Рауфов Лазизбек Мухиджон ўғлининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Энергетика соҳаси деталларини комбинациялашган эритиб қоплаб қайта тиклаш технологиясини такомиллаштириш”, 05.02.01–“Машинасозликда материалшунослик. Қуймачилик. Металларга термик ва босим остида ишлов бериш. Қора, рангли ва ноёб металлар металлургияси. Камёб, нодир ва радиоактив элементлар технологияси” ихтисослиги.
Диссертация мавзуси рўйхатга олинган рақам: B2023.3.PhD/T3909
Диссертация бажарилган муассаса номи: Тошкент давлат техника университети.
ИК фаолият кўрсатаётган муассаса номи, ИК рақами: Тошкент давлат техника университети ҳузуридаги DSc.03/2025.27.12.Т.02.04. рақамли Илмий Кенгаш.
Илмий раҳбар: Абралов Махмуд Абралович, техника фанлари доктори, профессор.
Расмий оппонентлар: Норхўджаев Файзулла Рамазанович, техника фанлари доктори, профессор; Якубов Лазизхон Эргашхонович, техника фанлари бўйича фалсафа доктори, доцент.
Етакчи ташкилот: Андижон давлат техника институти
Диссертация йўналиши: назарий ва амалий аҳамиятга молик.
II. Тадқиқотнинг мақсади энергетика соҳаси деталларини комбинациялашган эритиб қоплаб қайта тиклаш технологиясини такомиллаштиришдан иборат.
III. Тадқиқотнинг илмий янгилиги:
энергетика соҳаси деталларини комбинациялашган эритиб қоплаш технологияси асосида кўп қатламли қаттиқлиги юқори ва пластикли юқори қатлам ости билан ейилишга чидамлилик беручи қайта тикланган қатлам ишлаб чиқилган;
маҳаллий минерал ва органик хомашёлардан фойдаланган ҳолда эритиб қоплаш электродларининг графитли кукуни - 8-10%, мармар (Совуқбулоқ) - 10-12%; кварцли қум (Қулантой) - 3-5%; пегматит (Кетмончи) - 5-7%, флюорит - 3-5%, кремний карбиди - 8-10%; ферросиликомарганес ("Ўзметкомбинат" АЖ) - 8-10%, феррохром - 26-30%; ферротитан - 8-10%, электрод селлюлозаси -1-3% дан иборат қоплама таркиби ишлаб чиқилган;
эритиб қоплаш электродларини тайёрлашда қўлланиладиган минерал хомашё базаси ва уларнинг функсионал мақсади асосида шихта компонентларининг таснифлаш схемаси ишлаб чиқилган;
асослилик коеффициенти ва эрувчанлик диаграммаларини ҳисобга олган ҳолда маҳаллий минерал хомашё асосида эритиб қоплаш электродлари қопламасининг шлакли асос таркиблари ишлаб чиқилган;
электрод қопламаси таркибидаги оксидсизлантирувчилар миқдорини оптималлаштириш имконини берувчи қўлда ёйли эритиб қоплашда эритиб қопланган металлни шакллантиришнинг математик модели ишлаб чиқилган.
IV.Тадқиқот натижаларининг жорий қилиниши. Комбинацийлашган эритиб қоплаш учун маҳаллий хомашёдан эритиб қоплаш электродларининг кўп компонентли қопламаларини ишлаб чиқиш бўйича олинган натижалар асосида:
комбинациялашган эритиб қоплаш учун электродларнинг кўп компонентли қопламаларини олишнинг илмий тамойиллари асосида эритиб қопланган металлнинг қуйма тузилмаси таркиби ва хусусиятларини олдиндан прогноз қилиш усули ишлаб чиқилган "Янги Ангрен ИЕС" АЖ марказлаштирилган таъмирлаш цехида жорий қилинган ("ИССИҚЛИК ЭЛЕКТРИ СТАНЦИЯЛАРИ" АЖнинг 2025-йил 15-октябр даги 04-15/1828-сон маълумотномаси). натижада махсус ускуналар ёрдамида ўтказиладиган тажрибалар харажатлари 8-9% га камайган; 
электрод қопламаси таркибидаги оксидсизлантирувчи моддаларни оптималлаштириш имконини берувчи қоплама компонентларини таснифлаш асосида уларнинг функсионал вазифасини ҳисобга олган ҳолда эриган металл қопламасини ҳосил қилиш жараёнини математик модели "Янги Ангрен ИЕС" АЖ марказлаштирилган таъмирлаш цехида жорий қилинган ("ИССИҚЛИК ЭЛЕКТРИ СТАНЦИЯЛАРИ" АЖнинг 2025-йил 15-октябр даги 04-15/1828-сон маълумотномаси). Натижада эритиб қопланган металл таркибидаги кислород миқдорини 7-9 % га камайган; 
ишқорий ва ишқорий-ер металларнинг карбонатларидан ташкил топган композициядан фойдаланиш орқали эритиб қоплаш электродлари қопламасининг газ ҳосил қилувчи компонентлари таркиби "Янги Ангрен ИЕС" АЖ марказлаштирилган таъмирлаш цехида жорий қилинган ("ИССИҚЛИК ЭЛЕКТРИ СТАНЦИЯЛАРИ" АЖнинг 2025-йил 15-октябр даги 04-15/1828-сон маълумотномаси). Натижада эритиб қопланган металл таркибидаги кислород ва азот миқдори 10-12 % га камайган; 
емирилишга чидамли кўп қатламли комбинациялашган эритиб қоплаш учун шлак ҳосил қилувчи компонентлар таркиблари ишлаб чиқилди "Янги Ангрен ИЕС" АЖ марказлаштирилган таъмирлаш цехида жорий қилинди ("ИССИҚЛИК ЭЛЕКТРИ СТАНЦИЯЛАРИ" АЖнинг 2025-йил 15-октябр даги 04-15/1828-сон маълумотномаси).  Натижада эритиб қопланган металлнинг ейилишга чидамлилиги 13-15% га ошган; 
ишқорий металлар фторидлари ва металлмаслар оксидларини қўллаш орқали эритиб қоплаш электродлари қопламасининг рафинацийаловчи компонентларининг таркиблари ишлаб чиқилди "Янги Ангрен ИЕС" АЖ марказлаштирилган таъмирлаш цехида жорий қилинган ("ИССИҚЛИК ЭЛЕКТРИ СТАНЦИЯЛАРИ" АЖнинг 2025-йил 15-октябр даги 04-15/1828-сон маълумотномаси). Натижада эритиб қопланган металл таркибидаги водород миқдори 9-11% га камайган; 
ферроқотишмалар композицийасидан фойдаланган ҳолда эритиб қоплаш электродлари қопламаларини тайёрлаш технологийаси ишлаб чиқилди "Янги Ангрен ИЕС" АЖ марказлаштирилган таъмирлаш цехида жорий қилинди ("ИССИҚЛИК ЭЛЕКТРИ СТАНЦИЯЛАРИ" АЖ нинг 2025-йил 15-октябр даги 04-15/1828-сон маълумотномаси). Натижада, абразив материаллар билан ишқаланиш шароитида эритиб қопланган металлнинг емилишга чидамлилиги 11-13% га ошган.