қурилма камерасида ялпиз ўсимлигини 45, 50, 55 ва 60℃ ҳароратларда қуритиш режимларида намлик миқдорини 10-11% гача пасайтириш учун мос равишда қуритиш тезлиги ва кинетикасини ҳисоблаш Мидилли-Куcук  модели асосида энергия тежамкор қуритиш режими аниқланган.
IV. Тадқиқот натижаларининг жорий қилиниши. Кўп функсияли комбинациялашган гелиотехник қурилмани ишлаб чиқиш бўйича олинган илмий натижалар асосида:
кўп функсияли комбинациялашган гелиотехник қурилмаси учун  Ўзбекистон Республикаси Адлия вазирлиги ҳузуридаги “Интеллектуал мулк маркази”дан фойдали моделга патент олинган (№ФАП 2782, 24.07.2025 й.). Натижада, қуёш фотоелектрик модули ва қуёш сув иситиш коллектори билан интеграция қилинган ҳамда камера ички ҳавоси ҳарорати ва нисбий намлигини автоматик назорат қилиш тизимига эга бир мавсумда инкубацияси ва доривор ўсимликларни қуритиш имконини берадиган комбинациялашган коъп функсияли гелиотехник қурилма яратилган;
кўп функсияли комбинациялашган гелиотехник қурилма Косон туманидаги “Гулчехра агро обод”, “Агро чорва ривожи”, Нишон туманидаги “Боймурот Равшанов” фермер хўжаликларида жорий этилган (Ўзбекистон Республикаси Қишлоқ хўжалиги вазирлигининг вазирлигининг 2025-йил 15-октябрдаги №05/04-04-630-сонли маълумотномаси). Натижада, кўп функсияли комбинациялашган гелиотехник қурилмани жорий этиш орқали йиллик 2275,7 кВт соат энергия, 245,8 м3 табиий газ тежалишига ҳамда 454,7 кг CО2 зарарли ташламаларини атмосферага чиқариб юборилишинг олди олинишига эришилган.