Равшанов Анвар Асатиллоевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган фан тармоғи): Гиперспектрал тасвирларга дастлабки ишлов бериш асосида пахта касалликларини таснифлаш алгоритмларини ишлаб чиқиш ва такомиллаштириш, 05.01.11 – “Рақамли технологиялар ва сунъий интеллект” (техника фанлари).
Диссертация мавзуси рўйхатга олинган рақам: Б2026.1.PhD/Т5550.
Илмий раҳбар: Худайбердиев Мирзаакбар Хаккулмирзаевич, техника фанлари доктори, катта илмий ходим.
Диссертация бажарилган муассаса номи: Рақамли технологиялар ва сунъий интеллектни ривожлантириш илмий-тадқиқот институти.
Илмий кенгаш фаолият кўрсатаётган муассаса (муассасалар) номи, Илмий кенгаш рақами: Рақамли технологиялар ва сунъий интеллектни ривожлантириш илмий-тадқиқот институти, DSc.09/2025.27.12.Т.02.01.М.
Расмий оппонентлар: Мадрахимов Шавкат Файзуллаевич, техника фанлари доктори, профессор; Абдиева Хабиба Собировна, техника фанлари бўйича фалсафа доктори (ПҳД), доцент.
Етакчи ташкилот: Муҳаммад ал-Хоразмий номидаги Тошкент ахборот технологиялари университети Самарқанд филиали.
Диссертация йўналиши: назарий ва амалий аҳамиятга молик.
II. Тадқиқотнинг мақсади гиперспектрал тасвирларга дастлабки ишлов бериш асосида пахта касалликларини эрта босқичларда аниқлашнинг такомиллаштирилган алгоритмларини ишлаб чиқишдан иборат.
III. Тадқиқотнинг илмий янгилиги қуйидагилардан иборат: 
гиперспектрал тасвирларнинг шовқинни камайтириш ҳамда сифатини яхшилаш алгоритми ишлаб чиқилган; 
гиперспектрал тасвирдан муҳим каналларидан танлаб олиш алгоритми такомиллаштирилган;
гиперспектрал тасвирлардан обектни ажратиб олишдаги турли мураккабликларни ҳисобга олган ҳолда норавшан сегментатсиялаш алгоритми ишлаб чиқилган;
ўсимликларининг гиперспектрал тасвирларини интеллектуал таҳлил қилиш асосида касаллик даражасини аниқлаш алгоритми такомиллаштирилган.
IV. Тадқиқот натижаларининг жорий қилиниши: Гиперспектрал тасвирларга дастлабки ишлов бериш асосида пахта касалликларини таснифлаш алгоритмларини ишлаб чиқиш ва такомиллаштириш асосида олинган илмий натижалар:
гиперспектрал тасвирларнинг шовқинни камайтириш ҳамда сифатини яхшилаш алгоритми асосида ишлаб чиқилган дастурий мажмуа Андижон вилояти Избоскан тумани Қишлоқ хўжалиги бўлимида жорий қилинган (Ўзбекистон Республикаси Қишлоқ хўжалиги вазирлиги Қишлоқ хўжалиги билим ва инновациялар Миллий марказининг 11.11.2025 санада тасдиқланган 05/04-04-779-сон маʼлумотномаси). Илмий тадқиқот натижаларини жорий қилиш орқали ўсимлик касалликлари учун курашиш сарф харажатлар 1,2 баробар камайишига ҳамда пахта ҳосилдорлик самарадорлиги 10% га оширилишига эришилган;
гиперспектрал тасвирдан муҳим каналларидан танлаб олиш такомиллаштирилган алгоритми асосида ишлаб чиқилган дастурий мажмуа Андижон вилояти Пахтаобод тумани Қишлоқ хўжалиги бўлимида жорий қилинган (Ўзбекистон Республикаси Қишлоқ хўжалиги вазирлиги Қишлоқ хўжалиги билим ва инновациялар Миллий марказининг 11.11.2025 санада тасдиқланган 05/04-04-779-сон маʼлумотномаси). Илмий тадқиқот натижаларини жорий қилиш орқали амалий жаҳатдан самарадорлик 10%га оширилган, касаллик учун курашиш сарф харажатлар 1,4 баробар камайишига эришилган;
гиперспектрал тасвирлардан обектни ажратиб олишдаги турли мураккабликларни ҳисобга олган ҳолда норавшан сегментатсиялаш алгоритми асосида ишлаб чиқилган дастурий мажмуа Хоразм вилояти Хонқа тумани “Sarapoyon Greenhouse” маъсулияти чекланган жамиятида амалиётга жорий қилинган (Ўзбекистон Республикаси Қишлоқ хўжалиги вазирлиги Қишлоқ хўжалиги билим ва инновациялар Миллий марказининг 11.11.2025 санада тасдиқланган 05/04-04-779-сон маʼлумотномаси). Натижада, касаллик учун курашиш сарф харажатлар 1,5 баробар камайишига ва пахта ҳосилдорлик самарадорлиги 12%га оширилишига эришилган;
ўсимликларининг гиперспектрал тасвирларини интеллектуал таҳлил қилиш асосида касаллик даражасини аниқлаш алгоритми асосида ишлаб чиқилган дастурий мажмуа Тошкент вилояти Бекобод тумани “Баҳодир Файз Омад” фермер хўжалиги ҳамда Қашқадарё вилояти Қамаши туманидаги “Эшон бобо ўғли Файзулла бобо” фермер хўжаликларида амалиётга жорий этилган. Натижада, ғўзанинг касалланиш даражаси 1,6 баробар камайишига ҳамда пахтанинг ҳосилдорлик самарадорлиги 10% оширилиш имконияти пайдо бўлган.