Турдиева Ўғилой Комилжон қизининг 
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри: 05.06.04 – “Тикувчилик буюмлари технологияси ва костюм дизайни” - “Трансформацион тикув буюмлари янги ассортимент дизайнини ишлаб чиқиш”.
Диссертация мавзуси рўйхатга олинган рақам: B2025.1.PhD/Т5421 
Илмий раҳбар: Хожиев Абдурахим, техника фанлари номзоди, профессор. 
Диссертация бажарилган муассаса номи: Наманган давлат техника университети
ИК фаолият кўрсатаётган муассаса номи, ИК рақами: Наманган давлат техника университети, DSc.03/2025.27.12.Т.15.03.
Расмий оппонентлар: Усманова Сабоҳат Собидовна, техника фанлари доктори, профессор; Ташпулатов Салиҳ Шукурович, техника фанлари доктори, профессор. 
Етакчи ташкилот: Фарғона давлат техника университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Трансформацион тикув буюмлари янги ассортименти дизайнини ишлаб чиқиш ва асослаш, инсонларнинг турмуш тарзини енгиллаштирадиган ва  эҳтиёжларини қондирадиган маҳсулотлар ишлаб чиқаришдан иборат.
III.Тадқиқотнинг илмий янгилиги қуйидагилардан иборат:
Фарғона водийсидаги 1 ёшгача бўлган чақалоқларнинг бўй ва вазн кўрсаткичлари тадқиқ қилинган ҳамда трансформацион кийим ва сумка ассортименти учун чақалоқлар ойма-ой ўсиш параметрига мос келадиган конструктив ўлчамлар ишлаб чиқилган; 
конструктив ўлчамлар асосида 1 ёшгача бўлган чақалоқлар учун трансформацион тикув буюмини такомиллашган ассортимент моделларининг конструктив-технологик кетма кетлиги ишлаб чиқилган;
трансформацион болалар кийими ва сумкаси учун танланган плашовка, трикотаж ҳамда хром миқдори камайтирилган экологик хавфсиз чармдан трансформацион ассортиментда қўллаш имкониятлари асосланган ҳамда ушбу материаллар асосида чақалоқлар организмига салбий таъсирни камайтирувчи такомиллашган модел конструкцияси ишлаб чиқилган; 
трансформацион тикув буюмларининг янги ассортименти – комбинезон, сумка, диванча, рюкзак ва елкага осиладиган сумка сифатида фойдаланиш имкониятига эга бўлган кўп функсияли моделлар тўплами ишлаб чиқилган.
IV. Тадқиқот натижаларининг жорий қилиниши. Трансформацион тикув буюм ассортимент конструксиясини ишлаб чиқиш ва асослаш усулларини такомиллаштириш бўйича олинган илмий ва амалий натижалар асосида:
1 ёшгача бўлган болалар учун мўлжалланган трансформацион комбинезон ва сумка ассортиментининг конструкторлик-технологик ҳужжатлари ҳамда дизайн-лойиҳаси “ИМРОН ТЕХТИЛЕ ГРОУП” Х/К, “Юксалиш чарм саноат сервис” МЧЖ ва “Ботир Муҳаммадали”МЧЖ да (“Ўзчармсаноат” уюшмасининг 2024-йил 15-июлдаги №01/07/99-сон маълумотномаси) ишлаб чиқаришга жорий қилинган. Натижада, бириктириб чоклаш сифати яхшиланган, хомашёга сарфланган харажатларга нисбатан 6,77% юқори даромад олинган,  трансформацион сумка ассортиментини ишлаб чиқаришда корхонада кутилаётган йиллик иқтисодий самарадорлик 142 863 800 (бир юз қирқ икки миллион саккиз юз олтмиш уч минг саккиз юз) сўмни ташкил қилган ҳамда хомашё турлари бўйича қиёсий таҳлил натижасида мол ва бузоқ терисига нисбатан қўй ва эчки терисига сарфланган харажат юқори даромад (163 534 774 сўм) келтириши аниқланган.