Бердиев Амон Норкуловичнинг
 фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): “Кичик ўлчамли вилкали юк кўтариш ва ташиш машинасини такомиллаштириш ва параметрларини асослаш” мавзусида 05.08.06 – “Ғилдиракли ва гусеницали машиналар ва уларни ишлатиш”. 
Диссертация мавзуси рўйхатга олинган рақам: B2025.2.PhD/Т5744
Илмий раҳбар: Бахадиров Гайрат Атаханович техника фанлари доктори, профессор. 
Диссертация бажарилган муассаса номи: ЎзР ФА М.Т.Ўрозбоев номидаги Механика ва иншоотлар сейсмик мустаҳкамлиги институти.
ИК фаолият кўрсатаётган муассаса номи, ИК рақами: Андижон давлат техника институти, PhD.03/2025.27.12.Т.18.01
Расмий оппонентлар: техника фанлари доктори, профессор Алимухамедов Шавкат Пирмухамедович, техника фанлари фалсафа доктори, доцент Байназаров Хайрулло Раҳимович.
Етакчи ташкилот: Наманган давлат техника университети.  
Диссертация йўналиши: назарий ва амалий аҳамиятга молик.
II. Тадқиқотнинг мақсади саноат тармоқлари, логистик марказлар ва омборхоналарнинг тор йўлакларида мураккаб ҳаракатларни бажарадиган ва турли хил вазндаги юкларни ташишда турғунлиги юқори бўлган кичик ўлчамли ВЙКТМни такомиллаштириш ва параметрларини асослашдан иборат.
III. Тадқиқотнинг илмий янгилиги:
уч ғилдиракли бурилиш усули ва горизонтал қисми ҳаракатланувчи вилка қўлланилиши асосида амалдаги конструксияларга нисбатан тор йўлакларда ҳаракатланиш имконияти 25 % га яхшиланган ҳамда бурилиш радиуси 14 % га камайтирилган кичик ўлчамли ВЙКТМнинг такомиллаштирилган параметрлари асосланган;
машинанинг олд ғилдиракларига таъсир этувчи реакция кучи амалдаги ВЙКТМсига нисбатан ўртача 40% га камайиши ва орқа ғилдиракларидаги юкланиш ўртача 3.6 баробарга ортишини таъминловчи кичик ўлчамли ВЙКТМ учун горизонтал қисми ҳаракатланувчи вилка конструксияси ҳамда унинг ҳаракат математик модели ишлаб чиқилган;
юк кўтариш механизми(ЙКМ) орқага тўлиқ сурилганда тўртала ғилдиракларга тушувчи оғирлик кучларининг деярли тенг тақсимланишини аниқлаш имконини берувчи кичик ўлчамли ВЙКТМнинг қия ва текис юзалардаги ҳаракатининг динамик ҳамда математик моделлари ишлаб чиқилган;
назарий ва тажриба тадқиқотлари натижасида кичик ўлчамли ВЙКТМнинг минимал бурилиш радиуси, тор йўлакларда ташиладиган юкларнинг эни (600–1600 мм) ва узунлиги (800–1600 мм) ўзгаришига боғлиқ ҳолда машина ҳаракати учун зарур бўлган йўлак эни амалдаги моделларга нисбатан 37 % га камайиши асосланган.
IV.Тадқиқот натижаларининг жорий қилиниши. Тор йўлакларда ҳаракатлана оладиган, кичик бурилиш радиусига эга кичик ўлчамли ВЙКТМсининг такомиллашган янги конструксиясини ишлаб чиқиш бўйича олинган натижалар асосида: 
ВЙКТМсига ЎзР Адлия Вазирлиги қошидаги Интеллектуал Мулк Агентлигидан фойдали моделга патент олинган (№ УЗ ФАП 2547, 2024 й.). Натижада кичик ўлчамли ВЙКТМси амалиётга жорий этилганда машинанинг функсионаллиги ва турғунлиги ортиши билан бир қаторда ҳаракатланаётган йўлак энини кичрайтириш имконини берган;
 кичик ўлчамли ВЙКТМсининг такомиллашган янги конструксияси Тошкент шаҳрининг Яшнобод туманидаги МЧЖ “АРТЕЛ ЭЛЕCТРОНИCС МАНУФАCТУРИНГ” омборхонасида жорий этилган (“Ўзелтехсаноат” уюшмасининг 2025 йил 7 августдаги 04-3/997-сонли маълумотномаси). Натижада МЧЖ “АРТЕЛ ЭЛЕCТРОНИCС МАНУФАCТУРИНГ” омборхонасида машина ҳаракатланадиган йўлак энини 30% га кичрайишига, юк жойлаштириш ҳажмини эса 20% оширишга эришилган.