Собитов Сарвар Козим ўғлининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи):
“Тортув электр юритмаларнинг ишлаш режимларини оптималлаштириш”,
 05.05.02 – “Электротехника. Электр энергия станциялари, тизимлари. Электротехник мажмуалар ва қурилмалар”.
Диссертация мавзуси рўйхатга олинган рақам:  В2023.2.PhD/Т3551
Илмий раҳбар Ф.И.Ш., илмий даражаси ва унвони:
Абидов Қудрат Ғайратович, техника фанлари доктори, доцент.
Диссертация бажарилган муассаса номи: Тошкент давлат техника университети.
ИК фаолият кўрсатаётган муассаса номи, ИК рақами: Тошкент давлат транспорт университети, DSc 10/2025.27.12.Т.01.03.
Расмий оппонентларнинг Ф.И.Ш., илмий даражаси ва унвони:
Бедрицкий Иван Михайлович – техника фанлари доктори, профессор;
Саттаров Хуршид Абдушукурович – техника фанлари номзоди, доцент.
Етакчи ташкилот: Ўзбекистон Республикаси Фанлар Академияси энергетика муаммолари институти.
Диссертация йўналиши: амалий аҳамиятга молик. 
II. Тадқиқотнинг мақсади портал кранларнинг юриш механизми динамик юкламаларни чеклаш орқали ресурс ва энергия тежамкорлигини оптимал-лаштиришдан иборат.
III. Тадқиқотнинг илмий янгилиги қуйидагилардан иборат:
кўп моторли электр юритмани иш режимини ишини барқарорлаштириш ва юклама тақсимотини яхшилаш имконини берувчи кўп моторли электр юритмалар учун О-симон шаклдаги индукцион реостатнинг физик модели ишлаб чиқилган;
О-симон шаклдаги индукцион реостатларни ҳисоблаш методикасини хисобга олган холда кўп моторли электр юритма валларининг бурчак тезлигини ўзгартириш ҳамда иш шароитида синхрон ишлаш самарадорлигини таъминловчи мезонлар оптималлаштирилган;
кўп моторли электр юритманинг юқори аниқлиги ва оптимал айланиш тезлигини таъминлаш учун унинг иш режимларига қўйилган чекловларни ҳисобга олган ҳолда, бўйсунувчи бошқарув принципига асосланган динамик юкламаларни аниқлашнинг имитиацион модели ишлаб чиқилган;
кўп моторли электр юритманинг асосий жараён параметрларига таъсир этувчи кучларни ҳисобга олган ҳолда индукцион реостатнинг оптимал ўлчамларни танлаш имконини берувчи реостат элементларининг геометрик ўлчамларига боғлиқлик ҳисоблаш усулллари такомиллаштирилган.
IV. Тадқиқот натижаларининг жорий қилиниши қуйидагилардан иборат: Портал кранларнинг кўп моторли электр юритмаси юриш механизми ишлаш режимларини оптималлаштириш бўйича олинган натижалар асосида:
портал кран юриш механизми кўп моторли электр юритмасининг такомиллаштирилган математик ва компьютер моделлари «Ўзбекенерготаъмир» АЖнинг №1037 портал кранида жорий этилган (маълумотнома №02/179, 21.01.2025 й.). Натижада электромагнит ягона занжир модели асосида ҳисоблаш аниқлиги оширилди ҳамда эксплуатация харажатларини 5 % камайтириш имконини берган;
кўп моторли электр юритмалар учун ишлаб чиқилган индукцион реостат қурилмаси «Ўзбекенерготаъмир» АЖнинг №1037 портал кранида жорий этилган (маълумотнома №02/179, 21.01.2025 й.). Натижада моторлар ўртасида юклама тақсимоти яхшиланди, уларнинг хизмат муддати 2–3 бараварга узайтирилди ҳамда йиллик иқтисодий самара 189 млн сўмни ташкил этган.