Турдиев Шохжахон Шермамат ўғли нинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган тармоғи номи): “Геологик ва гидродинамик моделларни аниқлаштириш асосида олиниши қийин бЎлган захираларга эга нефт конларини ишлаш самарадорлигини ошириш (Шеркент нефтгазконденсат кони мисолида)”, 04.00.13 – Нефт ва газ конларини ўзлаштириш ҳамда ишлатиш (техника фанлари).
Диссертация мавзуси рўйхатга олинган рақам: В2026.1.PhD/Т5617.
Илмий раҳбар: Назаров Азизбек Улуғбекович, техника фанлари доктори, доцент.
Диссертация бажарилган муассаса номи: Қарши давлат техника университети.
ИК фаолият кўрсатаётган муассаса номи, ИК рақами:  “ЎЗЛИТИНЕФТГАЗ” АЖ, ДСc.36/2025.27.12.Т.01.01.
Расмий оппонентлар: Шевсов Владимир Михайлович, техника фанлари доктори, профессор; Ахмедов Мирзаанвар Мохиджонович, техника фанлари бўйича фалсафа доктори (PhD).
Етакчи ташкилот: Тошкент давлат техника университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: ишлашнинг сўнгги босқичда бўлган коннинг геологик ва гидродинамик моделини яратиш, аниқлаштириш ҳамда қазиб олиш самарадорлигини ошириш технологиясини асослашдан иборат.
III. Тадқиқотнинг илмий янгилиги:
жами олинган нефт ва суюқлик боғлиқлигини корреляцион таҳлил қилиб маҳсулдор қатламнинг турли қисмларини гидродинамик боғлиқлик даражаси исботланган;
Шеркент нефт-газ конининг геологик-физик шароитларида нефт олиш оралиқларига озод газни ва остки сувларни ёриб чиқиш ва қудуқларни ишлаш муддатларини қисқаришига маҳсулдор горизонтларни катта тешиш оралиқлари ва қатламларга юқори депрессия берилиши сабаб эканлиги исботланган.
углеводород конларининг лойиҳавий ва амалий ишлаш кўрсаткичларини фарқ қилишига уюмларнинг геологик-физик шароитлари ва ишлатиш кўрсаткичларини хусусиятловчи ажратмалар гуруҳлардаги омилларнинг турли даражада таъсир этиши исботланган;
Бухоро-Хива региони маҳсулдор горизонтлари шароитлари учун нефт олишни жадаллаштириш ва чиқариб олиш коеффициентини оширишнинг янги технологияларни самарали қўллаш геологик-физик ва технологик меъёрлари асосланган.
IV. Тадқиқот натижаларининг жорий қилиниши. Геологик ва гидродинамик моделларни аниқлаштириш асосида олиниши қийин бЎлган захираларга эга нефт конларини ишлаш самарадорлигини ошириш бўйича олиб борилган тадқиқот натижлари асосида:
ён стволни кесиш орқали юқори технологик капитал таъмирлашни ўтказиш ва ишга тушириш бўйича тавсиянома “SANEG” МЧЖ ХК Шеркент кони ғарбий гумбазининг дренажланмайдиган зонасидаги 14-сонли қудуқда амалиётга жорий этилган (("SANEG" МЧЖ ХКнинг 2025 йил 18 ноябрдаги 002-0750-2462-2025-сонли маълумотнома). Натижада, қазиб олинаётган маҳсулотнинг сувланганлиги 71% бўлганда, суткалик нефт дебити 6,5 тоннани ташкил этиш имконини берган;
тугатилган ва ҳаракациз қудуқларни ишга тушириш бўйича тавсиянома"САНЕГ" МЧЖ ХКнинг Шеркент конида жорий этилган ("SANEG" МЧЖ ХКнинг 2025 йил 18 ноябрдаги 002-0750-2462-2025-сонли маълумотномаси). Натижада, 1, 2М, 3М, 4, 8, 12-сонли қудуқларда ён ствол ўйиш орқали юқори технологияли мукаммал таъмирлаш ишлари ўтказилгач, ҳар бир қудуқдан олинадиган суткалик нефт дебити 3,8 тоннани ташкил этиш ва харажатлар бир йил муддатда қоплаш имконини берган.